26.7.2008
今朝返工, 12點放即閃人返屯門湊B仔, B仔爸有嘢搞所以得我自己湊B仔呢~~
返到去同公公婆婆仲有太婆飲茶!
食千層馬拉糕先~~
嘩..... B仔, 你件衫個窿咁大既?!?!?! B仔媽隻手都塞得落喎~~ 果然夠晒通爽!
飲完茶, B仔公公婆婆話帶B仔去剪髮, 話成日髮尾濕晒! 去到髮型屋, 可能記得, 坐底就即喊, 一剪就喪喊! 一邊喊, 一邊啤住剪髮個個人, 喊下又啤下! 又係喊到成間鋪都嘈晒! 剪完B仔媽抱抱, 但見到婆婆要去婆婆度呢~
等B仔情緒平服B仔媽就湊佢返屋企!
返到屋企無幾耐, 嫲嫲黎咗睇B仔! 嫲嫲都未開聲, 一入屋見到就喪喊...................... 一齊落街又喊.................. 但一出大廈門口見到隻貓就收晒聲!
送咗嫲嫲搭車, 我地就去街巿買西瓜, 仲買咗個啖罐俾B仔呢~~ 個啖罐23蚊仲有八折! hoho..................... XD
等埋B仔爸我地一齊去惠康! B仔一見B仔爸唔知點解無啦啦勁喊! 於是B仔媽抱佢坐購物車, 當堂開心晒~~ 仲成日望住天花板大嗌!
食埋飯就返屋企, B仔瞓咗一陣就繼續玩...........
呢張相影得ｂ仔個樣好攪笑！
回覆刪除做咩呀..心情唔好呀.. 同女朋友仔鬧架?????
回覆刪除[版主回覆07/27/2008 23:30:00]都無女朋友仔........ 何來有交嗌!
d靚女都俾洛洛哥哥、Denial弟弟搶晒, 哈哈哥哥, 有無靚女介紹呀?
放心, 洛洛哥哥識做既
回覆刪除係手指"la"漏幾個靚女過你~haha
[版主回覆07/28/2008 21:10:00]洛洛哥哥, 係真唔係真先~~ hehe... 我要靚架喎! 要靚過B仔媽架喎~~
依張相...b仔.. 你好奸呀!
回覆刪除b仔件衫咁"浪:既, 會唔會冷親架~
唉....b嫲又0黎呀!~攪喊哂~~~~~~~~~~
嘻~~~~~~b仔真係俾面.. 第一次見到鼠鼠姨姨.鏗鏗姨姨都無喊...又無扭計. .仲friend到. 成日伸隻手仔出來say hi.... 真係叻仔! 成日mum mum mum. bu bu bu.. 真係好得意~!!
你個新豬仔痰罐...好攪野呀!
[版主回覆07/28/2008 21:12:00]鼠鼠姨姨, 洗唔洗買返個送俾涼粉弟弟先~~ 最多我用我D利是錢買返個俾涼粉弟弟! haha...
B仔真係表情多多~好想見下 B 仔呀, 快 d 又搞聚會就好喇
回覆刪除聰聰都好鐘意大叫的, 有時叫到聲都沙哂, 搞到我肉都赤埋...
[版主回覆07/29/2008 17:39:00]hehe........ 唔知幾時有聚會呢~~
小心酒樓冷氣凍喎! 記得帶定件褸仔呀!
回覆刪除