婚禮倒數 -- 三個月

仲淨返三個月咋, 距離婚禮嘅日子越黎越近啦~~ 心情如何?! 間歇性地緊張! 當諗到某d程序, 某d事項, 會不其然擔心呢樣, 擔心個樣!  都開始好多嘢要買, 好多嘢要準備啦! d錢好似倒水咁, 洗又一筆, 洗下又一筆! 仲有好多嘢未買呢 =.="""""

第一次揀禮服

八月廿九日, 第一次正正式式去揀婚紗晚裝, 而張先生又係第一次揀禮服! 感覺好開心, 好得意呢~~

首先店員姐姐叫我地係相簿度揀衫, 然後等佢執衫, 係等待期間(因為有一pair係度試緊), 張先生試先, 好好笑, 因為張先生着住成套禮服, 但係踢住拖鞋, 成個look好好笑呢~~ 張先生嚴d禮服無厘特別, 所以暫時無揀到心水!

等咗半個鐘, 終於輪到我試啦! 首先試咗幾件婚紗, 有一件low-cut好閃, a-line款式, 但係下面部份望落去好似好舊咁, 灰灰地色, 跟住再試咗幾件, 麻麻地, 依然鍾意第一件, 跟住試咗好幾件晚裝, 直身款一定唔啱我, 個肚腩原型畢露, 唉......試咗一件紅色前面旗袍型, 後面大露背嘅晚裝, 背面真係好靚, 有層紗, 上面繡咗d花, 下面小拖尾, 超靚, 可惜, 着咗上身, 後面睇就好靚, 但前面睇就俾張先生形容為水桶 =.=""""""

不過都揀咗一條橙色直身嘅晚裝, 打算送客用, 另外揀咗件粉紅色low-cut, 又係好閃, 同第一件試嘅婚紗一模一樣, 只係顏色唔同而已! 呢件可以用黎同賓客影相用!

試過晒係相簿揀嘅禮服, 於是派張先生去四圍搜索d望落去好睇而又想我試嘅婚紗晚裝, 結果張先生揀咗幾件婚紗, 幾件晚裝俾我試! 有一件少少宮廷味道嘅晚裝, 棘紅色帶點暗金色嘅布, 就咁睇就覺得麻麻地, 但着咗上身, 張先生勁鍾意, 佢話着黎敬酒啱, 同d金器襯晒! 佢講得都啱嘅, 但我就麻麻地鍾意呢件, 不過又未揀到其他, 所以暫時hold埋呢件!

試完張先生揀嘅幾件晚裝, 跟住又試返婚紗, 有一件都幾少女味道, 胸前有少少粉紅色嘅花訂係度, 下身都有d, 清清地, 都幾靚, 但係就清得濟, 因為我想要閃個d, 越閃越好!

最後試咗件入膊, 前面都算deep v嘅婚紗, deep v個度有d紗, 上面釘咗好多閃石, 都好閃呢~~ 試咗咁多件, 我同張先生都一致好鍾意呢件, 但係我又驚會走光, 店員姐姐話到時件衫會fit晒身, 裡面又有pat, 所以應該唔會走光喎~~ 但我都係有點擔心呢~~ hehe.....但條裙都算特別, 唔同其他來來去去都係low-cut款, 所以到hold咗呢件!

九月尾就係last confirm啦, 之後就無得轉款lu, 真擔心兩個月後d衫會唔會走晒樣, 或者殘晒! 希望唔會啦~~ 家陣首要嘅係, 身體快d回復白雪雪, 因為尋日試衫時, 個泳衣印仲好明顯呢 =.=""" 仲有3個月美白, 大家如果有咩良方, 請指教小妹啦~~~~~

偷懶

尋日攞咗一日假, 其實係因為呢排無乜嘢做, 坐係公司由返工坐到放工, 真係悶到爆炸, 頭痛咗兩日, 所以決定偷懶一日, hehe...... (我都覺得自己好o曳, 俾老細知道咗就大件事囉~~~~)

不過今日都好充實, 起身食過早餐+午餐之後, 就上咗深圳閑逛, 第一站去咗東門, 睇下d結婚用o既鑽石耳環(當然係珠二醒啦), 買咗2對有鑽石+2對無鑽石, 都係買咗65蚊, 都算超值, 期間睇中一對鑽石耳環, 都好靚, 但係要成79蚊, 死都唔肯減價, 所以無買到!!!

上去最主要目的係去現代經典睇下d package (因為表舅父識得個主管, 所以有平), 最後都落咗訂呢, 準備九月尾去影相, hoho...... 雖然已影咗一輯, 今次係第二輯, 但都好開心, 好期待呢~~~

辦完今日o既重要事項, 我地就打的去咗藝展中心睇家具, 係個度我同張先生不約而同都睇中咗一棧燈, 都幾靚幾特別, 但係要成七百蚊, 都幾貴呢~~ 加上暫時未有屬於我地o既屋企, 買黎都無用!

行下行下, 見到有間店專賣假花, 款色多過花墟繽紛多多聲, 真高興呢~~ 適逢自己打算DIY手花俾幾位好姊妹, 於是張先生亦好熱衷咁協助我揀花同埋配搭d花呢~~ hehe......張先生都算係咁囉, 竟然肯幫我係度襯下花, 揀下邊種靚, hehe......應該都無乜邊個男仔會咁用心地幫女友/老婆揀花呢~~ 最後我地用咗35蚊買咗3種花呢~~ 平過花墟好多呢!!! 好開心!!! 之前係花墟繽紛睇過d假花, 睇中一束細朵假玫瑰, 要成三十幾蚊一束, 但係深圳見到一模一樣, 都係十零蚊, 好在係花墟時嚴貴, 加上又唔係真係太靚, 所以無買到, hehe...

行完藝展中心, 過咗附近o既百合隆文具批發巿場逛, 睇下有無d結婚用品平, haha...俾我地發現真係有d嘢啱用, 有回禮利是封同花炮, 不過我地無係呢個巿場買, 過咗隔離個個文具批發巿場逛, d回禮利是封2蚊一包有33個, 仲要係有好多選擇(百合隆個度d款好少同埋貴d), 我地買咗6包都係12蚊, 真係第第第呀!

另外又用咗3蚊買咗個大d o既利是封用黎封利是俾兄弟姊妹, 一包有15個, 又係第第第呀! haha.....當然, 如果唔要求高, 本着收利是o既人拆完都會掉咗個封o既心態, 係個度買個d利是封都係一個不錯o既選擇! (最好就係上去玩, 順道去買嘢就會第d啦)

個度有花炮買, 問過一間, 嘩! 講都唔係咁相信, 最細支個款七毫子一支, 真係平到笑呀, 買20支都唔駛廿蚊, haha.....但我同張先生都懷疑, 咁平會唔會係爆唔出呢 我地有諗過買返屋企試下抽幾支黎爆, 睇下會唔會爆唔出, 最後都無買, 留待遲下上去時先買!

跟住我地去咗華強北路個間山水時尚酒店o既韓國山水桑拿揼骨, 個度d環境就麻麻地, 幫我按個位姐姐仔, 叫咗佢細力d, 但細力咗一陣就變返大力 =.= 我就覺得佢按得麻麻地, 但張先生話佢個位就按得不錯!

之後去咗附近有間食湘菜o既小館 -- 醉湘西食晚飯, 本來一心想去試下"花垣扣肉", 點知午巿時已賣晒=.=, 唯有試佢地其他振店菜(唔記得咗菜名添=.=), 叫咗四餸, 其中兩餸真係辣到跳舞, 我地已經叫小辣, 但係對我地黎講, 應該係大辣吧~~ 適逄我生咗粒大飛滋, 真係一邊食一邊那到流淚+流鼻水(食到咁上下已經那到無乜知覺), 而每逢食親辣o既都變水人o既張先生, 食咗唔夠5分鐘, 成塊面成個頭都好似啱啱游完水咁, 濕晒, haha......

