B仔媽第一次帶去公園

4.5.2008

今朝同公公婆婆去咗喜喜飲茶, 第一次去, 環境好舒服, 又唔嘈, 食物都啱食, 因為我地食開淡味, 若食開濃味食物應該唔鍾意!

B仔第一次坐BB凳, 因為個度d BB凳係成張木製, 唔係一般酒樓加上張凳度個d~~

飲完茶就返婆婆屋企lu~~~

食飽粥粥, B仔媽帶咗B仔去吉之島同B仔個珊契媽食嘢傾計~~

之後一齊去咗逛玩具反斗城, 試坐車仔...

全程B仔係超眼瞓, 但自己又八掛, 唔肯瞓~~

行行下街終於瞓咗, 於是B仔媽就推住B仔行路返婆婆度....... 但係....... 瞓咗一陣, B仔就醒咗, 個時只行咗一半路程........ 跟住又唔肯瞓........

返到樓下, 買咗支嘢黎飲下, 跟住係公園坐下, 今次係第一次同B仔去公園坐呢~~ 真係咁耐以黎第一次咋~~~

B仔攬住支凍冰冰O檬茶唔肯俾返B仔媽呀~~~

原來樓下個公園都幾靚架喎~~

放咗B仔係個搖搖凳上面坐, 眼瞓到佢呢~~~~~~~~~~~~~~ 目無表情, 真係"唧"都唔笑呀~~~

呢個開心表情只維持咗2秒........................

等婆婆買完餸, 我地就一齊返婆婆屋企lu~~~

今晚放咗B仔係地墊度玩, 發現佢識識地爬, 放佢係墊頭, 佢個玩具放係墊尾, 佢想拎黎玩, 於是由墊頭搖下爬下咁去到墊尾拎呀~~