年初二

8 Feb 2008

年初二, 爸爸收工, B仔就瞓醒! 即係媽媽無得繼續瞓!

瞓醒又黎訓練一下先~~

梳洗好, 準備出發去太婆度拜年~~ 本來應該去婆婆度拜年先嘅! 但晏咗出門口!

B仔, 你今日好型仔呀!

去到太婆屋企樓下, 瞓到豬的一樣!

係太婆度食盤菜, 正呀~~ 但B仔有得睇, 無得食, 成日係度嘈!

去完太婆度, 就去太嫲度拜年! 點知....... 太嫲係度發"爐so", 提早同公公赤口! 所以坐咗一陣就走!

跟住去咗B仔二伯屋企拜年! 佢地養咗隻小白兔, 隻小白兔"吉"起身, B仔就好興奮, 原來B仔係咁鍾意小動物嘅~~ (希望係啦!)

之後返咗婆婆度拜年兼食飯! 舅父仔今日去咗拜車公, 買咗個玩具俾B仔玩~~ B仔, 你識唔識玩架?!

婆婆今年買嘅年花~~ 十蚊一朵, 真係第!!!

哦~~~ B仔, 你咁多手, 搞婆婆d花花, 搞到d花瓣跌晒落地!

Pizza妹妹好靚女喎~~~

唔明點解, 成團毛嘅Pizza妹妹, 都已經着埋件靚衫架啦~~ 仲要黐住個暖爐唔走! 係咪真係咁凍呀???