型仔LOOK

27 Jan 2008

尋晚好似無瞓過覺咁呀~~~~~~~~~~

尋晚B仔第一次瞓睡袋, 驚佢瞓瞓下"鼠"咗入去, 所以瞓下又醒下, 瞓得唔多安樂! 有次扎醒望一望佢, 佢真係"鼠"咗入去少少! 嚇C我囉~~

到朝早6點就嘈食奶~~ 食飽又一齊瞓過! Haha......

到十點幾爹哋放工返黎至起床! 之後嫲嫲又上咗黎睇B仔!

B仔唔肯俾嫲嫲抱, 連同佢講嘢佢都喊! 可能嫲嫲講嘢大聲, 好似好嘈咁, 所以B仔唔鍾意?!

嫲嫲走咗之後, 就同B仔沖涼, 初初爹哋唔肯, 話咁凍唔駛沖, 但B仔痾尿痾到PAT PAT有陣味, 唔沖唔得呢~~~~~

沖完涼嘅B仔幾精神爽利!!! 幾型仔!!! 好似爭塊滑板喎~~

沖完涼就帶B仔返婆婆度! 因為爹哋下晝有事要辦唔得閒, 所以咁早就帶我地返婆婆度!

第一次"咩"住B仔出街呢~~ 天氣太凍啦! B仔着到成隻糉咁呀!

瞓到幾咁冧冧呢~~