悠閑星期六&日

星期六, 去咗九龍灣嘅玩具展(張先生指定要去), 於是食飽飽早餐就出發, 好幸運, 係隔離咪標停車場竟然唔駛等就有位, 真係good good good啦! 因為未去過九龍灣展貿, 所以就禁咗2hrs泊車, 點知, 行咗不夠一個鐘已經行晒 =.=""

玩具展有好多張先生童年嘅玩具, 有賣嘅, 有展品, 個d n年前嘅玩具好貴呢, 八百至幾千都有! 一邊行, 張先生就話 "呢個細個好想擁有, 但個時窮無錢買", 行行下又話 "黃金戰士, 以前有個" 、"呢個xx係我媽第一次買俾我嘅玩具, 個時買都要二百幾蚊" (xx係個機械人心口有個獅子, 但我唔知佢叫咩名, 所以xx代替)......

有個黃金戰士張先生想買返, 我話送俾佢, 佢又唔要, 佢話買開咗個頭佢會收唔到手喎! 我知道佢見到咁多兒時嘅玩具好開心, 好想擁有返以前擁有唔到嘅~~ 我都好想達成佢嘅心願, 可惜我能力有限呢~~~

逛完玩具展, 落咗樓下睇車展, 見到一架jazz, 全黑色, 佢話日本版, 大包圍, 內籠都係黑色, 好靚仔, 好有型呢~~ 我同張先生駐足觀看咗好耐, 而個sales亦好長盡咁向我地介紹呢部車仔, 我地都好鍾意佢呢,  揸住呢部車仔, 人都型d呀, haha..... 不個價錢要成十一萬幾, 好好好...貴啊~~ 真的好想擁有呢它呢, 等中咗六合彩先考慮囉~~~

睇完車, 就去沙田咗買窗簾同埋睡床, 終於買咗床啦(因為我叫張先生買都買咗幾個月=.=)~~ 不過要一個禮拜後先送貨, 好心急呢~~ 同張先生一齊為我地嘅暫時之家添置用品, 好開心呢! 真的希望快d擁有我地真正嘅未來之家!

夜晚食飽飽, 就開始我嘅"工作", 就係為姊妹們整手花啦! 整咗出黎效果都不錯, 好靚啊~~~~~~

星期日, 朝早屋企人飲茶, 跟住媽咪提議去西貢逛, 所以爸爸就當咗一日司機, 車我、媽咪、亞婆、兩位亞姨同埋媽咪個師奶朋友, 一行七人去郊遊去!

第一站, 我地上咗飛鵝山睇風景, 個度好多人係度放搖控飛機呢~~ 唔知部飛機跌咗落山d人點執呢?! 還是放棄它呢?! 

第二站, 就去到西貢巿行逛, 係碼頭旁泊滿賣海鮮嘅船, 係西貢黎講, d海鮮都算好第囉~~ 叫媽咪買d海鮮返屋企煮, 佢又話返到屋企都"叔", 所以無買! 下次同張先生去西貢時, 買d返屋企自己煮至得! 逛咗一陣就去咗食泰國菜, 食飽飽就向沙田進發, 尾站就係去沙田探伯婆同埋大聲姨媽, 坐咗陣就回歸!

就這樣渡過咗悠閑嘅週六同週日(都好耐無同爸爸媽咪去郊遊lu)!!!