煮飯仔

太耐無煮過飯仔, 出去食飯都食到有點悶, 突然又好想飯芫茜皮蛋魚片湯(下火, 呢排少飲涼茶), 於是尋日放工返屋企買餸煮飯, 二餸一湯, 白飯任裝, hehe.....是晚靚餸有: 甜梅菜蒸肉餅同埋蒜蓉菜心.

是晚靚湯: 芫茜皮蛋魚片湯, 非常之美味, yummy yummy, 張先生讚不絕口呢~~ 每人飲咗三飯碗先飲得晒成煲湯呢, haha......我就係唔係咁識控制落幾多水煲湯呢~~

有讚之餘亦有彈, 就係個味甜梅菜蒸肉餅, d肉蒸得實得濟, 唔知係d豬肉唔夠新鮮, 還是我蒸得太耐呢?! (因為我貪方便放咗係飯面蒸) 但無理由架, 我見媽咪係屋企都係放飯面蒸嘅, 但都無出現咁嘅問題! (不過媽咪係買舊豬肉係屋企自己剁成肉餅, 唔通就係因為咁?!) 返屋企請教下媽咪至得!!!