14 Feb 2008
今日係情人節, 但對於我黎講, 都只不過係一個平常嘅日子! 無花無禮物無surprise, 乜都無! 預咗!
雖然自己無花收, 但見到同事們有花收, 都好替她們開心呢~~
自己唯有返屋企, 睇下自己買嘅年花先~~ haha...... 終於開花! 仲諗住d百合咁平唔會開添~~
今晚餐餸已買定, 所以放工返到屋企樓下, 同埋爸爸去咗睇王大夫, 因為張師奶對腳又發癲, 痕到爆炸, 好似之前坐月時個d痕, 出晒一粒粒, 加上過年時食得煎炸嘢多, 有點燥熱!
而爸爸, 初初唔肯睇大夫呀! 差d講到我發爛咋至肯睇大夫! 因為佢鼻竇炎多年, 又一直唔睇醫生, 又擔心唔知拖咗咁耐會唔會唔妥, 咪叫佢一齊睇大夫囉~~
好在睇一睇咋~~ 王大夫話爸爸個鼻入面生咗細粒息肉呀!!! 應該係啱啱至起~~ 若耐咗唔理會發大, 大粒會搞到個鼻變型架~~
睇大夫睇到差不多八點至返歸煮晚餐!
是晚自製情人晚餐有~~
真係大殺風景, 爸爸用報紙黎墊枱 = =
蒜蓉飽 (唔知係咪蒜蓉多得濟, 有點兒辣, 但爸爸話吾覺)
南瓜忌廉湯 (唔知點解, 唔似街個d成碗燈色?! 唔通要用攪拌機攪下佢?!)
香煎牛肋條并芝士焗大蝦 (d牛煎得生得濟, 但爸爸就話剛剛好, 芝士焗大蝦好正, 但唔明點解塊芝士焗咗都溶唔晒?!)
就這樣平平靜靜咁渡過呢個情人節!
哇..你呢餐好正呀...
回覆刪除俾著我實唔會整...湊女都已經忙到癲..
[版主回覆02/16/2008 22:34:00]湊住B仔都唔會有機會整到, 莫講話整, 想食餐安樂茶飯都難呀! 都唔明解, 次次開飯佢就嘈!
都好豐富喎! 你好勁呀! 咁快可以煮好餐飯。
回覆刪除好豐富呀~~見到都流晒口水
回覆刪除情人節快樂呀!張c奶!
回覆刪除哈哈~我都想話....點解會墊報紙架?!?!?
我之前都試過自製蒜蓉牛油,來做蒜蓉包,. 老公都話好辣好怪呀!. 佢仲叫我下次都係買現成蒜蓉醬!
無錯! 整南瓜湯, 真係要將d 淋咗既南瓜, 放入攪拌機攪攪佢架!!仲要加忌廉添~~
你d蝦蝦真係好大隻呀!!!好似好 好味咁!
[版主回覆02/16/2008 22:33:00]係啦~~ 個張報紙簡直就大殺風景呀~~
蒜蓉醬會唔會無咁香呀?
時間同懶既關係, 所以無攪!
唔緊要啦....
回覆刪除一家人開開心心, 日日都係情人節啦 !!
嘩,你好犀利喎,整到d咁好嘅嘢食
回覆刪除D花好靓wo~~~真係開心呀!!情人節快樂~~
回覆刪除D花開得好靚~呢餐好豐富啊~B仔去左邊呢?
回覆刪除[版主回覆02/16/2008 22:30:00]B仔係婆婆度~~
平淡也是美.
回覆刪除個湯會否加了太多忌廉?
[版主回覆02/16/2008 22:30:00]um... 咁又唔知喎~~
嘩.....你個情人節套餐好正噃, 早知叫你預埋我啦~黃生見到實流晒口水添噃
回覆刪除嘩~~好煮得下喎. 我結婚後都要學識煮野先得.
回覆刪除