5.7.2008
今朝十點一家三口就俾個電話嘈醒, 跟住去咗食早餐, 食完早餐行去郵局寄信, 嘩.............. 熱到丫~~
返到屋企第一時間開冷氣! B仔繼續玩玩玩! 好鍾意扶住窗枱邊同電視櫃企係度行黎行去!
呢個就係B仔最鍾意既玩具! 佢轉得好勁架~~
今日去辦住戶証, 大拿拿每人120蚊, 好彩B仔唔洗辦! 因為要辦証至可以去樓下泳池游水呢~~ 當然大人仲要另外俾15蚊游一次啦~~
B仔: 麵包超超, 一陣帶埋你去游水水!
拎定個水泡出黎準備去游水水~~ B仔幾享受咁~~
B仔: e~~ 你個鼻鼻好大下喎~~~
成個下晝都勁晒, 結果, 我地等到七點至落去游水, 有d風都凍凍地咁~~
B仔笠住個水泡係BB池度活動自如, 自己行黎行去, 隻手仔又係度拍D水水, 拍都成面都係水, 跟住不斷係度傻笑, haha............... B仔爸同B仔媽見到B仔咁搞笑, 好開心呢~~~ 連個姨姨都忍不住一齊笑呀!
之後放咗B仔係大池度浮, 但係腳仔都唔郁, 懶精!
見B仔鍾意係BB池玩, 於是放佢去返BB池, 有幾個小朋友係度玩緊, 池邊有個水泡仔, 係其中一個5,6歲既姐姐的~~ B仔行埋個水泡度, 只不過係摸下個水泡, 個靚妹竟然沖去一手搶走個水泡, B仔唔識嘢呆呆地咁唔知發生乜事, 但我就覺得個靚妹好無禮貌! 佢爸爸都即時話咗個靚妹, 但個靚妹一邊走一邊駁咀!
我地玩到8點就返屋企啦~~ 驚凍親B仔就大濟! 下次再去游水水!
返到屋企白白豬同食飽飽, B仔就大覺瞓, 瞓到豬的一樣, 好似好攰咁喎~~
b仔真係好可愛呢
回覆刪除百厭豬終於攰lu~ zzz 到個樣le (好lumlum.好爽咁樣)
回覆刪除不過...個位o靚妹姐姐駁嘴就好唔要得. (B仔唔準學呀)
[版主回覆07/07/2008 22:28:00]梗係攰啦~~ 係咁係個bb池度行黎行去! 幾咁free!
b仔著泳褲仔去游水? 好想睇下佢個泳裝look~
回覆刪除[版主回覆07/07/2008 22:29:00]b仔着游水尿片呀! 無影到佢個游水look呀!
今次坐水泡一d都唔嬲, 仲好開心呢~緊係知道有得去玩啦
回覆刪除[版主回覆07/07/2008 22:30:00]b仔依家認得個水泡呀!
今次坐水泡一d都唔嬲, 仲好開心呢~緊係知道有得去玩啦
回覆刪除拍d sexy泳裝比fion yee睇嗎... b仔真係好cute
回覆刪除[版主回覆07/08/2008 12:33:00]下次... 不過b仔媽驚俾救生員話呢~~ hehe....
小朋友都好中意水~
回覆刪除b仔好叻wor..咁快扶住野企喇~一定好快識行呀!
回覆刪除你就好啦..b仔係用水泡..我個女玩左一陣就唔肯用水泡喇~激死~
[版主回覆07/11/2008 15:43:00]哦...b仔一直到尾都肯用水泡喎, 我試過就咁抱住佢係大池, 佢好似驚驚地咁!
個個小朋友都鍾意游水!
回覆刪除天氣仲未熱定, 所以還未敢帶小悠去游水, 你哋玩到8點收哂太陽喎, 唔怕凍咩?
回覆刪除[版主回覆07/12/2008 16:23:00]都凍呀! 所以玩咗一個鐘就走人囉~~
日頭玩太陽又晒, 驚晒傷B仔!