結婚一週年

1 Dec 2007

星期六輪到我要返工, 一搭正12點就即閃人, haha...... 然後同張爹哋去咗元朗雞地食醉雞麵, 好正呀~~

食飽飽, 跟住就返娘家湊B仔回家!

回家途中, B仔係度望風景呢~~

望望下就瞓着咗, 返到屋企仲熟睡中呢~~ 瞓到成隻豬咁!

夜晚去咗聯和墟個間新漢記食飯, 好正呀! 好好味~~

我地叫咗......

客家釀豆腐卜 (好味)

蒜蓉炒菜心

黃酒炒雞 (嘩... 好香好好味, 味道好濃)

豬油撈飯 (嘩... 已經肥到爆嘅我, 唔敢落太多豬油呢~~ 但真係好正好香好好味, 真係唔係度度有得食呢~~)

是晚食飯期間, 見到藝人關禮傑都黎呢度開飯呢~~~

結婚一週年紀念就係咁過! 無禮物收, 一家三口食餐飯就係慶祝! haha......