15.2.2008
今日公公婆婆帶咗B仔出街, 之後湊咗佢返企, 婆婆仲同B仔沖埋涼至返屋企呢~~
婆婆都好擔心爸爸湊唔湊得掂B仔, 其實有幾難, 唔係食就係瞓, 一係就扭計! haha..... 
放工去咗買餸, 跟住就咋咋臨返歸見下我個寶貝仔啦~~ 一入屋, 見到B仔, 點解又少咗頭髮架?????????? 係咪應該帶B仔剪下髮呢?????????
熟睡中既B仔, 好可愛呢~~ 之但係瞓之前就成日都扭計, 要扭一大輪至捨得瞓!
是日晩餐有......
蕃茄腸仔蛋炒飯 (爸爸傑作)
煎豬仔脾 (唔知點解, 我煎親嘢都唔熟既~~ 都煎咗好耐啦, 又用針篤過, 結果要蒸返熟佢至食 - -)
仲有爸爸至愛既滾節瓜湯~ 魚肉都加埋價, 最少要買6蚊 = =
乜都加價, 真係分分鐘出街食仲平過自己煮!
尋日買咗盒韓國士多啤梨都唔記得食, 留返今晚食! 都係日本好食D, 雖然韓國都唔差~~
蕃茄腸仔蛋炒飯點解唔見蕃茄既?
回覆刪除B仔真係越來越可愛, 尤其係笑既時候~~睇相見唔到佢發脾氣呀!
[版主回覆02/19/2008 11:57:00]因為蕃茄唔多麻~~ 上次情人節餐煮爭!
佢發緊脾氣時要應酬佢, 唔得閒影佢相! haha...
我愛看你們的是日晚餐!!
回覆刪除張先生都下廚, 讚!!
個炒飯,好金黃, 好正呀!!
煎野用慢火,細心地煎, 慢慢煎~不能大火喎!? 豬仔脾係咪即係豬寸骨呀!可能係雪藏喇~所以D肉紅紅地色0者~係咪呀?
我地果街市可以買3蚊魚肉既?
吉之島賣韓國士多啤梨, 1PACK2盒裝120蚊呀!你買呢?
[版主回覆02/19/2008 11:56:00]我個肚籮咁大時都係佢煮我食架~~ hehe......
可能我心急呀! 所以煎極都唔熟 = =""""""
我果邊個街巿以前最少買5蚊, 家陣要6蚊
韓國士多啤梨我買係48.9, 好似係咁上下~~
係啊~咩都貴左,都係出去食好D仲唔使洗碗~哈哈~
回覆刪除張先生好勁喎! d廚藝都好ok呢!
回覆刪除