24.7.2008
今日又係做到無停手~~~ 真係人都癲! 這單未做完, 另一單又黎! 沒完沒了咁呀!
B仔爸今日返工, 所以B仔媽放工返咗娘家睇我個寶貝B仔!
食飽飯, 同B仔玩下先~~
B仔笑得咁甜o既?! 咪就係B仔媽撩緊佢玩, 逗緊佢笑囉~~
B仔媽: B仔, 1,2,3, 笑~~~~~~~~~
當時B仔媽一數完3就對住個寶貝傻笑, B仔就跟住笑, 真係搞笑! 好得意呀~~ haha...
跟住同B仔爸"生滋", B仔媽又數123笑, B仔又係度笑, B仔爸仲話咁叻識得一數到3就笑, 其實可能係B仔見到佢媽媽我係度傻笑, 佢又跟住一齊傻吧~~ haha...... 
發現咗一件事, 話說張地墊卷埋咗棟咗係度, B仔唔覺意推跌咗, 成張地墊瞓咗係度, 俾B仔發現中間有個"濃", 然後係度玩"捐山濃"呀~~~
玩咗一大輪B仔媽就返歸啦~~ 臨出門口時B仔話之我走, 婆婆就抱B仔係鐵閘, B仔媽抱佢出門口, 佢以為去街街, 俾返婆婆抱時, B仔扭計! 當然唔係唔捨得B仔媽啦~~ 唔知幾時B仔會識得唔捨得B仔媽呢?!
B仔早兩日收到郵差叔叔拎黎既包裹, 係姨姨(B仔媽細妹)由澳洲寄黎餅餅同埋三隻DVD呀~~ 多謝姨姨o既第一份禮物呀! hehe..............
早兩晚同B仔爸一齊睇返B仔細細個時既相, 以前真係好可愛, 都幾懷念B仔圓碌碌, 未識爬, 未識反抗, 任人"魚肉" 既時候呀! 家陣都得意, 但係已唔同以前個種得意, 對比返個樣, 真係牛精咗好多呀~~~
三個月大o既B仔, 一d都唔牛精, 仲好BB樣, 但十個月大o既B仔, 一副頑皮相, 想佢乖乖好似以前咁坐定定影相, 都幾難呀! 怕且一早閃走咗去倒蛋啦~~
我同你既諗法實在太似啦! b 仔由到大都係咁令仔呀!
回覆刪除[版主回覆07/25/2008 16:48:00]Haha........ 令乜鬼丫~~~ 曳到爆!
依家個樣, 真係唔同哂~ 拉長咗. 變得無咩肉地...
回覆刪除10個月大, 已好有大哥哥的樣子喇... 唔多似bb lu
[版主回覆07/25/2008 16:45:00]係囉~~ 做咗B仔哥! Haha... B仔哥遲下要同涼粉玩!
真係架, 放工返屋企同仔仔玩, 見都佢笑就心都甜哂
回覆刪除睇番阿仔以前d相, 雖然都唔算肥, 但係都叫有 d 肉地, 依家高大左, 但係就瘦左...同埋... "頑皮"左 , 真係好難坐定定咁俾人影相...
唔知係唔係仔仔都係百厭 d 架呢
[版主回覆07/25/2008 16:45:00]係囉~~ 好多人都話仔係曳d
8月3日去不去沙灘？
回覆刪除[版主回覆07/25/2008 16:44:00]哦... 你個日帶ceo去沙灘玩呀? 我唔啦, b仔爸晨早已落禁令唔去沙灘! 佢話驚晒傷b仔喎! 不過我再問下佢先~~
好呀!第時weekend 來玩~
回覆刪除你可以買定bb用的防晒嘛~~護協有呢!
p.s. 男仔係郁動多d, 唔多郁.. d 人又話似女仔..."喇"型... 郁動大又百厭,好難對付.. 真係.........
[版主回覆07/26/2008 09:22:00]hehe...... 遲下涼粉應該同b仔不相伯仲! hehe...
未識爬, 未識反抗, .....係...果時真係好好攬..想點都得...
回覆刪除[版主回覆07/26/2008 09:21:00]係呀~~ hehe...... 家陣係佢想點就點, 話知我地~~
b仔笑得好搞笑! 手腳都郁, 好似有酒窩呀!
回覆刪除[版主回覆07/26/2008 23:44:00]係呀, 佢有酒窩架~~
B仔無論何時都係咁可愛!
回覆刪除