17.7.2008
好耐無煮飯啦~~ 耐到真係唔記得上次幾時下廚囉~~
放工獨自去咗石湖墟街巿買餸, 係街巿兜咗幾云, 想買桂花魚, 但係唔見有, 其他魚又唔想食, 結果無買魚! 想買西瓜食, 但無檔吸引到我去買佢返屋企! 想買芒果整芒果布甸, 但係又係唔靚!
唔知係咪呢輪成日落雨, 覺得d菜個樣唔多靚, 有意慾唔想煮架~~ 但既然去到街巿, 都係買餸煮飯!
是日晚餐有......
滾冬瓜豆腐肉粒湯 (清清地, 消下暑咁啦~~)
蕃茄煮蛋 (好好味, B仔媽好鍾意呢味餸架! 酸酸地又甜甜地, 好味!)
鹵水雞翼
仲有碟金銀蛋莧菜, 但呢味唔好味, 可能嬾得濟, 煮咗都頗耐架啦, 但都唔林既~~~ 唔好味, 唔Post啦~~
呢餐餸買咗54蚊呀! 真係同出街食差不多咋~~
冬瓜湯我都好耐無飲啦，見到都想飲呢...等我下次都煲黎消下暑先
回覆刪除係呀，依家咩都貴，真係買餸返黎煮同出街食差唔多價錢，只不過自己煮就無味精健康d。
[版主回覆07/18/2008 16:10:00]我見呢排熱, B仔爸做嘢又辛苦, 咪滾個冬瓜湯佢消下暑囉~~
咁又係, 自己煮就健康D!
$54有3個餸加一個湯
回覆刪除得架喇你
[版主回覆07/18/2008 16:14:00]Hehe....... 搵日約埋大忙人去你度煮你食! Hehe.....
(Empty)
回覆刪除你真係好耐無煮過喇~~
回覆刪除依家咩都貴又唔靚, 又真係好難買新鮮餸!但點都平過出面吃又健康吧! 起碼你60蚊內.3餸1湯, 2人吃喎! 你地一定有剩添喇!!
蕃茄.. 夏天我都愛吃...
[版主回覆07/18/2008 16:18:00]只係食淨咗一半菜咋, 因為唔好食!
我都鍾意食蕃茄蛋, 不過屋企煮開蛋花, 唔係一片片蛋
回覆刪除好好味AR...
回覆刪除依加出街食好貴啊~~都係自己煮好D~~
回覆刪除而家啲嘢好似貴咗少少啫~~~~豆腐都要$2.5一件~~~~
回覆刪除係呀! 現在d餸都真係好貴，有時真係同出街差唔多，如果煲埋湯，分分鐘貴過出街食添呀!
回覆刪除[版主回覆07/21/2008 22:14:00]係囉~~ 都仲未計水費電費煤氣費呢~~
54 蚊 3 餸 1 湯好好架喇, 我 2 餸 無 湯都要三十幾蚊呀, 去街市買斤菜心都要16蚊呀!!
回覆刪除我都在努力學習中, 上星期第一次整免治牛肉 (再唔係煎雞翼喇 ), 評語係...食得入口...
[版主回覆07/22/2008 14:48:00]加油呀! 煮得多就掂架啦~~ B仔婆婆做女時唔識煮飯架, 家陣不知幾咁叻呀!
簡易既餸菜呀.岩晒我~~~
回覆刪除[版主回覆07/22/2008 23:11:00]冬瓜涼呀~~~ 唔啱你住呀!!!