3 Feb 2008
今日帶B仔識朋友仔, 約咗兩點鐘, 點知我地遲大到!
成家人瞓到12點至捨得起床(B仔尋晚4點, 跟住8點都要食奶, 爸爸同媽媽都無瞓過咁呀 = =), 起床好忙, 又要執奶粉袋, 又要同B仔沖個靚涼, 又要食埋餐奶至出門, 搞到成差不多兩點至出門口, 真係唔好意思呢~~
去到Cafe已經黎咗好多BB, 係blog就成日見到佢地, 真人就第一次見!
全場得兩個B女! B仔去到即刻同靚女曉妤BB做個friend先啦~~
B仔真係唔知醜架~~ 一見到曉妤BB即刻摸人隻手仔, 跟住就捉住人地手仔唔放, hehe......
跟住同Orphee BB玩, 唔知係咪B仔熱情得濟, 嚇到Orphee BB係度喊!
之後同其他BB social, 最搞笑係當B仔遇着哈哈BB, 哈哈BB一路啜住佢肥美嘅手指一路望住B仔笑, 而B仔就ke lei koo lu同哈哈BB傾BB話, 仲想伸佢隻小手俾哈哈BB試添呀~~ 可能佢地係度交流緊邊個隻手仔正d! haha......
Cafe度有d 小朋友sofa, 放咗B仔係度坐, Orphee媽媽係度撩緊B仔笑呢~~
跟住又試下瞓豆豆sofa, 但B仔係咁郁, 係咁冼落黎 = =
B仔好唔鍾意瞓呢d豆豆sofa, 唔知係咪夾住佢唔舒服?! 一放落去就發癲!
每個BB都各有表情, 左下角個BB仲坐坐下瞓到冧冧的~~ 好搞笑! 曉妤BB就坐到好嘆! 哈哈BB係咁啜手指! 最右邊個BB就係咁笑, 好過癮! 而B仔呢.............. 唉............. 無時停, 佢個姿勢幾肉酸 = =""""""
B仔真係B仔B女都唔放過呀! 係咁捉住人地隻手仔, 仲要唔肯放個隻!
Party後斷B仔係度扭計, 開奶食得2oz, 又晒咗成支奶 = = 想瞓又八掛瞓唔到!
差不多玩到五點就散水, 自己咩住B仔, 又要拎住大袋奶粉袋, 好似走難咁, 咋咋臨搭巴士返婆婆度lu~~ 搭巴士時B仔瞓到豬的一樣呀!
總結:
1. 今日個party好開心
2. B仔都幾主動, 見到咁多BB都肯同人玩, 媽媽們撩佢都識笑
3. B仔原來唔係最多口水流嘅BB, 仲要算係少個隻!
4. B仔係最無時停嘅BB, 人地坐定定係bean sofa, 但B仔就......
5. 如果下次再有gathering, 一定要爸爸全程係度至得(今次爸爸中途有嘢做走咗), 因為自己稱住B仔又要拎個奶粉袋, 辛苦過搬屋!
返到婆婆家, 一個人都無, 公公婆婆去飲, 舅父仔同ming姐姐去街街, 得返我、B仔同Pizza妹妹!
B仔與Pizza妹妹合照! 實在難得! 但Pizza妹妹間唔使都望住B仔隻手仔呢~~
佢地兩個做乜眼神咁一致?!
咪就係因為我拎住咗Pizza妹妹個hot dog公仔, 如果唔係邊得Pizza妹妹咁乖, 坐定定係B仔身邊影相! 而B仔就俾個公仔吸引住囉~~
沒有留言:
張貼留言