 

Mr. Right / Miss Right

許多人往往在抉擇伴侶時，容易東想西想，不知所措，

就是因為害怕一時做錯決定，看錯人，造成終生的遺憾。

 

諾貝爾文學獎得主蕭伯納說：「此時此刻在地球上，

約有兩萬個人適合當你的人生伴侶，就看你先遇到哪一個，

如果在第二個理想伴侶出現之前，你已經跟前一個人發展出

相知相惜、互相信賴的深層關係，那後者就會變成你的好朋友，

　

但是若你跟前一個人沒有培養出深層關係，感情就容易動搖、變心，

直到你與這些理想伴侶候選人的其中一位擁有穩固的深情，

才是幸福的開始，漂泊的結束。」

 

愛上一個人不需要靠努力，只需要靠「際遇」，

是上天的安排，但是「持續地愛一個人」 就要靠「努力」，在愛情的經營中，

順暢運轉的要素就是溝通、體諒、包容與自制(面臨誘惑有所自制)。

 

有許多人總是為「際遇」所迷惑與苦惱，意念不停、慾念不斷、爭逐不散，

而忘了培養經營感情的能力才是幸福的關鍵。

 

所以不要去追問到底誰才是我的Mr.Right / Miss Right，

　

而是要問說在眼前的伴侶關係中，我能努力到什麼程度、

成長到什麼程度，若沒有培養出經營幸福的能力，

就算真的  Mr / Miss Right出現在你身邊，

　

幸福依然會錯過的，而活在猶疑與遺憾當中，

這不就是許多愛情虛

 

無症的遭遇與心態嗎？

若你此刻已有一位長久相伴的伴侶，

不要再隨便三心二意地猶疑了， 

　

我們往往不易察覺感情中的一個陷阱，

就是「近親生慢侮」，也就是經濟學中的鐵律

「邊際效益遞減法則」，

　

跟你在一起越久的人，就越容易麻木與忽視，

而新鮮的「際遇」總是那麼動人可愛。

 

在感情對待中，難免有摩擦與無心的傷害，

而且論得罪自己的次數累加起來最多的人，

當然是跟我們在一起最久、最親近的人；

　

而新歡呢，又還沒開始有得罪你的機會，

再加上他的刻意討好，所以新歡怎麼看怎麼可愛，

舊愛怎麼看怎麼討厭。

 

但別忘了，新歡身上總是有不確定的未知數，

舊愛身上就是有難得的熟悉感、確定感、信賴感。

千萬不要隨便在偶然的「際遇」中迷失了自己，錯放了幸福溫暖的手。

　

所以蕭伯納的話，是要提醒情人不要太鑽牛角尖於尋覓那唯一，

應該把精神用在學會經營幸福的能力上，

同時也提醒我們「溺水三千，只取一瓢飲」。

 

若有幸遇到了難得的伴侶，就不要再三心二意了，

因為我們永遠不知道一生何時會遇到兩萬個其中的幾個，

所以要知福惜福、活在當下。

------------------------------------------------------------------------------------------------------------------------------------------

上文提及:

愛上一個人不需要靠努力，只需要靠「際遇」，

是上天的安排，但是「持續地愛一個人」 就要靠「努力」，在愛情的經營中，

順暢運轉的要素就是溝通、體諒、包容與自制(面臨誘惑有所自制)。

這段話真係說得無錯, 當一個單身又好想有個伴侶嘅人, 點去努力都好, 始終遇唔到佢想遇嘅人, 即使遇到有意中人又如何, 對方亦未必會鍾意自己, 只有單方面嘅愛慕! 身邊亦不乏好想拍拖, 可惜樣子不標緻嘅朋友, 有傾慕嘅對象又如何, 可惜神女有心, 襄王無夢, 就是缺乏「際遇」

自己算是幸運, 係茫茫人海當中, 偶然嘅機會下, 俾我遇到張先生(相信張先生比我還要幸運呢~~ hehe......) 一拍就拍咗差不多七年!!!

七年以黎都係「持續地愛一個人」, 而呢個人就係張先生, 相處長咗, 大家相處已變成一種習慣, 都曾問過自己, 究竟我係咪仲愛張先生呢?! 大家相處這麼久, 都不知愛為何物! 只知道大家無咗大家都唔得!

要經營這段愛情, 溝通、體諒、包容與自制確實好重要, 當中真的要靠「努力」去學習與經營呢~~

亂進補加速子宮內膜異位與子宮肌瘤(下)

小 心 補 品

香 港 中 醫 學 會 副 會 長 黎 照 環 表 示 ， 以 下 中 藥 補 品 均 含 雌 激 素 成 分 ， 服 食 前 應 先 向 中醫 了 解 自 己 的 體 質 及 藥 性 。

 

當 歸 ︰ 藥 性 比 較 強 ， 既 補 血 又 活 血 ，但 內 含 雌 激 素 成 分 ， 分 量 要 控 制 得 宜 ， 否 則 隨 時 會 刺 激 子 宮 不 正 常 成 長 。

 

白 鳳 丸 、 口 服 液 、 養 陰 丸 ︰ 屬 合 成 中藥 ， 不 同 藥 廠 的 成 分 不 同 ， 但 大 多 離 不 開 當 歸 成 分 。

烏 雞 ︰ 大 多 以 雌 性 的 烏 雞 來 進 補 ， 若 是 打 針 雞 必 含 大 量 雌 激 素 。

蜂 王 漿 ︰ 含 有 雌 激 素 ， 同 時 亦 可 能 引 起 部 分 人 的 敏 感 反 應 。

子 宮 肌 瘤 與 朱 古 力 瘤

子 宮 肌 瘤

生 長 在 子 宮 肌 壁 的 良 性 腫 瘤 ， 大 小 、 位 置 及 密 度 不 同 ， 屬 於 子 宮 的 肌 肉 增 生 組 織 。

病 徵 ︰ 陰 道 出 血 、 經 血 過 多 / 周 期 過 長 、 腰 痠 背 痛 / 脹 氣 、 性 交 痛 楚 、 不 育 、 尿 頻。

 

朱 古 力 瘤

 

正 確 名 稱 為 「 子 宮 內 膜 異 位 」 ， 受 雌 性 激 素 或 其 他 因 素 （ 如 遺 傳 ） 影 響 ， 令 正 常 的子 宮 內 膜 組 織 生 長 在 子 宮 以 外 的 位 置 ， 這 些 活 的 子 宮 內 膜 細 胞 ， 可 能 黏 附 在 卵 巢 、輸 卵 管 、 直 腸 、 膀 胱 等 地 方 生 長 ， 而 又 不 被 排 斥 ， 結 果 ， 不 被 排 出 的 經 血 在 這 些 位置 不 斷 積 存 ， 形 成 瘀 紅 像 朱 古 力 色 的 血 瘤 。

 

病 徵 ︰ 經 痛 、 下 腹 疼 痛 、 性 交 疼 痛 、下 背 部 痠 痛 、 月 經 不 規 則 等 。

 

若 果 出 現 以 上 病 徵 時 ， 應 該 立 即 求 醫， 讓 醫 生 診 斷 是 否 需 要 開 刀 治 療 ， 而 成 年 女 性 ， 更 應 每 年 進 行 一 次 超 聲 波 婦 科 檢 查， 以 確 保 子 宮 生 長 正 常 。 

亂進補加速子宮內膜異位與子宮肌瘤(中)

豐 胸 丸 有 雌 激 素

除 了 中 醫 ， 西 醫 亦 認 同 過 量 的 雌 激 素 會 令 子 宮 出 現 不 正 常 生 長 。 港 安 醫 院 子 宮 肌 瘤治 療 服 務 總 監 、 婦 產 科 醫 生 蔡 源 淼 表 示 ， 醫 學 研 究 證 實 雌 激 素 會 令 子 宮 生 長 肌 瘤 ，不 少 女 性 為 求 身 材 健 美 ， 服 食 含 有 大 量 雌 激 素 成 分 的 豐 胸 丸 等 產 品 ， 更 隨 時 會 令 子宮 產 生 病 變 。

雌 激 素 除 了 刺 激 子 宮 生 朱 古 力 瘤 ， 還會 引 起 子 宮 肌 瘤 。 蔡 醫 生 指 出 ， 根 據 統 計 ， 年 齡 二 十 至 廿 九 歲 的 女 性 中 ， 每 四 位 就有 一 位 患 有 子 宮 肌 瘤 ； 越 是 年 長 ， 發 病 的 機 會 亦 越 大 ， 三 十 至 五 十 歲 的 婦 女 中 ， 患者 比 例 更 多 達 四 成 ， 以 此 推 算 ， 本 港 患 有 肌 瘤 毛 病 的 婦 女 ， 人 數 超 過 百 萬 。 肌 瘤 會引 發 經 痛 、 經 血 過 多 或 周 期 過 長 ， 需 要 做 手 術 把 瘤 切 除 。

任 職 城 大 體 育 主 任 的 賴 玉 蘭 ， 一 直 誤以 為 每 位 女 性 都 要 忍 受 來 經 時 的 痛 苦 ， 所 以 由 少 女 時 期 開 始 ， 就 算 個 個 月 「 血 流 成河 」 ， 甚 至 有 血 塊 ， 都 沒 有 想 過 去 求 醫 。

她 的 經 期 ， 有 如 「 放 血 」 般 ， 幾 乎 每小 時 都 要 更 換 一 次 ? 生 巾 ， 否 則 一 定 會 「 過 底 」 ， 醜 態 百 出 。 「 我 教 體 育 要 上 堂 ，一 定 會 袋 定 兩 包 在 褲 袋 ， 好 多 時 上 堂 上 到 一 半 ， 都 會 放 個 break ， 然 後 就 跑 去 廁 所換 ， 如 果 唔 係 ， 一 定 頂 唔 住 ！ 」 出 街 時 ， 她 要 密 密 上 廁 所 ； 在 家 中 就 用 紙 尿 片 。

開 刀 有 復 發 可 能。有 次 ， 賴 玉 蘭 在 經 期 後 到 英 國 旅 行 ， 但 甫 坻 英 國 ， 竟 然 陰 道 再 次 出 血 ， 而 且 又 一 如以 往 般 「 排 山 倒 海 」 ， 結 果 她 惟 有 回 港 求 醫 ， 檢 查 後 發 現 原 來 她 的 子 宮 內 長 有 三 個肌 瘤 ， 其 中 一 個 更 壓 住 輸 卵 管 ， 令 輸 卵 管 閉 塞 。

