30 Jan 2008
今日拎咗半日假帶B仔去健康院!!!
天寒地凍, B仔成隻糉咁出街, Haha......
三點半就去到健康院! (約咗四點)
嘩...... 裡面好多好細粒嘅初生BB呢~~ 差唔多佔一半呀~~
登記咗就同B仔坐係度等, 等到爹哋黎媽媽至敢解開條咩帶, 事關都幾呢hea, 拎住個袋, 又要拎住把遮! haha......
等待期間, 抱住B仔望人地d BB, 有個婆婆抱住個BB(我估個幾月大), B仔係咁望住個BB呢~~ 個婆婆撩B仔, 但係B仔扁扁地嘴對住人 = =
等咗成半個鐘至有得去磅重, 婆婆同B仔着咗成5件衫, 除極都有呀~~ 如果係銀紙就好, "meet"極都有幾咁好, haha.........
一除B仔條褲, B仔係咁笑, 仲要好燦爛個隻, haha...... 跟住一邊除衫又一邊笑, 真係頂佢唔順, 連佢媽媽我都忍唔住笑個傻佬B呀!
除晒衫去磅重, 磅完抱起B仔時, 佢隻手仔係咁捉住個磅唔放, 搞到姑娘個磅都"咩"埋, haha......
不過做磅重個姑娘態度唔多好! 磅完重問佢駛唔駛度高, 佢話唔駛, 跟住咪同B仔着返衫囉~~ 爹哋想知B仔幾磅, 問我, 我唔知, 咪問姑娘, 個姑娘叫佢問一陣見個位姑娘, 佢話佢唔記得! 但係B仔磅完之後, 都未有BB去磅重!
點解我唔問姑娘?! 因為我知佢唔會答我, 個答案都係叫我問一陣見個位姑娘, 之前都試過~~
無得度高, 唔多心息, 着晒衫再問姑娘可唔可以幫B仔度高, 個cool姑娘話唔會度, 除非一陣見個位姑娘覺得有需要至有得度 = =
跟住又繼續等呀等~~~ 等到B仔都悶悶地呢~~~~
等待期間抱住B仔一齊"目及"BB, B仔好似好想同BB傾計咁呢~~ haha...... 好彩都唔駛等好耐就有得見姑娘~~
入到姑娘房, 問一輪嘢之後就度頭圍, 有成44.3cm, 仍是最大頭個位BB! 而體重有7.33kg呢~~
之後姑娘吊住個紅卜卜嘅波係B仔面前左右郁動, B仔就係咁跟住個波望, 仲伸手想拎佢呢~~
姑娘俾個手握玩具B仔, 睇佢識唔識得自己拎, 一遞到B仔右手前, B仔已經拎住, 跟住姑娘試左手, B仔拎住之後, 姑娘想拎返, B仔係咁拎住, 唔肯俾返姑娘呢~~ haha.......
之後瞓係床test佢頸仔力, 合格! 跟住雙手箍係B仔格肋底, 睇佢硬唔硬淨, B仔仲係度自己跳跳跳, 同姑娘玩得好開心, 仲同姑娘傾計, 同姑娘笑, 姑娘話B仔唔怕人, 仲好多嘢同姑娘講添呀~~ haha........
姑娘教我箍住B仔格肋底, 等佢自己跳, 唔好大人舉高佢跳喎~~ 同埋出街街時帶d小型玩具俾B仔玩下!
下次要到6個月時再去檢查!!!
檢查完就帶B仔返婆婆度! 夜晚仲打邊爐添~~ B仔望住d煙會自己係度笑架~~ haha...... 真搞笑呀!!!
)
