影BB造型相 + 第一次剪髮

18.5.2008

今日下晝一點, 一家三口去咗元朗個間Studio123影BB造型相.

張B仔好唔合作, 竟然扭眼瞓 ....... 影相時一係就"牛牛豆豆", 一係就喊....... 影得最開心就係除晒衫褲同埋家庭照!

事前唔係B仔媽唔俾B仔瞓, 而係大少要瞓就瞓, 唔瞓點暗佢都唔瞓, 無辦法!!!

真係各位媽媽要帶d大少大小姐去影BB造型照前, 最好食飽瞓飽至好去影!

由於B仔唔合作嘅關係, 每款造型照影得都唔多 ....... total影咗137張相, 如果B仔心情好, 一定唔指137張咁!!!

影完差不多3點, 但要等45mins至有相睇, 所以去咗Mc噹噹食個tea.

3點半, 有相睇, 雖然B仔唔多合作, 但都影得好靚好得意, 所以諗都唔洗諗, 加多三百蚊, 要晒所有相! 

4點鐘, B仔食埋奶就返屯門, 帶咗B仔去剪髮, 因為B仔d頭髮, 越大越稀疏, 出世至今都無剪過髮呢~~

剪髮前嘅張B仔

剪髮後嘅張B仔

剪髮時B仔爸抱住B仔, 而B仔媽就係咁叫B仔, 點解?! 因為B仔喊到拆天咁呢~~ 喊到連佢honey都唔要呀!!! B仔媽叫佢又唔應, 一味係咁喊喊喊......... 到剪完髮, B仔媽抱抱都仲喊, 喊到唔識收聲呀! 陰公豬豬囉~~~

B仔嘅新造型, 成個樣都變咗一個牛精仔咁! 一個naught baby嘅模樣呀!!!