22.7.2008
呢輪返工好多嘢做, 同埋心情都麻麻~~ 好驚呀, 有個同事走, 我要接佢部份嘢黎做呀! 但係今日吹咗成日都未肯俾個file黎睇下, 唉................. 仲有兩日佢就走啦, 點算?! 雖然尋日已講咗另一part, 但係聽完都一舊雲, 大濟囉~~
今日section開會, 當然有人歡喜有人愁~~ 走既就最開心啦! 之但係一走走四位同事, 仲要係資深o既, 新人又未到, 唯有我地啃啦! 我接收個壇嘢, 都頗惡啃架~~ 唉........ 真羨慕唔洗接嘢o既同事呀! 可以繼續享受人生~~~
放工時, 鼠鼠話今日係大暑(唔怪得之咁熱啦!), 叫我煲冬瓜湯! 於是去街巿買餸滾冬瓜粒魚肉丸湯, 清清地!
腐乳通菜
南瓜蒸排骨 (南瓜好甜呀, 好好味!)
煮下飯, 暫時忘記工作上既煩惱! 之但係, 一打呢篇blog, 又愁愁地! 放咗工, 都係唔好諗咁多, 煮到埋黎就食啦! (B仔媽一貫作風, hehe.....)
你真係聽話喇
回覆刪除冬瓜.... 通菜.. 我都想吃呀!
南瓜排骨, 係咪好介紹呢?
不過你d排骨下次落多少少老抽和生粉... 個樣無咁殘呢!!
[版主回覆07/23/2008 13:14:00]係呀, 係呀! 南瓜蒸咗好甜好好味!
不過排骨醃得唔夠味! 我有落生粉架~~ 但無老抽, 得生抽!
你煮嘢食都唔錯噃．．．．大住肚時整果ｄ都好靚仔樣
回覆刪除[版主回覆07/23/2008 13:13:00]謝謝讚賞啊~~
是呀,放了工,工作就留待明天做, 回到家做一個幸福張師奶
回覆刪除[版主回覆07/23/2008 13:12:00]係呀, 係呀! haha...
哇, 一走走四個同事咁多? 係咪有咩問題呀? 公司都唔挽留?
回覆刪除想試下個南瓜排骨, 未食過呢!
[版主回覆07/23/2008 21:43:00]2個退休, 2個resign~~
試下, 又幾好味喎~~ 我本身麻麻地南瓜!
我都覺得放左工就唔好諗咁多了, o係公司已經夠煩, 不用把煩惱帶回家...
回覆刪除我每日放工一打左咭就乜野都唔理架喇, 乜野report 呀, email 呀都唔理住 , 剩係想要快 d 返屋企餵粥仔
[版主回覆07/23/2008 21:44:00]haha........ 你都好丫~~ 有得返去餵粥仔!
依d時候..我最想食湯飯
回覆刪除大家咁話la~ le排少左Blog~~~ 公司又焗到病!. 公司同事又走左...
回覆刪除我都要接手呀...(仲要大肚中既我)... too bad. 有日OT到8pm.(帶病中)
返到Home(娘家)...唸住KV唔知ga ma(佢返通宵更). 點知佢打俾mami...
mami快得制. 爆響口~~~ 結果我梗係俾人小la~~~ (le排好多野做).死梗!
[版主回覆07/24/2008 11:27:00]haha.... 咁kv緊張你同b女麻~~~ 孕婦唔好咁操勞呀!!! 不過講就易!!! 希望你老細快d請返個人返黎啦!!
唉! 工作就係咁喇! 一定有d人唔洗做，自己就做到死!
回覆刪除工作永遠都做唔完，盡能力過到自已個責任。咁多嘢pass咗比妳，邊樣urgent咪邊樣做先。放咗工，唔好唸咁多，放鬆放鬆…同b仔玩就開心哂~~
回覆刪除上司見你做唔黎都會安排其他同事分擔下ga啦~~
回覆刪除[版主回覆07/25/2008 16:52:00]我相信我得架~~ HAHA....