當 時 醫 生 建 議 她 把 子 宮 割 掉 ， 但 仍 是單 身 的 她 向 醫 生 表 明 ︰ 「 一 定 要 保 住 個 子 宮 ！ 」 所 以 就 算 醫 生 說 用 傳 統 外 科 手 術 割除 肌 瘤 ， 未 必 割 得 清 ， 兼 且 有 機 會 復 發 ， 她 仍 堅 持 單 割 肌 瘤 。

手 術 後 ， 她 的 經 血 明 顯 減 少 ， 不 過 ，正 如 醫 生 所 料 ， 由 於 子 宮 肌 瘤 隨 時 會 受 雌 激 素 影 響 而 再 度 「 成 長 」 ， 之 後 她 的 肌 瘤又 再 復 發 。

她 說 ， 當 時 大 學 工 作 量 大 ， 她 的 精 神經 常 處 於 緊 張 狀 態 ， 令 大 腦 皮 質 醇 偏 高 ， 同 時 亦 影 響 了 荷 爾 蒙 分 泌 ， 結 果 肌 瘤 在 半年 內 由 三 厘 米 增 大 一 倍 。 「 連 我 自 己 都 感 覺 到 個 肚 脹 ，落 去 摸 到 粒 瘤 ， 硬 繃 繃 咁 。 」 肌 瘤 更 使 她 經 血 嚴 重 流 失 ， 出 現 缺 鐵 性 貧 血 ， 需 要 服食 補 鐵 丸 。

肌 瘤 切 除 手 術 ， 對 於 像 賴 玉 蘭 般 經 常處 於 緊 張 狀 態 的 人 而 言 ， 始 終 不 能 治 本 ， 所 以 她 決 定 花 費 約 六 萬 元 ， 接 受 一 項 在 香港 最 新 引 入 的 「 子 宮 肌 瘤 栓 塞 術 」 。

新 方 法 餓 死 肌 瘤負 責 手 術 的 港 安 醫 院 放 射 診 斷 部 醫 務 主 任 游 逸 燕 醫 生 形 容 ， 手 術 的 原 理 是 要 「 餓 死」 肌 瘤 。 游 醫 生 表 示 ， 肌 瘤 是 子 宮 內 的 肌 肉 增 生 組 織 ， 手 術 就 是 要 將 輸 送 養 分 給 肌瘤 的 血 管 截 住 ， 在 缺 乏 營 養 下 ， 肌 瘤 便 會 自 然 地 萎 縮 ， 不 再 復 發 。 由 於 手 術 使 用 微創 技 術 ， 病 人 只 會 留 下 如 針 口 般 大 細 的 傷 口 。

港 安 醫 院 至 今 已 替 約 三 十 名 病 人 進 行這 種 手 術 ， 而 政 府 醫 院 亦 有 引 入 有 關 技 術 。 在 手 術 過 程 中 ， 醫 生 會 在 病 人 的 大 髀 血管 ， 放 入 直 徑 只 有 一 點 五 毫 米 的 微 導 管 ， 一 直 伸 延 到 供 應 肌 瘤 養 分 的 血 管 ， 並 在 該處 注 射 一 些 極 為 微 細 的 膠 粒 ， 該 種 由 聚 乙 烯 醇 造 成 的 微 粒 （ Polyvinyl Particles ） 會 將 血 管 堵 塞 ， 從 而 將 肌 瘤 「 餓 死 」 。

手 術 不 能 即 時 把 肌 瘤 殺 掉 ， 並 要 視 乎肌 瘤 的 大 小 ， 讓 肌 瘤 慢 慢 餓 死 ； 現 在 賴 玉 蘭 的 子 宮 肌 瘤 已 逐 步 縮 細 ， 部 分 較 為 細 小的 肌 瘤 已 經 徹 底 消 失 ， 而 其 中 最 大 的 一 個 則 縮 小 了 近 四 成 ， 很 快 便 可 「 月 月 無 憂 」。

亂進補加速子宮內膜異位與子宮肌瘤(上)

亂進補加速子宮內膜異位與子宮肌瘤

香 港 女 士 要 健 康 ， 亦 要 身 材 ， 養 顏 豐 胸 樣 樣 做 齊 ， 帶 旺 進 補 及 豐 胸 產 品 市 場 ， 但 如果 求 其 亂 食 ， 分 分 鐘 食 到 子 宮 生 瘤 。

原 來 ， 這 類 產 品 含 有 大 量 雌 激 素 ， 會令 子 宮 激 生 子 宮 肌 瘤 或 俗 稱 「 朱 古 力 瘤 」 的 子 宮 內 膜 異 位 病 變 。 最 新 的 調 查 更 發 現， 本 港 每 四 名 婦 女 中 ， 就 有 一 位 患 有 子 宮 肌 瘤 ， 人 數 過 百 萬 ， 原 因 之 一 便 和 大 量 服用 這 些 產 品 有 關 ； 而 由 於 食 用 的 人 愈 來 愈 多 ， 病 患 數 字 更 有 增 長 趨 勢 。

名 模 陳 嘉 容 以 往 不 時 都 會 帶暖 水 袋 或 貼暖 包 行 cat walk ， 這 並 非 因 為 她 怕 凍 ， 而 是 由 於 經 痛 難 擋 ， 藉 此 減 輕 痛 楚 ， 她 甚至 試 過 因 為 痛 得 太 厲 害 而 臨 時 取 消 行 catwalk 。

「 細 細 個 開 始 都 已 經 痛 得 好 緊 要 ，每 次 都 會 標 晒 冷 汗 ， 行 又 行 唔 到 ， 七 日 ， 七 日 都 痛 到 抽 筋 ， 一 星 期 可以 瘦 三 磅 。 」

自 從 十 三 歲 首 次 來 經 後 ， 她 每 個 月 都 有 一 星 期 受 苦 ， 記 憶 最 深 刻 的 一 次 ， 是 在 上 學搭 巴 士 途 中 ， 面 青 口 唇 白 兼 標 冷 汗 ， 結 果 母 親 立 即 帶 她 到 診 所 ， 注 射 止 痛 針 後 ， 她隨 即 暈 倒 。

補 極 都 痛 ，經 痛 得 如 此 厲 害 ， 陳 媽 媽 認 為 是 她 身 體 虛 弱 所 致 ， 所 以 每 星 期 為 她 預 備 一 煲 羊 肉 煲當 歸 ， 日 日 讓 她 食 燕 窩 ， 甚 至 每 星 期 燉 兩 次 雪 蛤 膏 。 不 過 ， 如 此 進 補 下 ， 她 的 經 痛卻 未 有 改 善 。

一 如 其 他 女 孩 ， 陳 嘉 容 一 直 以 為 自 己的 經 痛 是 「 人 之 常 情 」 ， 只 是 她 略 為 嚴 重 。 不 過 ， 因 為 她 的 朋 友 大 肚 而 陪 伴 到 醫 院檢 查 ， 她 亦 順 道 一 檢 。 醫 生 為 她 照 超 聲 波 後 ， 竟 然 發 現 她 的 子 宮 生 有 朱 古 力 瘤 ， 更有 五 粒 之 多 。 最 大 的 一 粒 有 五 厘 米 ， 而 且 更 是 黏 住 腸 臟 生 長 。

結 果 ， 她 要 入 院 開 刀把 瘤 悉 數 割 除 ， 自 此 ， 她 才 知 道 以 往 「 白 痛 多 年 」 ， 經 痛 情 況 由 過 往 她 所 形 容 的 十級 ， 減 輕 到 現 時 「 頂 多 三 、 四 級 」 。

「 割 完 晒瘤 之 後 ， 醫 生 叫 我 唔 好 食 打 針 雞 ， 佢 話 有 好 多 雌 激 素 ， 會 令 到 子 宮 再 生 瘤 ， 中 醫 又叫 我 唔 好 食 當 歸 。 」 陳 嘉 容 坦 言 ， 為 自 己 健 康 想 ， 她 除 了 會 每 半 年 驗 一 次 身 ， 亦已 經 戒 掉 了 最 愛 的 燕 窩 ， 改 吃 冬 蟲 草 及 花 膠 。

其 實 ， 女 性 用 當 歸 補 身 ， 未 必 適 合 。 「 個 個 都 話 飲 當 歸 、 紅 棗 補 血 ， 但 當 歸 藥 性 比較 強 ， 研 究 顯 示 當 歸 含 有 雌 激 素 ， 會 刺 激 子 宮 生 長 ， 如 果 立 亂 食 ， 分 分 鐘 越 食 越 衰！ 」 香 港 中 醫 學 會 副 會 長 黎 照 環 坦 言 ， 市 面 上 不 少 用 來 調 理 女 性 生 理 周 期 的 婦 女 口服 液 、 白 鳳 丸 等 ， 都 有 雌 激 素 或 當 歸 等 成 分 ， 就 連 烏 雞 、 鹿 茸 等 都 有 類 似 成 分 ， 不能 亂 服 ， 否 則 會 弄 巧 成 拙 。

朋友的新居

星期六, 放咗工, 與張先生, 靚媽 & 靚麻麻入咗馬安山探人類朋友, 佢同男朋友仔係xxx村租咗間村屋住呢~~ 七百尺嘅村屋, 可能剛搬入去無幾耐, 入到去感覺好大, 好舒服, 三個房, 一個廚房, 一個洗手間, 一個長型嘅廳, 非常實用, 兩個人住, 實在非常寬敞舒適呢~~ 佢地住地下, 落地玻璃行出去就有個小地台, 可以係個度BBQ, 閒時可以約班朋友仔搞BBQ聚會, 真係正呀~~~ 好羨慕呢~~~~~~~~

交通方面都算方便, 行出村搭5mins小巴往馬鐵烏溪沙站, 人類朋友係香港仔返工, 佢話一個鐘左右就返到公司, 咁都ok嘅~~~

不過, 要有如此舒適嘅安樂窩, 付出嘅代價都幾大, 佢個度每月月租六千五百蚊, 再另加五百蚊停車場費, 連埋d什費都接近一萬蚊, 真係好那利, 但係兩口子為咗有個安樂窩, 難得又搵到大家嘅心水地方, 真係無得計呢~~~ 唔知佢地幾時拉埋天窗呢...hehe......

