德慶盤龍峽三日之旅 -- 第一天

24.5.2008

B仔爸同B仔媽去咗三日短線遊 -- 德慶盤龍埉

晨早7:30AM去到中港城碼頭集合, 8:00AM要入閘過關, 8:30AM開船, 10:30AM去到順德港!

坐船時諗住影返張相留念, 點知............................................................ 竟然帶咗相機, 但無帶memory card .............................................. 因為尋晚將d相save落電腦之後唔記得放返入相機呀!!!

落咗船跟住就坐旅遊車, 好似坐咗兩個幾鐘車到四會, 食飽飯, 遊廣寧財神山, 跟住唔記得坐咗耐車啦~~ 去咗廣寧, 去咗個種咗好多竹嘅公園, 原來竹都有咁多種, 真係唔知! 多到呢~~ 竹都有甜、苦、辣竹架~~ 仲有種竹係方形, 幾特別! 仲有呀~~ 熊貓食嘅竹叫大佛肚竹! 仲有咩竹?! 唔記得lu~~~

竹海大觀"十里竹廊", 坐竹笩觀賞兩岸竹林, 坐個個竹笩時其實都幾驚, 想咋咋臨遊完上岸, 同埋都無乜嘢好睇!

之後又唔記得坐幾耐車去到懷集, 是晚食同住都係懷集4星海逸酒店! 食飽飯同B仔爸搭的士去附近按腳(導遊介紹). 呢度d的士, 起標$3, 每跳一次標都係$0.5咋~~ 勁第呀!!! 按完腳就返酒店瞓! 聽朝晨早七點morning call~~~ 仲早過返工呀!!!