沉悶嘅工作

呢幾日又係無乜嘢做, 每朝好快就做晒d工作, 唔知係時間過得慢, 還是手腳快 =.= 點都好, 呢個禮拜嘅時間過得好慢, 過咗咁耐先係星期四, 要返埋星期六朝早先開始放假

今朝早遲咗少少, 九點正先返到office, 一坐底, 放底麵包, 電話就響, 係別的department同事問嘢, 心諗: 你駛唔駛咁早呀! =.=""" 問咗我一樣嘢, 佢好似好想我即刻幫佢check, 但係電腦都未有時間開, 又點幫佢check, 為有同佢講轉頭覆佢! (但聽佢心急嘅語氣, 好想我即時覆佢)

呢位同事都幾麻煩, 好多嘢問, 未見過佢真面目, 唔知佢係咩樣嘅呢  都係不見為妙!!!

到晏少少嘅時候, 隔離section嘅同事走黎搵我, 係度質疑我工作上有點出錯, 令佢地要出咗幾個part-time嘅信, 其實都唔關我事嘅, 我都無好氣同佢爭坳誰是誰非, 本來都唔打算同我老細講, 點知咁啱當呢個同事同我講時, 我老細原來係後面同其他同事傾緊, 聽到呢件事, 入到房打黎問我咩事, 我咪如實告訴她囉~~

本來都想就此算數, 但我老細話唔得, 要同佢講返清楚, 費是以為係我地出錯, 因為佢地都幾麻煩, 結果, 我咪同返個同事講返囉~~~~~ 真麻煩呢!

其實呢位隔離section同事都幾煩, 成日都好"吻"水先叫我幫佢搵人做嘢, 搞到我成日都好急趕咁幫佢打電四圍搵人, 真係好麻煩~~ =.="""""