坐咗一斷時間, 靚媽提議去探訪靚麻麻嘅屋企(係西貢), 因為識咗靚麻麻咁耐, 成日話去探訪佢, 結果都未去過, 這天終於實行! haha...靚麻麻屋企係舊式嘅村屋格局, 同人類朋友嘅不同呢~~

我同張先生都好想住村屋呢~~ 不過暫時都無可能(因為無銀両), 亦唔知會唔會有可能, haha......

探訪完靚麻麻嘅屋企, 我地一行六個人去咗西貢食海鮮, 好第, 好好味呢~~~~ 這晚有:

豉椒炒聖子(人類朋友至愛, 又大條, 又爽, 正呀)

辣酒煮花螺(靚媽至愛, 鍋裡面有n咁多粒, 雖然唔大粒, 但都好爽, 每人食到好多粒)

上湯龍蝦2隻(啖啖肉, 好味道)

豉鹽瀨尿蝦(好大隻, 大約有13cm長, 炒香好, 有膏, 又係淡淡肉, 正呀)

清蒸石班仔(蒸得剛剛好, 好鮮好滑呢~~)

鮑汁燴鮑魚仔 (同酒樓食個d飽魚仔有d唔同, 今次食大隻d, 每隻有4cm長, 好爽, 今次嘅煮法好食過陳皮蒸, 西蘭花做伴菜, 吸晒d鮑汁味, 好好味)

炸子雞(確實名稱唔記得, 但炸得好靚, 肉質好鮮嫩, 熟嘅程度剛剛好, 好味)

清炒菜心

以上全部都係我嘅至愛, 因為實在太太太......好味啦~~~ (又係無帶相機, 所以無影底俾大家睇), 因為靚麻麻識得人, 去街巿自己買以上嘅海鮮, 都係買咗五百蚊, 然後攞去餐館煮, 醬油錢都係五百五十蚊, 夾埋都係$1050, 六個人食, 仲要係西貢食海鮮, 咁嘅價錢, 去邊度搵呀!!!  如果唔識人, 咁嘅價錢, 食條海班加龍蝦都唔得呀~~ 正正正呀!!!

 

 

第44屆婚紗時裝及結婚用品展

尋日與張先生去咗會展睇最後一日嘅婚紗展, 本來諗住會好多人, 但又唔多喎~~ haha......反而今朝聽Linco講, 佢星期六去咗睇, 好多人呢~~ 可能好多人以為sunday多人所以提早sat去吧! 但係尋日嘅電腦展, 真係多人到爆 =.=

我地去到會展, 第一站就去咗睇家居展先, 朋友仔candy送咗張婚紗展嘅免費入場卷俾我呢, 真係謝謝她呢~~ 可惜入唔到家居展, 最後都係要買飛入場, haha......今年嘅家居展無乜嘢好睇, 上年就多好多, 結果我地淨係買咗個電鑽返屋企!

第二站就去婚紗展, 其實主要係要去買榮華唐餅咭, 因為場內買會有八折, 出面店買要50張以上先有八折, 對我呢d買少量嘅就硬係要係婚紗展買啦, 順便睇下其他嘢! 同埋睇宣傳單章話馬會提供一對雪特蘭迷你情侶小馬供情侶拍照, 但係去到已過派籌時間, 我地去到時都無緣見到情侶小馬~~~ 真可惜!

係婚紗展, 有d化妝公司就話有免費試妝服務, 不斷叫我試, haha...我都已book咗化妝, 試黎都無用, 同埋邊有咁大隻夾乸隨街跳呀~~ hehe......跟住路過d婚紗攝影呀、租禮服呀、婚禮拍攝呀, 全部都已經book咗, 所以覺得佢地好煩呢~~~ 見到V.L.有新婚紗同晚裝, 都幾靚, 聽晚放工去試下先得!

臨離開時, 睇埋「十二星座婚紗晚裝

Catwalk Show」, 係大會首次聯同全港首位占星治療師區 惠蓮 小姐及新婚情報攜手呈獻, 但係巨蟹座個d婚紗同晚裝都不及其他星座個d咁靚嘅 =.= 當中有個model嘅髮型set得幾靚, 張先生都好鍾意呢~~ 同埋有幾套婚紗晚裝都幾靚呢~~ 唔知V.L. d新貨會唔會靚過個d呢?! 希望會啦!

最後一站, 去埋電腦展 (張先生係都要去, 因為想睇下電視、投射), 入到去人山人海, 好似d嘢唔駛錢咁, 又多靚女係度任人影相, d人入場都唔知係買嘢, 還時去影靚女, 俾廿蚊就係為咗入場影女仔, 企係路口又阻住晒, 真係討厭呀! 以後都唔去呢d展覽, 太多人令人發忟憎!

行咗一個下午, 雙腳好似唔係自己咁~~ 次次去親會展嘅後果就係咁! 行到腳仔軟! haha......

生氣時，智商只有五歲

生氣時，智商只有五歲

如果我早點看到這篇文章，那我便不會........................

有一位企業家，素以行事穩健著稱，即便每天身處在瞬息萬變的商場之中，他也幾乎沒有犯下過什麼致命性的大錯，所以，他所經營的公司也就日漸成長。

幾年後，他要退休了！在榮退茶會上，記者們問他這幾十年來的成功祕訣，他只笑笑的說：「其實我沒什麼特別秘訣，我之所以能順利，是因為我懂得 在憤怒的時候少說話、少做決定 ，所以我不容易壞了大事 。」

短短的一句話，卻讓當天在場的人上了重要的一課。

每當我冷靜地回想自己過去在生氣時曾出現的情緒、念頭，或觀察一些在盛怒中的人們，我可以發現一個共通點：生氣時，智商只有五歲！

無論一個人現年幾歲，當他(她 )在氣急之時，其思慮之不成熟，情緒之一發不可收拾，言語之不知節制，表現之失態等等，彷彿就像一個五歲的孩子一樣地不成熟。

<聖經>上說：「人有見識就不輕易發怒。」可不是嗎？

當一個人在生氣時，他(她)的智慧、EQ、儀態….都會大大的「退化」！乃至所講出的話，所做出的決定，往往都會壞事。

誠如那位退休的企業家，他之所以能夠一路平穩、順利，不在於他有什麼樣的特殊手腕，乃是他懂得在憤怒時少說話、少做決定，所以他不容易出錯。

您期待自己的人生能更平順，更少出錯嗎？務必提醒自己:人在生氣時，智商只有五歲！

學習在盛怒之時少說話，少做決定，以免壞了全局而後悔莫及。

低脂低糖的健康甜品 ~ 鮮果乳酪軟雪糕

呢排工作上都唔忙, 悶到發瘋呢~~ 每日返工等食lunch, 食飽飽就等放工, 時間好不容易渡過呢~~

昨晚終於與kit kit上完last一堂嘅photoshop, 但尋晚亞sir嘅表現就真係失色, 上一堂仲同我地講, last一堂唔好走堂, 會教d精采嘅, 點知......悶到發瘋! 原本要講嘅鋼筆, 結果就無講到, 係elementary講過嘅嘢, 佢反而係咁講 =.=""" 同埋教咗d都唔知係咩黎, 講完都唔係好知應該點做, 雖然佢教嘅方法好方便, 做一個步驟就可以將幾張相做指定嘅效果, 但相信以我嘅能力, 還是續張整可能會快d, hehe......

係上堂期間, kit kit 係yahoo lifestyle睇到這個健康雪糕系列(三)韓式養生乳酪雪糕嘅文章, send咗俾我睇, 睇見咁美味嘅乳酪雪糕, 重要係低脂低糖的健康甜品, 正身處係呢個完全乏味嘅課堂上面, 睇到咁靚咁美味嘅甜點, 實在有返d生機~~於是, 就相約kit kit放學一齊gogogo, 食食食!!!

