上星期金價開始回落返d, 上星期中每両$5850, 而星期六再睇, 跌多$100, 雖然唔知金價會唔會再跌, 淨返兩個月嘅時間, 好難估計何時起, 何時跌, 趁住低過六千, 還是買定差不多啦~~
星期日同爸爸媽咪張先生飲過早茶, 就去咗六福逛逛, 點解去六福?! 因為有張vip咭, 手工係有半價呢~~ hehe...
去到試咗幾條頸鏈, 試過花花款同埋龍鳳款, 龍鳳款就咁係櫥窗睇就靚, 但戴咗上頸又麻麻地, 結果揀咗條花花款, 大體之餘亦唔算好貴!
跟住再揀咗對龍鳳鐲, 有d龍鳳鐲好有花款, 但手工好貴呢~~ 買咁貴手工嘅鐲都係唔值, 所以都係揀咗對大體得黎手工又第嘅鐲呢~~
最後買咗隻介指, 到結婚個日媽咪送俾張先生嘅! 買咗幾樣嘢, 二萬二千埋單, 好貴呢~~~ 
唔知張老太會唔會買對龍鳳鐲同埋頸鏈俾我呢?! 
嘩,隻介子都幾貴喎~ 不過金價真係升左好多,我地買果時四千尾,五千頭已經係升左好多好多,上年只係三千幾.... 所以都覺得好貴...到而家又話五千幾,之前仲六字頭添...中國人社會,梗要有 d 睇頭....
回覆刪除haha...... 小肥費, 我諗你睇錯, 其實隻介指係最平, 全部夾埋買咗二萬二!!! d金價啤啤聲咁升, 唉......好彩呢排跌返落五字頭, 六字頭個時買就真係傷重呀!!! 下...乜上年只係三千幾咋, 嘩~~~~~ 一年之間可以升咗咁多, 真係唔明解呀!!!
回覆刪除金價可能仲有得回落呀嘛, 油價跌金價都會跌, 油價而家日日都係咁創新低
回覆刪除依家買咗都唔多理個巿係升係跌囉~~~~~
回覆刪除