最鍾意咩???

3 Dec 2007

今日張爹哋返工, 所以我一放工就返娘家, 終於俾我發現尖東有部車可以直接係樓下落車, 唔駛返巿中心再轉車, 大拿拿慳返5蚊!

今晚B仔唔知發咩癲, 扭計仔喎!!! 想瞓又好似瞓唔着咁, 抱佢又唔瞓, 又唔俾人坐, 係要人抱住佢行黎行去! 睇黎B仔嫌我肥, 要我行多d減肥!

B仔最鍾意係乜??? 我當然希望佢最鍾意係我啦! Haha........

佢最鍾意就係除褲, 喊緊一除褲除片就即刻開心晒! 手手腳腳都無停!

所以除咗同佢白白豬外, 就係最鍾意同佢換片, 換片之餘又同佢按摩下對豬脾仔, 個對豬脾雖然唔夠豬, 但係都好得意, haha......

一邊按, 一邊同佢講嘢, 佢就一邊同你玩, 一邊笑, haha...... 好過癮呢~~