 原味鮮果乳酪軟雪糕  

Kit kit就叫咗上圖嘅原味鮮果乳酪軟雪糕, 而我就叫咗芒果味, 原味同芒果味都好好味, 好軟滑, 原味就淨係得乳酪嘅味道, 芒果味就清清的, 乳酪味就無原味咁濃, 再伴埋鮮果, 甜甜酸酸, 好好味啊~~~~~~ 這個晚上, 品嚐咗這個美味又健康嘅雪糕, 真係一大樂事, 這個就是昨晚嘅"晚餐", 瞓覺前就開始肚仔餓, 於是快快瞓覺為妙~~~

食店資料:

Yogulo

地址：旺角新世紀廣場1樓139A及B舖

電話：2264 3718

營業時間：星期一至日11am-11pm　　　　　

(圖片及食店資料摘錄自yahoolifestyle)

印帖

尋晚同張先生終於去咗金都睇下印帖嘅價錢, 方便過兩日去會展格價, haha......都唔明點解d帖咁貴, 貴至十幾廿蚊一張都有, 好彩都有d係平嘅~~ 其實派帖實在係非常唔環保呢~~~ 但無辦法, 唔派又唔得!

行咗好幾間, 終於俾我地搵到價錢合理嘅心頭好(我就比較喜歡懷舊d, 張先生就鍾意特別d), haha......$4.5@, 包埋印刷同埋信封, 都唔算貴~~~~~

我地揀咗金色, 張咭正方形, 中間有個窿, 裡面有張牛油紙, 上面有個囍字+對鴛鴦, 都幾靚, 而入面攝張牛油紙, 用銅色做字, 再加咗$100印個公仔係牛油紙上! 見到有個代表張先生職業嘅公仔, 可惜唔靚, 所以無揀到, 如果靚就好囉, 咁就正啦~~~ haha...... 世事就係唔完美, 不過俾我地搵到正合我地二人心意嘅帖, 而價錢又唔算貴, 實在已經難得呢~~~

呢個就係類似我地揀咗張帖嘅圖案, 不過上面朵花就變咗做囍字~~                                                    (圖片摘錄自983wedding:

http://wedding.983.com.hk/index-tw.html)

媽咪嘅好友去愛爾蘭啦~~

媽咪嘅好好好...朋友同埋細仔昨晚就去愛爾蘭(佢兩位大仔早幾年已過咗個邊), 點知...因為細仔無交學費(佢大仔幫細佬報咗間政府學校, 唔駛交學費, 其實我地都唔係好明解點解可以唔駛交學費), 當地海關不准佢地入境, 媽咪好擔心佢地呢, 人生路不熟, 語言又不通, 結果要飛去英國先, 等到大仔要幫細佬搵到學校, 交咗學費, 再將入學信寄返愛爾蘭先可以入境, 佢地真烏龍呢, 未搞清楚就過去~~ 幸好呢位亞姨有朋友係英國, 咁就好d, 如果唔係, 兩母子係英國都唔知點算~~ 希望佢地快d辦好手續, 返愛爾蘭同家人團聚啦!!!

星期六&日

星期六, 媽咪去咗法國醫院做手術, 因為要切除其中一隻手指嘅關節個舊突起黎鈣化咗嘅骨, 其實係一個小手術, 因為要claim保險, 所以留院一晚, 星期日就出院, 但報告還未出, 要待覆診時先知乜事. 那天晚上, 媽咪待在醫院, 一定瞓唔着(俾我估中呢~~)!

星期日, 媽咪出咗院, 但手指唔可濕水, 所以這晚我就暫時當咗家中大廚, 煲咗蕃茄薯仔紅蘿蔔排骨湯, 好清甜, 好好飲呢~~ 餸方面, 就有蒜蓉蒸茄子, 蒸咗條唔知佢叫咩名嘅魚(唔記得問賣魚佬添?!), 菜圃煎蛋, 腰果肉丁(但腰果俾我炸到燶咗 =.="""), 清炒津白同埋芽菜韮菜炒魚片, 總共六餸一湯, 白飯任裝, haha......最犀利都係今次~~

去旅行時一定要注意的事（尤其是女性）

呼~~

以前就聽說過...
夫妻去泰國玩 ....
計程車司機騙老公下車幫忙推車..然後就把老婆載走的事情~~

老公苦尋不到人...
回國後... 
居然看到女人然被輪姦ㄉA片...
而女主角竟是自己老婆!! 

天哪!!我還記得我當時聽完ㄉ感覺...
真ㄉ是在皮皮抓 ~~~~>_<~!!!

大家一定要注意好自己ㄉ安全!!男生要好好照顧自己ㄉ老婆或女朋友喔!!! 

前一陣子去上國際禮儀的課程，在其中一堂「觀光禮儀」課程中，老師特別告訴我們一些在旅遊中要注意的事項，讓我獲益許多，也一直很想找機會分享給各位，就趁著轉寄這封mail的機會告訴各位：

一、到達下塌的飯店時，要注意不要把行李牌上的姓名那一面露出來，因為有許多不肖分子就是利用行李牌上的姓名來獲取「下手對象」的相關資料的。

二、有經驗的導遊應該都是在遊覽車上分配房間號碼，而不是在到達飯店後或是在有團員之外的其他人在的公開場合分配，因為導遊大聲唱名分配房間號碼時，旁邊別有居心的人可能正好趁機記下連同姓名、房號等資料，然後便可採行同本篇e-mail內的壞人所使用的技倆，輕輕鬆鬆地進入「下手對象」的房間。

三、一起同行的朋友，不要在飯店大廳等公開場合，大聲地連名帶姓問對方：「張三，你幾號房？」「我214啦！啊老李，你呢？」「我哦，我316啊...」，一來一往之間，一旁伺機而動的壞人早已輕鬆獲知大家的姓名及房號，不論要色或財都是輕而易舉的事。

四、以上注意事項不限於本國，亦適用於語言不通的國外，原因在於每個國家的觀光飯店都有固定做某幾個國家的生意，也就是台灣團的可能都固定住哪幾家飯店，美國團的可能又是固定住哪幾家飯店，因此同一個飯店內住宿的可能大部份都是來自同一個國家的人，所以即使你用本國語大聲互喊房間號碼，可能除了同團的人之外，飯店內其他的人都聽得懂。

五、一般搭車，禮貌上，應該要請女士先入座，但若碰上搭計程車的時候，還是應由男士先入座較妥，因為...女生比較值錢（這是老師說的），有時候女生一進入車內，司機就馬上把車開走了......，這是發生在一對至東南亞度蜜月的新婚夫妻身上的事，那個被司機載走的太太再也沒有找回來了....很可怕的....。

我從懂事開始，平常在國內不得已要坐計程車時，也都盡量不坐裡面或是盡量坐靠車門的外邊，只是直覺上會擔心發生那種我一入座或是坐門口的朋友下車而我還來不及下車時，會不幸被司機載走的事，我想可能跟我天生缺乏安全感有關吧！因為從小到大也沒有人教我要這麼做，沒想到這還真的是一種保護自己的方法。

以上是我就我上觀光旅遊的課時所記得的部份，參考，希望各位出遊時都能高高興興地出門，平平安安地回家。

女生出去旅行要注意安全~!!這是關於飯店安全的文章，請牢記在心並轉寄給可能會單獨旅行的女性朋友 (原文為第一人稱)。

我去旅行時都會用客房服務點早餐。最近我住進一家知名飯店我也點用了客房服務，然後把寫了我的order的紙條放在門外。這張紙條上會寫住在房間裡面的人的名字點用幾人份的餐點房間號碼和需要送達的時間等等。我把這紙條放在門外讓收集的人來收而這完全是個錯誤~!!我就這樣讓『有需要的人』輕易得到他所有需要的資訊。

這個心懷不軌的人拿到了我的名字和房間號碼然後去跟櫃檯說他是我老公（紙條上會寫『一個』『女生』的名字）而他需要一把新鑰匙。結果那個櫃檯人員.......連問他的身分證號碼或是打電話跟我確認都沒有就給了他我房間的鑰匙！！！

凌晨兩點，我被開門的聲音驚醒。很幸運的，我除了鎖門外還有把門鏈掛上（讓門即使鎖可以開也只能開一條縫的鍊子），而我看見一隻男人的手在嚐試著把那個門鏈拿下來。我開始大叫，告訴那個人我正在通知警察。那個人關上門離開了。

我打電話去給大廳的櫃檯告訴他們這事想要通知安全部門注意這個意外櫃檯人員說........『哦，那真是抱歉』就掛了電話，之後的時間我是在又驚又怒中度過的。

隔天早上，我告訴那個驚訝的眼睛要掉出來的飯店經理，他的手下就這樣輕易的把我的房間鑰匙給了一個連身分都沒有先經過確認的陌生人。而我現在很慶幸我還能安好的打這篇文章，告訴你們這些事我不想去想像，要是那一晚我沒有把門鏈掛上的後果。

----------------------------------------------------------------------------------------------------------------

雖然唔知文章嘅真確性, 但都希望大家出門要注意安全呢~~ 正所謂人生路不熟, 萬事小心為上呢~~

朱古力心太軟

趁住係屋企得閒, 又有朱古力係度, 整咗朱古力心太軟, 有少少過咗火, 個面有少少濃, 又有少少苦, haha......伴埋雪糕一齊食, 好好味啊~~ 如果有部雪糕機就好, 可以自己整雪糕, 會更加正呢~~

激光矯視

尋日, 有位好朋友olive去養和做激光矯視手術, 手術好順利呢~~ 實在太好!!! 希望佢早日康復啦!!!

講開激光矯視, 身邊都有幾位好朋友做咗這個手術, 佢地都係做咗幾個月, 但唔駛戴眼鏡真係方便好多~~ 同是四眼妹嘅我, 雖然得個二百幾度近視, 見身邊咁多朋友做咗都話good, 都有少少心郁郁, 但之前睇過d email報道, 雖然唔知佢嘅出處, 唔知佢係真係假, 但有d point都講得有點道理.

