16.2.2008
今日爸爸返工, 尋晚照顧B仔既責任就落在我手, 又係好似無乜點瞓咁, B仔間唔使就"ai"下, 搞到瞓下又醒下!
今朝去食咗個早餐, 就同B仔去咗沙田, 本應都唔係咁想去, 但為咗去Citysuper買罐糊仔, 唯有走一趟!
跟住買咗盒餅仔, 我估應該係for 6個月食, 但又身痕想買, 於是買返去俾B仔試下!
跟住幫B仔婆婆去西田買嘢! 最後兩袋超巿袋返歸!
今日係B仔第一次啜餅仔, 當然啜咗少少, 跟住俾佢媽媽我食咗! Hehe......
仲有第一次用匙羹食糊仔, 呢隻糊仔好香呢~~ B仔係咁搭, 好似食得好滋味咁! 但係食食下又發癲, 因為扭眼瞓......
好攰呀~~~ B仔越大, 湊佢就越攰, 真係辛苦婆婆囉~~ 一至五都咁辛苦地照顧B仔!
b仔隻腳板仔好大隻呀
回覆刪除終於買咗啦.B仔肯吃嗎?
回覆刪除我都覺越大越難湊. 因為佢地唔係食瞓痾咁簡單...仲識有要求, 同埋瞓少咗, 鐘意玩..我都好攰啊..
[版主回覆02/19/2008 11:44:00]B仔肯食呀~~ 但係都唔係好清楚點開, 佢話40ml就沖一"學", 咁係咪即係我開40ml奶溝一"學"米糊去呢?! 同埋一日食幾餐呢?!
加油呀!!!
其實你去d萬記屈記買"雀巢"米糊穩陣dd喎!
回覆刪除外國牌子的, 未知0岩唔0岩hkBB
唉聽到你和朋友講間中湊一兩日都咁辛苦,,.... 我都有D擔心!
[版主回覆02/19/2008 11:43:00]B仔又肯食喎~~~
Haha...... 雖然辛苦, 但睇住佢大, 真係好開心架~~ 所以你唔駛咁擔心呢~~ 自己湊大佢, 係好偉大架~~
湊小朋友就係咁架喇
回覆刪除遲D仲要整飯仔呢
[版主回覆02/19/2008 11:39:00](Empty)
大大吓會乖d o架喇! 慢慢來啦!
回覆刪除[版主回覆02/19/2008 11:39:00]希望啦~~
呀... 靜靜都係咁架...出世時勁多頭髮毛...跟住就勁甩.....
回覆刪除之後, 滿左100日之後, 擇個好日,動刀和她剪少少頭髮...跟住依家真係出番d喇~~~~如果唔出...唉女仔就真係醜屎怪~
[版主回覆02/19/2008 11:39:00]哦...... 剪頭髮都要擇個好日???