星期五嘅下午

今日lunch時, Tracy陪我一齊搭火車去旺角花墟買絲帶(for DIY手花用), 買咗淺粉綠色(其實張先生提議買藍色, 可惜個度無~~), 之後就行去花園街食雲吞蝦子麵+油菜, 好好味呢~~ 食飽飽, 行咗去隔離幾間店嘅奇趣餅家買豆沙燒餅同埋合桃酥, 平時只會去買豆沙燒餅食, 但之前Linco話個度d合桃酥好好味, 所以決定試下, 買咗兩個, 一人一個! 聞到好香, 食落真係好香, 好鬆脆, 好好味啊~~

我地用1個鐘頭15分鐘做咗以上嘅嘢, 時間真係好緊迫, 又氣又酷熱, 返到公司一身汗呢~~ 天氣快d涼返d就好囉!

呢幾日如果得閒, 要同張先生研究一下整個手花至得, hehe......