激光矯視嘅發展都只係好短時期, 佢嘅好處當然會宣揚開去, 但佢嘅失敗又有誰知?! 同埋依家大部份做呢個手術嘅都係年輕嘅一代, 無實際數據顯示當年紀老啦, 雙眼會唔會出事, 無事固然係好, 但到時先知有事, 真係後悔莫及, 畢竟係一雙靈魂之窗, 出事就大件事~~ 經過一輪思考, 都係唔好做呢個手術, 待科技更進步先再作考慮, 還是做返四眼妹先~~~

懶惰嘅我, 鍾意戴眼鏡多過戴con (但同事成日叫我唔好戴眼鏡遮住雙大眼睛), 因為每朝返工, 最緊要係"快" (因為瞓到最後個刻至願起床呢~~), 眼鏡一戴上去就行得, good good good. 同埋戴咗眼鏡, 無咁覺黑眼圈存在, hehe......我嘅眼鏡, 一次比一次粗框, 一次比一次大副啦, haha......再換落去, 好似烏蠅鏡咁大副至得啦, haha......

 

三個月零兩星期

仲有三個月零兩星期就係我同張先生嘅大日子啦~~ 時間話多唔多, 話少亦唔見少, 但好似仲有好多嘢都未係時候去安排咁, 目前嘅進度, 與幾個月前都相差無幾呢~~

已安排咗嘅包括：book酒席、化妝、攝影攝錄、租褂、租禮服(但未揀衫)

但將要安排嘅就多籮籮囉~~ 要去揀禮服、租車、印帖、買過大禮用品、訂花球、買紅酒、寫菜單、製作進場DVD、............多到數到數唔晒! 真擔心到時漏呢樣漏個樣呢~~

最重要要做嘅就係...減肚腩~~ 唉.......要開始dick起心肝, 努力d至得~~

預約檢查

都好耐無見張醫生, 係時候又去見一見佢至得, 點知..........打電話去booking時, 姑娘姐姐告訴我嘅日子係11月6日, 我以為聽錯, 問姑娘姐姐最快要11月呀? 佢答我係, wah................有無咁誇張呀!!! 之前都係最耐等個幾月, 依家差不多要等成三個月, 真係犀利呀~~~

睇咗張醫生都好幾年囉~~ 係朋友介紹話佢好, 又好有醫德, 朋友生咗兩個小朋友都係搵佢, 比起期他醫生, 佢嘅收費不唔係好貴, 所以個度好多孕婦搵佢檢查同生仔, 去親覆診, 總是好多有老公陪同嘅孕婦坐係診所內呢~~ 每次見到呢個景況, 覺得D孕婦好幸福呢~~

自己又係度諗, 第時到我有機會做孕婦時, 張先生會唔會陪我一齊呆坐幾個鐘等見BB一面呢? 等見醫生真係好辛苦呢, 次次都要動輒兩三個鐘先見到醫生~~ d時間好難過呢~~

蒜蓉蒸茄子

星期六, 放咗工無嘢做, 同傻kit & 姐姐仔lunch之後就返屋企, 期間接到好友靚媽來電, 佢正在入粉嶺睇醫生, 於是就約佢一齊見下面, 食下嘢!

靚媽教我煮一味"蒜蓉蒸茄子", 非常簡單, 又好味:

(二人份量)

材料：茄子一大條、蒜頭半個、葱粒適量、油適量、豉油適量

做法：

1. 鑊盛上, 大火煲滾.

2. 將蒜頭剁成蒜蓉備用.

3. 茄子切片, 放碟上, 將蒜蓉鋪面, 水滾後, 放上鑊面蒸10分鐘, 蒸好取出, 灑上葱粒.

4. 準備熟油淋係茄子上, 跟住淋埋豉油即可.

** 茄子臨煮先好切開, 否則會好似蘋果咁, 好快"生銹".

除咗"蒜蓉蒸茄子"之外, 仲有"滾冬瓜排骨湯"、"豉油王炒蝦" 同埋"蒜蓉炒莧菜", 今餐好好味, 張先生勁鍾意個味"蒜蓉蒸茄子", 佢話我買個條茄子買得靚, 入口即溶喎~~ d蝦又爽, 緊係啦, d蝦新鮮生猛架喎~~ haha......

 

 

氣飽啦!!!

尋晚, 又俾張先生激到我遲遲未能入睡, 又係因為佢去飲酒!!!

 成晚係度敷衍我, 就走就走, 走咗四五個鐘都未走到返屋企! 成日講過嘅嘢都唔算數嘅, 應承過嘅嘢又無一次兌現, 話佢時又係度扮傻扮矇, 話11點返又係度狡辯話係12點, 唔講呢句都無咁嬲呀!!!

 仲要係度賴我唔過佢度, 過去就同我食飯, 就唔會咁晏............=.=

最過份係, 電話又無電, 打去屋企又無人聽, 到有人聽時又話要送佢"女朋友"落樓 (因為佢地晏晝去咗買露營用品, 佢"女朋友"放咗d嘢係佢屋企), 咁大個人駛唔駛送佢落樓呀! 佢又唔係第一次去佢屋企!!! 張先生為咗送佢"女朋友"落樓, 竟然"吸"我線

係佢心目中, 都唔知係佢"女朋友"重要d丫, 還是已經係佢老婆嘅我重要d, 好嬲呀!!!!!

每次飲酒都係咁, 我已經俾機會佢去飲, 無咋型啦, 只不過要求佢唔好飲咁耐, 又話一人讓一步, 我都讓咗步俾佢去飲酒, 但佢應承過我嘅卻......唉......

 仲要話唔可以俾我控制佢.......咁都叫控制佢, 同佢講11點, 係佢親口應承, 但反過來話我控制佢! 真係超唔開心呢~~ 對我黎講, 這是承諾嘅問題, 但對佢黎講這個係我執着嘅問題! 大家所持嘅觀點跟本都唔同!

行公園

今日成日欺負我o既勳哥哥同ming姐姐去街街, 但唔帶我去, 係屋企o既我, 發晒癲咁企係門口度嘈嘈嘈......爸爸話帶我去大帽山逛, 但媽咪又話熱, 唔去, 結果......好彩szeman姐姐無聊得濟, 帶我去樓下行街街, 係炎炎夏日o既天氣下, 熱到我條脷仔都差d伸到落地下, hehe......

行街街期間, 見到隻好惡死o既史納莎狗狗, 本來想行過去同佢玩下, 點知......佢竟然"肺"我, 仲要好凶果隻, 我走都走唔切, 又不停咁回頭望佢, hehe......佢俾佢主人用報紙打到啪啪聲, haha......

行咗一陣就返屋企lu, 沖個靚涼, 爽呀~~~~ 呢個就係啱啱洗完白白o既我啦!

印尼椰汁糕(失敗篇)

今日無所事事, 朋友之前俾咗個食譜我, 於是係屋企整印尼椰汁糕, 可能因為每層厚得濟o既關係, 有d中間白色唔熟...... =.="""""""" 熟個d爸爸媽咪都試過, 話唔夠甜, 同埋"un"得濟, 究竟係邊方面出問題呢? 會唔會係木薯粉多得濟呢

 唯有下之再試過吧

生命無常, 要及時行樂

今日午膳時間收到張先生的來電, 佢話佢有一位同事嘅太太因突發性心臟病發, 就這樣走咗! 唉.......早排先聽張先生講, 佢地一家人趁住d仔暑假返港, 去咗海南島旅行, 返到黎就發生咗件咁嘅事, 之前毫無先兆, 亦無異樣, 也不知身患心臟病, 好突然間, 就咁就走咗........

真係生命無常呢~~ 好多嘢都估唔到, 預計唔到, 真係要趁惜現有嘅, 想做就要去做, 做d自己開心鍾意嘅事, 及時行樂!

 

會考放榜

尋日係全港中五學生會考放榜嘅大日子, 有人歡喜有人愁! 唔單止同學仔忙, 連父母都好忙呢~~ 不過無論成績如何, 天無絕人之路嘅~~ 亦唔駛太灰, 最重要係有自己嘅目標, 總有出路!!!

有位朋友參加咗今年嘅會考, 佢對成綪都不敢抱希望(嘅然都已成定局, 我都叫咗佢唔好諗咁多), 結果喜出望外, 真係替佢高興呢~~~~~

回想起n年前嘅這天, 係已有repeat嘅心理準備嘅情況下, 都唔係好緊張, 當時嘅目標係搵學校repeat (原校唔收呢 =.=), 適逢有學校新開辦, 所以同幾位同學一齊去面試, 都算好彩, 成功repeat中五! repeat個年嘅生活簡直就係未有聽過書, 一味係度溫書或"釣魚" (一來d嘢已識, 二來個d老師教得唔好), 不過係呢一年先係咁嘅讀書態度!!!

