24.9.2008
由星期一凌晨到今日, B仔仍未退燒, 燒下又退下咁, 唉... 發生乜事呀?! 已經第三日啦~~
放工帶咗B仔去睇陳醫生, 今次B仔無上次咁癲, 上次一入去就喪喊, 今次無喊, 只係陳醫生睇口腔時至喊(次次都唔俾人睇), 同埋肛探次次都喪喊, B仔, 你男孩子黎架, 咁細膽架~~~~~
陳醫生話B仔喉嚨有幾粒飛滋, 係過濾性病毒感染, 鼻膜有d發炎, 引致眼仔有d眼水, 同埋發燒. 陳醫生開咗一支同上次一樣嘅藥水+退燒水+眼藥水.
問陳醫生會唔會有機會係出玫瑰疹, 陳醫生話有機會係, 如果出疹會燒埋聽日跟住就退燒後出疹, 到時又要見陳醫生.
B仔, 你乖乖食藥藥啦~~ 飲多d水水~~ 好快就好返架啦!!!
冇事冇事~ 睇實佢.再唔係請教婆婆!!! (因為我唸我係你.我都會只搵婆婆同睇Dr.)
回覆刪除wei.B ma~ B仔好快冇事呀! 你唔好擔心太多呀!!!!
[版主回覆09/25/2008 14:24:00]婆婆湊住安心好多~~
小朋友係多病啲架啦, 加上咁嘅天氣, 你唔好咁擔心啦~~~~
回覆刪除b仔, 你想唔想去街街玩呀, 想就要乖乖食藥喇~~~~
[版主回覆09/25/2008 14:25:00]餵佢食藥好似打仗咁, 婆婆夾實之餘仲要餵藥, 再公公/b仔媽捉住隻手仔至掂!
OH POOR B仔.
回覆刪除快D好快啦..醫生有無講會唔會係打左MMR先燒呀..不過而家天無時COOL時HOT都係小心唔好帶佢出去太耐..
[版主回覆09/25/2008 14:27:00]唔舒服都無得去街街啦~~
MMR定係喉嚨發炎都會發燒~~
好可憐呀b仔，你要快d好返呀! 柏滔等緊同你爭玩具玩架!
回覆刪除[版主回覆09/25/2008 14:28:00]佢食得玩得, 係粥仔唔多食, 食得半碗, 可能食粥搞到飛滋痛呀~~
阿囝病左..媽媽好辛苦....保重呀!
回覆刪除[版主回覆09/26/2008 10:39:00]唉... 婆婆辛苦至真呀~~~
好返d未呀........你都要加油呀..
回覆刪除[版主回覆09/26/2008 10:41:00]touchwood星期三晚至尋日都無燒啦~~ 但又未發現有疹出, 可能喉嚨發炎所致呀!
係你blog學識點應付玫瑰疹呀~~ haha...
b仔!快D好快啦!加油!
回覆刪除b仔依家點呀?
回覆刪除[版主回覆10/03/2008 13:24:00] 上個禮拜已經好返晒啦~~ 唔係出玫瑰疹, 應該係喉嚨發炎+MMR