公園遊

9 Dec 2007

今朝一早九點, 公公就打電黎話接我地返屯門 (因為張爹哋一早就返咗工), 實在太早, 我同B仔都未瞓醒, 但B仔已經俾公公o既電話聲嘈醒咗  仲係度發忟憎添呀~~

B仔尋晚好叻叻! 尋晚12點幾食咗一餐奶奶, 跟住就一覺瞓到天光, 喊食o既時候已經係7點! 實在太高興~~ 張師奶都可以一覺瞓咗6個鐘呀!

返到屯門我地去咗明星攞位飲茶, 公公再返屋企接婆婆呢~~

張B仔飲茶茶呢~~ 不過有得睇無得食! Haha...... 

飲完茶茶, 就同婆婆去咗吉之島閒逛, 想帶B仔睇下聖誕裝飾, 點知B仔一d興趣都無, 唔通連佢都覺得唔靚! haha......

之後帶咗婆婆去行玩具反斗城, 婆婆仲買咗個玩具俾B仔玩呢~~

買完玩具就行路返婆婆屋企, 順便帶B仔逛行巿鎮公園, 同B仔影下相呢~~

同隻蜥蝪合照先!

B仔：蜥蝪哥哥, 你做乜唔伸脷呀~~ Um.... 你要保持型仔樣呀?! 咁等我伸我條脷仔俾你睇啦~~

B仔：大蛇都俾我騎住, 勁唔勁呢?!

B仔：鱷魚先生, 你唔好咬到我隻腳仔呀!!!

今日其實都唔算好晒, 但B仔影相時到"mark"唔大隻眼仔, 變咗矇豬眼BB喎~~  下次帶埋爹哋去至得!

夜晚食飽飽, 又係時候玩下婆婆買o既蟲蟲啦~~ 不過條蟲肥得濟, B仔隻手仔又唔夠大隻, 自己仲未拎得住條蟲呢~~