係repeat個年嘅放榜大日子, 惡夢終於黎啦......考得唔標青, 但又合資格讀中六嘅我, 當年實在太多比我還要好成績嘅人, 結果原校唔收(個時又話夠分就一定收, 呃人嘅~~), 要四圍係咁搵學校, 好傍偟呢~~ 屯門、元朗、天水圍間間都去過問, 連錦繡花園個間咁偏僻嘅中學都唔放過, 結果都係.....唉......好記得, 自己又唔係唔得, 點解d學位咁快無晒, 就算有都爭崩頭, 好無助, 好傍偟, 唔知點好, 結果自己行埋一二邊喊咗出黎! (諗返起都覺得點解讀書讀到咁淒涼) 經此一役, 令我深深體會到社會嘅現實、無情!!! 從此對呢個社會改觀! (會考實在影響我太深啦!)

依家身在社會大學嘅我, 睇新聞見到d同學仔, 成績好嘅當然指佢地高興啦, 但對於要四圍搵學校嘅, 真係覺得佢地慘, 點解香港嘅教育制度, 要搞到班同學仔氹函轉??? d制度越改就越衰!

想當年都係得小學六年班嘅學能測驗同埋中學會教/AL先會有壓力, 但依家D細路無時無刻都面對各方面嘅壓力, 家長啦, 老師啦, 社會風氣啦, 隔離屋d細路啦........... 做呢個年代嘅細路真係慘呢~~

 

吹脤

真不明白為何寫封信都要依賴我???

尋晚等食飯期間, 接到媽咪來電, 話今晚要我返屋企, 問佢做乜? (飯都未食就叫我返屋企 =.=) 佢話爸爸要我幫佢打封信俾稅局, 我話叫細佬打咪得, 佢都識打字, 只不過打得慢而已, 點知又俾媽咪凶我, 為免爸爸又黎"發癲", 唯有食飽飽就要速速回家 =.=""

轉個頭打電俾細佬, 叫佢幫爸爸打, 佢又話唔識d格式(諸多藉口就真), 又話爸爸要我打, 又話d人已經係度鬧緊我(咁都要鬧?! 心情當堂no mood) =.=""", 佢講到咁, 咪唯有叫佢叫爸爸寫定封信, 等我回來至打, 點知, 佢一句話: 爸爸叫你作埋 =.="""" 我無話可說囉~~~~~

食飽飽都十點半, 因為張先生飲咗酒嘅關係, 揸車這個任務就落在我身上, 仲要載埋佢兩位同事, 真係驚驚驚呀! 因為實在太耐無揸過車啦~~ (基本上都唔係好記得點揸, 好就好在係自動波) 因為緊張得濟, 揸車揸到手都痺埋, 有些時候, 手比眼還要快, 好彩附近無車!!!

返到屋企已十一點幾, 又開始我嘅任務 -- 打信, 係度諗, 我第時嫁咗, 唔係屋企住, 又要打信時, 係咪都係要我搭車返屋企為咗打封信呢??? 用手寫封信唔得嘅咩??? 一定要用電腦打嘅咩??? (發下勞騷......)

點知今朝起床見到爸爸, 問佢係封信度簽咗名未, 佢竟然話: d資料都未齊, 要等細妹寄返黎 =.=""""""""""""""" 天呀~~~~~~~~~ 咁尋晚就唔好催我返屋企就係為咗打封信, 仲以為好急, 唔等得!!! 真係俾佢地吹脹...............呀!!!!!! 搞到我食餐飯都食得唔安樂~~~

 

流浮山海鮮餐

尋晚放工, 與張先生同埋佢d同事一齊入咗流浮山食海鮮, 我地七點鐘左右就到達流浮山, 流浮山俾我印象係好遠, 但原來與天水圍都好近, 駕車係天水圍至流浮山都不用5分鐘就到! 記得細個家庭樂嘅時候都去過(入到去尖鼻咀個頭), 但就無係個度食過海鮮!

入到流浮山, 當然行下個海鮮巿場, 沿路有好多海鮮檔同餐館, 海鮮種類都好多, 見到大大隻起碼至少有20cm長嘅瀨尿蝦, 大大條龍躉, 海斑當然唔少得, 仲有魚蝦蟹, 沿路一直行到盡頭 -- 面對住個海, 對岸就係蛇口, 睇落去都幾近, 可惜尋晚天氣差, 睇唔清楚對岸呢~~

因為要等齊人嘅關係, 結果等到八點半先有飯食! 肚餓非常呢~~~ 終於有飯開啦!

蒜蓉粉絲蒸帶子(好似手板咁大隻嘅帶子<--當然係指個殼啦, 粒肉都唔弱, 直徑都有成4cm長, 仲可以一開二添呀! 爽爽爽呀!)

蒸鮑魚(都唔算細隻, 都有成5cm長架~~ 新鮮~~ )

有伊麵底嘅上湯龍蝦 (大大嚿肉, 正呀!!!)

大班兩味

豉油皇炒大蝦 (好香, 好多膏, 好好味啊~~)

炒聖子 (大大條嘅聖子, 咬落去好爽呢~~)

鰻魚炒飯 (賣相都幾靚架, 炒得又香)

椒絲腐乳通菜

蒜蓉菜心

炸子雞 (新鮮即炸即上枱, 炸到d皮好硊扑扑, 好香, 肉質又啱啱熟, good good good)

一行15人去食, 埋單成三千八, 都算便宜啦, 仲要啤酒汽水無計賬 (其實係張先生有位同事識得老闆娘, 所以先至咁嘅價錢, 佢同事話如果無啦啦自己去食, 就唔好啦! 因為貴貴貴呀!!!) 不過真係好好好......味呀!!! 有機會再去食過 (下次一定要帶相機影低d美食至得, 今次因為事發突然, 所以未有準備, 唉....... =.=)

 

 

旅行後遺症

放咗成個禮拜假, 真係唔多願返工呢~~ 依家返工都返咗成個禮拜, 但心情仍然唔多想返工 =.=""" 好想繼續放假啊~~~~~~ 今朝同張先生講唔想返工, 佢竟然好得戚咁話: 咁你咪唔好做囉! (因為佢知我唔會唔做嘢, 所以特登咁講黎潤我 =.=)

旅行期間, 日日早出晚歸, 日日都唔夠瞓, 再加上差不多日日都有食熱氣嘢(平日極少食架), 可能係低抗力差嘅情況下, 返到香港第一日, 咀角又出疹, 唉......樣衰咗成個禮拜, 尋晚塊蕉終於甩咗, 終於好返囉, hoho......

尋晚上yoga, 唔知係咪耐得濟無做過運動(走咗2堂), 有d動作平時都做到, 點知尋日腳仔軟, 好快就攰同痺, 頂不住! 應該係抖得太耐吧~~

布吉之旅 Chapter 9

二零零六年七月廿九日, 星期六 (旅程嘅最後一日)

快樂嘅時間過得真係快, 咁快就黎到旅程嘅最後一天, 今日全日都係自由活動, 八點幾就起床食早餐! 這日天氣唔好, 好彩最後一日先黎落雨, 落雨先黎去陽光與海灘實在令人太掃興呢~~

我地一連四晚就係住係Phuket Orchid Resort (http://www.katagroup.com/phuketorchid/index.htm), 上網睇間酒店好似好靚咁, 但事實就並非相片般靚, 都頗為殘舊, 由酒店步行數分鐘, 就係Karon Beach, 個度面對印度洋, 所以勁大浪, 不宜游水, 係酒店住咗四晚, 日日早出晚歸, 都無時間走去Karon Beach, 趁住last day, 有的是時間, 食飽飽早餐就同張先生拍拖行海灘, 可惜, 雨越落越大, 風越吹越勁, 結果, 我地到此一遊就算, haha......

Karon Beach

集合好, 就出發, 第一站就去咗蜂蜜店 (唔知點解, 去親旅行, 總會帶你去蜂蜜店), 飲咗幾杯仔蜜糖水, 凍冰冰的, 正呀! 跟住又試咗細細羙蜂皇漿, 都幾難食! 跟住又試埋花粉, 仲難食! =.=""" 個度個講解哥哥教我地點樣揀靚蜜糖, 佢話係超巿見到個d蜜糖底沉澱咗d物質係度, 就唔係靚貨! 佢又教我地點測試買咗嘅蜜糖點為之靚, 就係將d蜜糖倒係碟中, 再加d水, 係咁搖個碟, 直至蜂巢狀嘅圖案形成, 呢d蜜糖就為之靚嘢!

↓大家知唔知呢d係咩呢?! 係花粉黎嘅, 乜花粉咁大粒嘅咩???

