啜雪梨

20 Jan 2008

今朝爺爺嫲嫲黎咗睇B仔, 今次都好d, 十點零黎到! 玩咗一陣就走!

跟住我地一家三口去咗食午餐, 去返尋日B仔發癲搞到爹哋無啖好食嘅餐廳食嘢!

連待應姨姨都認得B仔, 同我講尋日B仔蝦爸爸喊到成間餐廳d人都望住佢, 搞到爸爸成頭大汗, 抱住佢都喊  (當時媽媽心諗: 真係失禮c囉~~)

食食下B仔就熟睡中~~ 跟住閒逛咗一陣就返歸!

扮識坐嘅B仔~~

B仔開始好硬淨, 我估佢好快識坐!

扮企嘅B仔~~

B仔, 你做乜咁有型架~~~

不過.........

你玩到成嘴都係口水, 仲要吹到成個口水波係下爬, 咩型都無晒啦~~~

夜晚返咗婆婆度! 仲食埋飯後果 ~~ 雪梨!

B仔第一次試新嘢呢~~~ 係咁啜啜啜!

啜到咁上下就唔俾佢啜, 點知.......

B仔竟然用雙手想拎住舊雪梨呀!!!