8 Dec 2007
尋晚B仔臨瞓前(都11點幾)食咗4安奶, 跟住瞓到零晨4點幾又嘈食第二餐, 跟住8點幾又食另一餐, 搞到張師奶瞓得唔多暢順呢~~~
B仔係婆婆度晚晚都一覺瞓到大天光, 但點解我湊B仔時, 佢半夜要飲奶奶架?! 都已經特登係佢瞓前餵佢食餐奶先架啦~~ (餵個陣其實都未夠鐘!)
不過都唔緊要啦~~ 為咗想多d時間對住B仔, 想佢係我放假時都返下屋企, 半夜起身餵奶辛苦d都值得!
B仔進步咗, 呢輪開始食5安奶奶啦! 同埋鍾意用佢o既小手托住個奶樽, 雖然佢無力托, haha..................... 佢唔想飲時, 仲要用手頂開媽媽隻手添呀!
呢個B仔都幾嘴雕, 支奶奶凍咗佢係唔肯再飲, 要坐返熱至肯繼續飲架~~
食飽飽, 又到小休時間!!! 點整佢都唔醒, 掃風又唔醒, 真係連坐係度都瞓得着架~~ 唔通媽媽條肥美大脾坐得佢好舒服, 舒服到瞓到冧一冧?!
B仔仲有樣好奇怪o既嘢, 係婆婆度同係屋企度唔同! B仔係婆婆度就食飽就瞓, 瞓飽就食, 一瞓就個幾兩個鐘!
但係返到屋企, 佢食飽飽就小睡, 真係小睡個隻, 瞓得個十零二十分鐘就醒, 跟住就眼光光, 又或者瞓下醒下咁! 真係奇怪呢~~
仲有一樣嘢, B仔真係好得意, 佢好鍾意望住張爹哋, 一望住張爹哋個樣, 佢就係度笑, 不論張爹哋係咪望緊佢, 有時佢見張爹哋睇緊電視, 仲ee呀呀撩爹哋同佢玩添呀!
當張爹哋一同B仔玩, 對住B仔扮鬼臉, B仔會笑得好開心, 好燦爛架~~ haha..... B仔真係好可愛呢~~
夜晚張爹哋竟然自動請纓煮飯俾我食喎!!! 其實係因為張師奶有親戚到訪, 唔知做乜, 黎得多之外, 仲要鬼咁赤痛, 以前都無咁樣o既?! 係咪生完o既第一次會係咁呢?????
就係因為咁, 張爹哋就煮飯我食! 今晚有蛋炒飯、蠔油薑絲炒芥蘭(炒得好好味呢)、群記豬手(外賣), 仲有隔夜靚湯!!!
湊住B仔雖然不是輕易事, 但能夠一家三口係埋一齊, 見到B仔同爹哋玩得開心o既樣子, 真係好開心, 好快樂, 好幸福呢~~~~
沒有留言:
張貼留言