新年禮物

2 Feb 2008

尋晚凍到瞓唔着, 一來少咗個人肉暖爐(因為爸爸要返工呢~~), 二來自己血氣差, 成晚都好似未暖過咁, 搞到成晚瞓得唔好!

今朝一早八點幾見瞓唔着, 於是去屋企附近睇大夫, 以為天寒地凍兼咁早會無乜人(9點鬆d), 去到已經成村人等緊, 登記咗唯有食下早餐兼閒逛一陣, 結果由登記到拎藥成3個鐘至睇完!

今朝爸爸放工, 要去教育學院做嘢, 而B仔就由舅父仔車佢回家!

我地等爸爸收工就一齊出咗沙田行街街!

係醫肚其間, 竟然發現B仔條褲濕咗?! 點解會濕?! 應該係包尿多得濟吧 = =, 搞到我地咋咋臨食咗個飽就即刻去西田買條褲俾B仔換! 真係呢hea呀~~~~ 個條咁普通嘅褲仔買咗四十幾蚊, 好唔第呀~~ 但無計!

換完條褲就快速買想買嘅嘢就返歸! 夜晚同爺爺嫲嫲食團年飯!

今日爸爸係教育學院度買咗個小蜜蜂玩具俾B仔, 爸爸最頂癮嘅一句: 我見10蚊咁第至買架咋~~ 又咁過癮!

個小蜜蜂一聽到聲就會手腳郁! 不過屋企無電, 無得試! Haha.....