7.9.2008
今朝同婆婆太婆一齊飲茶, 飲完茶去咗坐車仔!
坐完車仔去咗叔婆屋企睇BB! 表弟仔12朝啦~~ 成日都瞓, 無聽過佢喊, 要食奶又唔會嘈食, 拉咗屎又唔會喊, 好乖呢!
B仔望住表弟仔係無乜反應! 仲要大力拍人張床, 嚇到BB跳一跳, 真係唔好意思~~~
食完雞酒豬腳薑便返婆婆度! 屋苑搞慶中秋, 同B仔去咗玩攤位遊戲兼猜燈謎, 實在太熱, 玩咗一陣就返婆婆屋企!
又係學行的時候! 婆婆拎咗條傳統孭帶縛係心口旁住B仔行, 查實佢行到架啦, 但仍然未夠膽, 驚跌跌, 應該用咁既方法行多幾云佢就會唔記得咗!
食埋飯B仔媽就返屋企, 收到個郵包, 係Ryan媽寄黎送俾B仔既生日禮物呀! 謝謝你呀~~
同日舅父仔同Ming姐姐都送咗件米奇T俾B仔, 之但係, 成100碼, 着咗好似着住條裙咁呀!!! 舅父仔, 你係咪諗住買大d着多幾年抵返晒呀! haha............ anyway, 謝謝舅父仔同ming姐姐!
叻仔,咁快學行
回覆刪除[版主回覆09/08/2008 17:49:00]但未敢自己行呀! 要有人旁住至行到囉~~
可以自己行幾步未呀? 如果佢肯, 好快就識行啦~
回覆刪除[版主回覆09/08/2008 17:50:00]可以呀! 不過要旁住佢囉, 旁住都行到4,5尺架! 自己行就未夠膽!
嘩!咁快收到, 我5/9先寄, 希望b仔鍾意!
回覆刪除[版主回覆09/08/2008 17:50:00]B仔媽鍾意=B仔鍾意~~ HAHA...
謝謝你~~
件米奇衫好得意呀! 我見過有件又係類似咁樣架，不過個公仔係米妮黎架!
回覆刪除峻僑,
姨姨祝你生日快樂，身體健康、快高長大、聰明伶俐，乖乖地呀! 記住要聽媽咪爹吔話呀!
[版主回覆09/10/2008 00:18:00]峻僑: 多謝ee~~~
b仔真係越大越得意呀...
回覆刪除我下個月想搞bb聚會呀，你有無興趣呀?
睇下有無機會見到b仔啦!!!
[版主回覆09/10/2008 23:49:00]哦~~~ 好呀! 你定咗日子話我知睇下個日有無嘢做!
10月19日活動詳情已經post左出黎啦，請你confirm同揀餐單啦!!!
回覆刪除