去完蜂蜜店, 下一站係"碧斯", 又係自費午餐時間, 今次試咗炒貴刁同炒飯, 好普通!!! 跟住行超巿, 成個家樂福咁, 咩都有得買, 爭在你睇唔睇得啱, 張先生買咗隻泰文歌CD諗住擺係車度聽, 點知返到HK先知個個人俾錯咗隻VCD我地, 結果, 張先生無得係揸車時享受泰文音樂! 而我, 乜都睇唔啱!!! 諗住下一站嘅士產店先入貨買手信, 點知...........出事............d團友唔準時, 遲成半個幾鐘先集合, 結果............無得去士產店買魷魚乾, 要直去機場 =.=""""""""" (好彩係超巿買咗兩包魚絲, 同之前買咗兩盒腰果酥, 打算攞返公司做手信咋, 如果唔係.........真係肉酸囉~~)

原本班機都已經delay咗(由六點幾delay到七點幾), 點知..............入咗閘, 係候機室度, 八點幾時話班機仲係曼谷, 由曼谷飛黎布吉要個幾鐘, 所以又要delay班機 =.=""又肚餓, 又口渴, 好彩航空公司都安排每人一件三文治同一支水醫下肚仔, haha......當我地問領隊因乜事delay, 領隊哥哥話機件問題, 所以delay, 班機依家飛緊過黎, 嘩.............好驚呀 =.="""""""""""""""""

機件問題, 呢間航空公司d機都已經夠殘, 仲要機件問題, 都咪話唔驚呀!!! 結果, 十點幾先上機, 返到香港已零晨時份一點十五分, 入得境加攞埋行李, 都已經成二點鐘, 好彩航空公司都識做, 安排咗幾部去唔同地區嘅旅遊巴, 如果唔係, 咁夜都唔知點返屋企! 結果, 零晨四點鐘先返到屋企, 臨瞓前校定鬧鐘, 因為要起身打個電俾佬細要請多一日假!!! 第時都係俾多少少錢, 坐返國泰穩陣d~~~ >.<

回程時凍冰冰嘅飛機消夜餐 -- 燒汁雞飯

整個旅程都係開心, 愉快! 最好玩都係陽光與海灘, 尤其是鳥旦島, 哈哈島可以不去也吧!!! 食方面, 因為跟旅行團關係, 都無乜好嘢食, 都係d普通菜式, 得過且過咁啦!

至於自己, 依家有d擔心會白唔切, 旅行之後, 變咗"黑珍珠" (張先生比我還要黑呢), 係泰國都唔覺自己皮膚好黑, 但返到香港之後, 就覺得自己好黑, 因為好多香港女仔都係白雪雪, 咁咪顯得我更黑!!! haha......返到公司, 十個有十個同事見到我嘅反應都好一致: 嘩...乜你黑咗咁多嘅?! 大佬細仲搞笑, 佢話: 你黑咗咁多, 年未白唔白得切架, hehehehe...... 搞到我開始擔心年尾白唔切添~~~ =.=""""" 到時白唔切, 為有做一位黑珍珠新娘, 夠special囉~~~~~

布吉之旅 Chapter 8

二零零六年七月廿九日, 星期六 (旅程嘅第四日)

離開咗鳥旦島, 當然又係返酒店梳洗一番啦!!! 玩樂完之後, 真係一身散晒, 好攰呢~~~~~~~~

之後又係自費活動時間 -- Phuket FantaSea (http://www.phuket-fantasea.com/index.html), 係裡面有好多售賣店同埋攤位遊戲, 首先我 地係The Golden Kinnaree Buffet Restaurant食buffet, 個度可以同事容納4千人一齊食嘢, 個度確實好大, 但食物種類就一般, 唔算好多款式, 味道都係一般, 唔見突出!

食飽飽就逛咗陣商店, 跟住係時候去show, 入場前, 有守衛攞住支金屬探測器, 向入場人仕"守身" (因為唔俾帶相機入場), 原本諗住佢都係睇下個袋, 咪將個DC放係張先生褲袋, 點知行到去, 方知有個金屬探測器, 始終難逃"衛"眼, haha......唯有乖乖留底部DC俾佢地保管!

最搞笑都係團友亞光同Michelle, 個守衛哥哥問佢地有無帶電話, 要佢地俾佢睇睇, 睇完之後, 連電話都要保管住, 因為電話可以影相, 咁都得! haha......我同張先生都無帶電話, 放咗係酒店, 所以無事!!!

入場啦! 入場啦! 入到去先知點解唔俾帶相機, 因為裡面有好多地方景相都會幾靚, 仲有幾隻好可愛嘅小象企定定係度, 等待同遊客影相, 遊客無相機, 又想同佢地影相的話, 唯有乖乖地放底銀両, 有專業攝影師為你服務!

個show開始啦, d人係咁係度跳泰國傳統舞, 係咁跳跳跳, 自問不懂欣賞, 好悶啊~~ 差d瞓着咗! (其實整幕表演係一個故事) 跟住轉咗另一幕, 雞, 鴨, 鵝, 牛, 豬, 羊, 白鴿, 由台嘅一邊走向另一邊, 好得意呢!!! 跟住一對男女係度唱泰國傳統嘅情歌, 唔識泰文, 唔知佢地講乜, 跟住個女嘅俾怪物捉走咗, 個男嘅就去救佢, 大炮烽火咗一輪 (d大炮聲真係好响亮, 俾佢嚇咗幾跳, 亞光同michelle更被炮火聲嚇醒, hehe......), 男嘅勇救個女嘅, 跟住騎大象, 又有一大班大象係度表演 (最好睇都係呢幕囉), 好得意!!! 跟住就咁就表演完畢!!! 一個字 --  悶, 永無下次吧!!! 都係長隆個馬戲表演精采好多..................

睇完show都已經接近十一點, 經過睡魔一輪"折磨", 更加覺得眼瞓, 但係, 好唔守時嘅十人幫兩位成員唔知行咗去邊, 我地係車度等咗好耐, 睇住身邊一架架車係咁離開, 佢地都未出現 =.=""""" 應該又係掛住影相吧!!! 等咗好幾個字佢地先出現, 終於可以返酒店覺覺豬囉~~~~~~

To be continue.......

 

布吉之旅 Chapter 7

二零零六年七月廿九日, 星期六 (旅程嘅第四日)

今日又係一大清早起床, 食過早餐, 便出發前往充滿陽光與海灘嘅鳥旦島與魚仔暢泳!!!

這日坐嘅快艇比前兩日坐嘅大部, 速度就快快快呀! 去到鳥旦島, 嘩......d水好清啊~~ 成個島仔係個海上面, 感覺好新鮮呢~~ 因為咁大個女都未試過係個島仔度, 面對無敵大海景, 仲可以環島步行行一圈呢~~

落咗船, 放好行裝, 已急不及待攞住麵包, 走去海灘嘅另一邊餵魚仔! 嘩嘩嘩......真係勁勁勁......多魚仔呀! 成個海邊都係魚, d魚仔唔怕人, 反而我見到這個壯觀情景, 不禁嚇了一跳, 唔係太敢落水與魚仔接觸, 真係多得恐怖呢~~

 但一場去到, 無理由唔去餵下魚仔, 於是鼓起勇氣(其實好驚d魚仔咬我), 括出去~~ d魚仔好眼利, 一見到麵包, 都未放入水中, 已成群湧過黎, 有大有細, 好神奇, 好壯觀, 餵得好興奮呢! 淨係放隻手入水中, 佢地唔會so你, 又唔會咬你, 只會走! 真搞笑呢~~

餵完魚仔, 又係時候出海玩浮潛! 係導遊哥哥嘅帶領下, 我地坐快艇出去鳥旦島對開嘅小旦島玩浮潛, 係大海中央都浮下浮下, 都係第一次, 感覺好得意, 好好玩! 導遊哥哥之前話個度有過千種魚, 但係我見黎見去嘅都係係鳥旦島餵個d魚仔, 最多見多幾款魚, 有成條藍魚的, 有成條黑色的......不過感覺真係好正, 當你係度游來游去, 總有群魚仔係你身邊游來游去!

最印象心刻係當我向前游時, 同一時間, 有一大群魚係逆方向游向我身邊, 係我肚腩之下游過! 又有群魚打橫咁游, 直頭係我雙眼前游過, 感覺好得意, 好奇妙呢~~ 諗返起都覺得很回味這個畫面呢~~

浮咗一陣, 張先生個浮潛用具入水, 話要上返船一陣先, 於是佢就溜底我一個係大海度浮下浮下, 但自己浮咗好耐都唔見佢搵返我, 而我又唔認得邊部船(因為都有幾隻一式一樣嘅船停咗係度=.=), 唯有自己繼續浮, 直至張先生搵返我時, 佢話上咗岸, 話個度都幾靚, 叫我一齊游過去, 以我有限嘅泳術, 再加上着住件救生衣, 好不容易先游到岸, 差唔多到時, 張先生見到導遊哥哥叫我地上船準備回程 =.=, 結果, 岸就無上到, 要調頭游返上船, 望住係海中嘅船(距離約六七百米), 已經游到筋皮力竭嘅我心諗: 唔係麻~~ 好攰啊~~~~ 唯有硬着頭皮gogogo!!!

返反去鳥旦島, 我地就開始食午餐, 係簡陋嘅島仔上, 唔方會有好嘢食, 都係炒飯, 炒麵, 沙律菜, 咖喱, 炸雞脾.........好過無得食咁啦! 食飽飽就與張先生拍拖環島遊, 唔駛15分鐘就行完(連埋影相)!

之後我地就係沙灘上晒太陽, 陽光非常猛烈呢~~ 晒一陣就渾身是熱!!! 有團友溜打沙灘排球, 於是我地就一齊打排球(第一次係玩沙灘排球咋!!!), 少郁動嘅我, 打咗一陣就頂唔住, 還是坐坐, 做觀眾吧~~

快樂嘅日子真係快過啦~~ 玩到3點鐘又係時候離開這個水清沙幼又多魚仔嘅鳥旦島, 真的唔捨得走呢~~ 再見啦...鳥旦島............................................

To be continue......