果然係赤口日, 晨早已蘊釀開戰, 夜晚開戰.........
點解未有自己的家時又煩, 到依家有啦, 就更加煩煩煩?
點解成日都要我地搬返佢間屋度住?
點解講極都唔聽, 都同佢表明咗立場, 唔會返去架啦, 點解仲要成日迫我地?
點解成日都對人講人話, 對神講神話架? 同我講就隨得我地, 過兩日又迫個仔?
點解咁都唔係叫迫? 咁叫咩?
點解乜都好似想我地順從佢咁?
點解乜都要理我地架? 係咪真係寂寞得濟無嘢諗呀?
點解成日話我間屋呢樣個樣? 我間屋真係咁令佢討厭?
點解成日話自己間屋好? 風水好、讀書好、環境好、夠矮......
點解三哥三嫂乜都係好? 而我......
點解老公唔老早同佢講唔搬返去? 等佢唔好再煩! 佢叫到就應承佢搬, 有無理過我感受? 真的非常極度唔想搬返去住! 跟本個個都唔係屬於自己的家!
點解成日都敷衍佢? 呢d唔係叫開空頭支票叫咩?
點解自己唔可以當乜都聽唔到? 可惜未到咁高境界! 唔係直接煩住我都覺得好...... 煩, 更何況係老公!
點解老公次次為呢d事嘈親都話我自私? 我係自私又點? 都想生活係一個自己鍾意, 有自己一家三口空間嘅環境遮~~ 咁都叫自私?!
點解老公未有自己的家時, 就好恨搬出去, 到依家搬咗去佢心水地方, 又話要搬返去?
點解結咗婚仲衰過未結婚? 諗住結咗婚唔駛俾媽咪管住, 點知, 結咗婚自己媽咪無管, 但就俾人地亞媽管?
點解我個仔讀書都要擔心? 唔通淨係上水至有書讀? B仔好似係我個仔, 駛唔駛幫我為B仔安排埋?
點解我地兩公婆成日為咗佢而嘈交架? 係咪家變至安樂? 還是我個人問題呀?
點解?! 點解?!
點解咁多點解架?!
點解呢d點解無解決方法架?!
點解會咁煩架?! 幾時至煩完呀?!
點解人叫做凡人, 搞到咁"煩"呀?!
張師奶~~唔好咁激動喇~咪動咗你胎氣就唔好喇!
回覆刪除你老公係咪孻仔呀!如果係, 張老太一定想個仔係佢身邊,照顧佢地
佢都係驚老咗你地無人理佢0者!
唉..好明顯, 張生又係一個孝順仔喇! 樣樣都順從亞媽~~
我都明白, 做仔既, 左右做人難, 你搵日平心靜氣同老公傾下.
如果搬番去住,咁依間屋點? 蝕賣嗎? 你話你為左個仔好, 有自己空間, 先搬開0黎1家3口住囉~~同99講下,最多多d返去探佢地~
Haha... 你唔好嘢人誤會! haha... 一陣其他人以為我有咗就唔多好啦~~
回覆刪除點解你問嘅點解會同我嘅點解一樣???
回覆刪除係唔係個個6299都係一樣???
[版主回覆02/13/2008 10:11:00]乜你99又係咁煩架?!
唔好咁激動, 我同你差不多啦, 我99之前成日都叫我哋搬過去佢隔離個單位(因為都係佢嘅), 我知佢龐嘢架, 之後會打通兩間屋囉. 而家我哋只係住隔離座都咁麻煩, 62又成日喺我呢面自出自入, 我哋瞓緊佢都走入房, 你知啦, 好多時喺屋企都會衣衫不整, 佢次次都係咁, 頂. "吸"嘢咩?!! 仲離譜係我我哋有兩間房, 我99個工人竟然霸我一間, 攪到之前我工人要瞓廳, bb要跟我哋瞓, 個廳做咗衣帽間同雜物房, 我同我老公狂投訴, 發脾氣, 嗌交都係因為呢兩個問題. 而我老公同你花王一樣, 好似兩個蛇咁. 到我上次離家出走先解決到唔搬. 我諗你都要忍吓, 問心, 其實佢都好難做. 總之~大多數嘅99都係野蠻, 麻煩架啦, 而且講到尾媳婦係外人, 孫呢?? 當然係自己人啦, 我太明呢個道理啦.
