17.2.2008
今朝B仔九點幾就瞓醒, 十點起身餵佢食米糊, 一邊食, 一邊等爸爸返屋企!
B仔一邊睇叮噹一邊嘆糊仔, 係度享受人生! B仔食到個嘴好似生鬚咁, Haha…… 好叻叻呀! 食咗一飯碗糊仔呀! 餵到媽媽手軟~~ 成日係度諗, 咩方法至可以一邊暖住d糊仔一邊餵! 仲未諗到方法......
爸爸一返到黎見到咁, 即刻話做乜食到咁污糟 = =”””
食飽飽又坐係sofa嘆電視~~
之後嫲嫲又到~~ 坐咗一輪就回歸! 我地一家三口去買餸!
買完餸就咋咋臨同B仔沖涼~~ 沖完涼又食奶, 食完奶又氹佢瞓, 氹咗佢瞓又搞下d餸, 又拖下地, 瞓醒又要同B仔玩下...... 好忙!
夜晚食飽飽就湊B仔返婆婆度~~
正當我地開飯時, B仔又係度嘈嘈嘈啦~~~
是日晚餐有……
蕃茄沙律菜 (情人節晚餐煮淨, 自家調製沙律汁, 酸咗d, 但爸爸話好香)
栗子花生木瓜煲雞腳 (好正, 好甜, 好好味呀~~)
蒸水蛋 (又失敗咗~~ 又唔記得加蓋蒸~~)
焯油菜心
我用5Oz奶開糊仔俾小瑜食, 但我分開兩次開(每次2.5 Oz)，咁會暖d,同埋中場俾佢休息下, 因為佢都會滯滯地~
回覆刪除我開糊仔無跟佢指引架...總之開到咁上下杰就算lu~跟佢指引, 根本唔夠杰架..
[版主回覆02/19/2008 20:59:00]係囉~~ 我都覺跟佢個指引唔夠杰!
小瑜一日食幾多餐糊仔呀?
竹海
回覆刪除B仔真係好dirty呀! 下次你試下用保暖杯放米糊.可能會keep到! 冬天...真係食物好快凍~
回覆刪除你個靚湯...好正咁喎!很想飲呢.............
[版主回覆02/19/2008 21:00:00]你都煲黎飲下啦~~ 好甜好好味!
個湯同沙律好正咁! 唔怪得B仔會嘈啦, 有得睇無得食~ (証明B仔識野!)
回覆刪除呢個仲叫無聊既星期日啊~咁多野做啊~好似我咁咩都無做~先叫無聊~
回覆刪除嘩...樣樣都好好味咁呀~ 尤其是個 栗子花生木瓜煲雞腳 , 點樣煲架? 同埋要用d咩材料既呢?
回覆刪除[版主回覆02/21/2008 11:35:00]咪就係買齊呢幾樣嘢, 我再加咗舊瘦肉釣味, 同埋一粒蜜棗到一d南北杏, 跟住一嘢放晒落去煲! 雞腳同瘦肉要飛一飛水先! 雞腳d油就會標晒出黎, 之後至放煲同其他材料一齊煲!
好美味的晚餐喎!
回覆刪除b仔o黎件背心,hugo仔都有一件aR!
回覆刪除[版主回覆03/20/2008 00:01:00]haha... 係咩?! 不過厚得濟, 依家唔着得囉~~
b仔o黎件背心,hugo仔都有一件aR!
回覆刪除