B仔媽牛一呀~~

12.7.2008

 

今日係B仔媽牛一嘅大日子, 無驚喜, 無禮物, 無節目, 就係B仔爸一貫嘅作風, 今日亦不例外!

睇黎B仔好快就識行, 懶勁咁想鬆開晒兩隻手行黎B仔媽度, 但係未夠膽!

下晝見天氣好, 陰陰地天, 於是一家三口又去玩水! 嘩... 我地差d包場呀! 得我地一家三口再加一個爸爸帶兩個細路黎游咋~~

剛下水嘅B仔~~

嘩...... 一有水玩, B仔就發癲啦! 係咁拍水水! 係咁係個BB池度兜圈呀!

B仔心諗: 做乜我睇嘢黃晒架?!?!?! 發生乜事?!?!?!

不過陰天關係, d池水都幾凍下, 玩咗大半個鐘就閃人, 驚凍親B仔呀! 睇黎要買件潛水衣俾B仔着住黎游水至得!

返到屋企由B仔爸同B仔白白豬! 沖完涼嘅B仔好快就瞓着咗!

夜晚去咗屋企樓下個間雅士餐廳剧扒! B仔一坐底就係咁MUM MUM要食, 無得食係度大叫, 暈~~~~~~~~~ 係咁好情調嘅餐廳入面, 竟然充滿B仔嘅大叫聲! 好彩時間尚早人唔多咋~~ 餐飽一到就即刻餵B仔食包包等佢唔好係度嘈!

剧扒期間, B仔爸竟然問我屋企有無整蛋糕嘅材料, 我問做乜, B仔爸竟然因為無買蛋糕俾我而打算整個蛋糕俾B仔媽食! (因為B仔媽全日係度咋型呢~~)

B仔爸有呢個心, B仔媽已很滿足, 況且剧扒已經食濟咗, 已食唔落其他嘢啦~~

返到屋企, B仔又開始係電視櫃度作反! 仲扶住d嘢四圍行, 行到去房門度仲係咁拍門!

B仔係B仔媽牛一日子零捨扭計, 成日扭計! 曳曳呀!