回覆刪除唔好咁激氣啦~唔使理距咯~距叫你番去你埋當聽唔到咯~張生咁孝順你咪叫距自己番去咯~我唸你堅持唔去距都唔會去既,距都唔會掉低你同B仔唔理~總之一定要堅持到底~唔好俾奶奶食住你~
回覆刪除[版主回覆02/13/2008 23:28:00](Empty)
我男朋友都話結咗婚一定要同佢亞媽住,係一定,因為佢話佢唔想唔理佢亞爸亞媽,咁我亞爸亞媽呢?點解同佢bama住唔同我bama住呀?唔通做女嘅bama就唔係人,唔洗理呀?我好堅持話唔會同佢屋企人住,因為我一直渴望係結咗婚有自己一個屋企,自己一家人,鐘意做咩就做咩,有屬於我哋嘅世界,點解要同佢屋企人住?到宜加我都唔會同佢妥協,別人說到了要嫁嘅時候我唔會再計較呢d嘢,真的嗎?我唔想接受呢樣嘢,佢屋企人唔係對我唔好,而係我想有自己嘅家,自己一手一腳打理,最多多d返去同佢哋食飯,又唔係唔理佢哋,點解一定要一齊住?真係好討厭佢哋呢d"大仔理論",唔係仔就大晒架><
回覆刪除我好明白你感受,我支持你^^
[版主回覆02/13/2008 23:17:00]我都支持你呀! 你要堅持呀! 真係相見好, 同住難呀! 我奶奶對我唔差架~~ but生活方式實在太唔同!
同埋唔係一齊住就叫做理佢架~~ 大不了咪住近d, 多d返去同佢地食飯! 真係唔知咩道理!
有自己的家真係好開心架~~ 抺個地, 洗個廁所都寧舍開心, 寧舍落力架~~
觀乎各網友既反應, 我有個總結: 大部份奶奶都覺得阿仔結左婚就會冇左個仔 (佢地觀點係新抱搶左個仔, 個新抱有幾好都唔理!)
回覆刪除張師奶一定要據理力爭, 仲要搬埋自己爸媽出黎講道理, 再唔係咪一三五住奶奶家, 二四六住娘家, 星期日住自己家=絕招!(唔知work 唔work )
[版主回覆02/14/2008 13:50:00]再係咁固執, 真係一二三四五六日都係娘家住! 仲絕呀~~ haha...
張師奶，男人係咁o架喇! 我都覺得結婚前個老公都無咁理個阿媽，但現在樣樣同佢阿媽有關嘅嘢都勁緊張，有時仲覺得好似我唔啱咁，要佢阿媽就晒我，委屈咗佢阿媽添! 唉! 但如果要我同佢阿媽一齊住，得，我淨係返去瞓囉! 我乜都唔理o架喇! 等佢阿媽可晒骰囉! 但如果要湊我個小朋友，唔洗諗喇!
回覆刪除[版主回覆02/14/2008 13:46:00]我都唔會俾佢湊呀! 咁我寧願自己食少d, 唔做嘢自己湊!
張師奶, 唔好嬲呀!我都覺得結婚之後面對既現實問題好煩,有一輪我都好唔開心, 不過倆公婆心平氣和傾下, 問題好快會解決啦~~支持你呀
回覆刪除[版主回覆02/14/2008 13:44:00]Haha... 我發洩完就無嘢! haha...
i agree
回覆刪除我都有好多問題同你相似, 我都想知點解
回覆刪除[版主回覆02/16/2008 22:28:00](Empty)