26.9.2008
今晚去食滿月飯, 堂表弟仔滿月啦~~
堂表弟仔真係超好湊呀! 食飽就瞓, 瞓飽就食, 食完又繼續瞓~~ 不過唔知點解佢乖成咁, 一味瞓, 嘈都照瞓, 唔會嘈醒, 肚餓又唔會喊 (想當年B仔, 支奶俾遲一秒都喊到拆屋咁) 姑婆話可能係胎教, 因為BB媽媽馱住佢時都係瞓同食 =.="""
B仔見到罐可樂, 眼睛發亮~~
27.9.2008
今個禮拜無湊B仔返屋企, 因為剛好返, 費事返來返去, 所以B仔媽尋晚留咗係婆婆度陪B仔~~
瞓醒去咗巿中心試下翡翠拉麵小籠包, 都OK喎~~ 閒逛咗一陣就返婆婆度lu~~
返到婆婆度就白白豬先~~ B仔呢輪又唔肯戴洗頭帽 =.="""
婆婆話B仔扮花, 我就覺得B仔似獅子仔多d~~
B仔今個禮拜又進步咗, 唔洗引誘佢, 自己放手通屋行呀~~ Haha......
同埋家陣識自己駕車車啦~~ 又識向前, 又識向後, 但未識轉彎!
食飽就訓.. 訓飽就食...
回覆刪除可以胎教既話....咁就good喇
咁涼粉一定好乖仔~~~~嘻
[版主回覆09/29/2008 16:47:00]Good luck ~~
回覆刪除個個小朋友都愛凍凍~~~~~~~~~~
回覆刪除果然..b仔大個咗好多咁呀!!
回覆刪除睇到依度..好驚訝呀!!!
點解將b仔放在這細細桶到架!
[版主回覆09/29/2008 16:48:00]... 婆婆放架~~
b仔媽,你的作戰時期正式開始...b仔而家開始就會好鐘意行行行....你拖佢又fing開你.....
回覆刪除[版主回覆09/29/2008 16:49:00]哦~~~ 如果他住佢又未敢fing開我喎~~
笑死我啦.....
回覆刪除咁樣塞亞b仔落咁細個桶到
[版主回覆09/29/2008 16:49:00](Empty)
個桶好似好逼喎
回覆刪除[版主回覆09/29/2008 16:49:00]個桶確實係細得濟~~
桶........ =.=
回覆刪除你搞事呀 ~
[版主回覆09/29/2008 16:50:00]你錯啦~~ 今次唔關我事喎!
個桶咁細, b仔都肯坐落去~~~~~~佢學咗瑜珈呀
回覆刪除[版主回覆09/29/2008 16:50:00](Empty)
b仔好似又大個左咁喎!
回覆刪除[版主回覆09/29/2008 16:50:00]係呀~~
真係 ???
回覆刪除梗係佢自己坐入去喇
回覆刪除馬戲團咩??? 你唔好虐待 B仔wor...個盆咁鬼細
[版主回覆09/30/2008 12:00:00]Haha... 唔關我事架~~
me too. 我家大小姐支奶俾遲一陣, 喊到好似比人打咁呀...
回覆刪除[版主回覆09/30/2008 13:07:00]係囉~~ 沖奶都要時間架麻~~ haha...
張B仔好可愛呢!
回覆刪除haha...坐起桶入面咁搞笑既? 難得b仔又肯坐喎! 唔通bb仲係鐘意壓逼感?
回覆刪除[版主回覆10/03/2008 09:50:00]真係唔知點解~~ HAHA
回覆刪除我屋企都有呢架車,不過囝囝不喜歡坐,只喜歡推
[版主回覆10/03/2008 09:46:00]初初b仔都唔肯坐架, 一坐就跳車架啦~~ 只喜歡轉個車碌!
跟住B仔媽同舅父仔好白痴地, 自己坐上車仔(查實都驚坐爛), 抱住B仔係度走來走去, 等佢發現原來咁都好好玩, 跟住咪多D俾佢坐, 坐下坐下由只識向後行變成前後都識行!