母親節

11.5.2008

今年第一年以媽媽身份過媽媽節呢~~

一早起床同公公婆婆太婆姨婆舅公飲茶, B仔同公公婆婆去酒樓先, B仔媽就後到, B仔媽出發時, 係婆婆屋企樓下, 見到有花派, 當然唔執輸呀~~ Hehe....... B仔媽仲問個亞姐可唔可以俾多支, 諗住太婆一支, 婆婆一支! Hehe..... 個亞姐又肯俾喎!

去到酒樓...........

B仔: 睇下有咩食先! 媽媽你想食乜呀?!?!

B仔媽: 食叉燒包啦! 等媽媽搣d包包你食!

B仔: 包包未到, 但已眼瞓, 要叉叉電先~~

B仔今朝晨早六點幾已起床, 之後無瞓過梗係眼瞓啦~~ 結果, 瞓咗成個幾鐘, 飲完茶走佢就瞓醒!

之後返咗婆婆度等B仔爸放工過黎一齊去街街!

坐緊車去緊黃金海岸....

B仔爸第一次孭B仔呀~~~~~~

我地去咗海灘行咗一陣, 有d人係度打沙灘排球, B仔見到個波飛黎飛去, 笑到"卡卡"聲~~  做小朋友幾咁好, 無煩惱, 咁無聊嘅嘢都可以令佢笑得咁開心!

5點幾就湊B仔返婆婆度lu~~ 跟住B仔爸同B仔媽返上水同嫲嫲食飯慶母親節!

B仔媽第一年嘅母親節, 其實都無乜特別嘅感覺, haha..... 可能因為B仔乜都唔識, 又未識叫媽媽, 又未識畫畫送我啦~~ haha.....