12.9.2008
今朝晨咁早8點半起床, B仔都未願起床呀! 點解咁早?! 咪係9點半要去健康院檢查囉~~
去到健康院勁多細BB呀~~ 不過B仔都唔理唔望, 只管四圍行(當然要我地拖住佢黎行啦)
磅重9.08kg, 身高74.5cm(係陳醫生度度), 頭圍48.5cm
跟住見姑娘, 一坐底B仔就四圍手指指, 姑娘已話叻, 識指想指既嘢!
姑娘問:
一日食幾多餐奶同粥? 依家BB大個要食兩餐粥, 一份肉就兩份蔬菜, 要每日食水果, 由細開始培養良好飲食習慣
識得講乜嘢?
識唔識得俾嘢媽媽?
識唔識得用學習杯飲水?
識唔識得行? 單手拖定雙手拖住黎行? 扶住嘢自己識唔識行?
識唔識推車車(玩具車)? (好彩剛剛識得推遮~~)
姑娘俾粒餅仔, 睇下B仔識唔識得用手指拎, 試完右手試左手, 姑娘讚B仔手指運用好靈活呢~~
跟住就話體重係生長範圍, 發展正常, 問B仔媽有無嘢想問?! 都無乜好問囉~~ 於是約期歲半時再去檢查, 之後就去食嘢, 返屋企!
返到屋企煲粥仔, 粟米肉碎粥, 正呀! 又香又甜, 好好味呀! 呢度係成個湯碗咁濟, 差不多俾B仔食晒呀!
仲食餅餅
B仔媽煲緊粥期間, B仔爸唔聲唔聲, B仔媽一出黎就話B仔又多條傷痕, 話好明顯, 叫B仔媽自己睇........................
嘩.......... 搞咩呀?! 點睇仔架?! 條痕咁長?! 搞到咁樣衰呀?! 原來俾本書刮到, 唉.......... B仔爸, 你點睇住你個寶貝仔架?!
食飽粥粥就出發去陳醫生度打MMR同埋肺炎鏈球菌~~
打針前~~ 仲笑得咁開心?! 一陣打完手脾就打大脾, 到時你就笑唔出囉~~~~~
打針時, B仔都好叻叻, 打咗手脾先(MMR), 支針一篤入去都無乜反應, 射d藥入去就黎料啦~~ 喊到呀! 邊喊邊掙扎呀! 不過好快就收聲!
跟住打大脾(肺鏈), 嘩..... 又係邊喊邊掙扎, 呢支好似勁過MMR呀~~ 嘩...... B仔媽心同肉都痛埋呀!!! 支針抆咗出黎都仲喊咗陣, 但又係好快就收聲lu~~ 好叻叻呀!!!
陳醫生話無咁快會有副作用, 通常兩至三日(如果有的話), 有d可能會出疹, 但係好疏既, 幾日就會退晒! 有d可能針口紅腫! 副作用期為12日, 過咗呢12日就唔會有發燒!
唉~~ B仔媽好擔心呀!!! 聽日B仔爸仲要返工架~~ 得自已照顧B仔架~~
拎藥後就返屋企!
識得講乜嘢?
回覆刪除識唔識得俾嘢媽媽?
識唔識得用學習杯飲水?
識唔識得行? 單手拖定雙手拖住黎行? 扶住嘢自己識唔識行?
死啦, 熹熹好似咩都未識喎.....
[版主回覆09/13/2008 23:17:00]加油呀~~ 熹熹
你碗粥粥似乎稀咗d喎!
回覆刪除依家bb應該可以吃一patpat 既粥仔喇~
如果唔係.. 唔夠飽飽架~~~~
識得講乜嘢?
識唔識得俾嘢媽媽?
識唔識得用學習杯飲水?
識唔識得行? 單手拖定雙手拖住黎行? 扶住嘢自己識唔識行?
以上...靜靜1歲見姑娘時. 係咩都未識!
係見完姑娘後, 才識用學習杯 (仲要因為有duckduck) . and 肯企係度. 人地扶住就行2行, 仲有俾野人囉~
[版主回覆09/13/2008 23:18:00]haha... 係咩! 查實我都唔係好掌握得到點煲粥!
你碗粥粥似乎稀咗d喎!
回覆刪除依家bb應該可以吃一patpat 既粥仔喇~
如果唔係.. 唔夠飽飽架~~~~
識得講乜嘢?
識唔識得俾嘢媽媽?
識唔識得用學習杯飲水?
識唔識得行? 單手拖定雙手拖住黎行? 扶住嘢自己識唔識行?
以上...靜靜1歲見姑娘時. 係咩都未識!
係見完姑娘後, 才識用學習杯 (仲要因為有duckduck) . and 肯企係度. 人地扶住就行2行
係喎，又真係晝到好似一撇鬍鬚咁喎，不過好快無事，頭先都見唔到。
回覆刪除下星期輪到柏滔打針啦，我最擔心佢發燒呀，希望一齊平安渡過啦....
[版主回覆09/13/2008 23:19:00]希望啦~~
係喎..碗粥咁稀既..其實一歲可以食爛飯啦~!!!
回覆刪除中秋節快樂呀
[版主回覆09/14/2008 15:42:00]收到~~ 爛飯點煲?
查實你用咩煲來煲粥架?
回覆刪除我就愛用舊式既西施飯煲煲..
半煲水+半0麥米.. 都好快煲到爛飯仔架喇~
[版主回覆09/14/2008 15:43:00]哦~~~~
打針前仲笑得咁開心.....張B仔真的不知道就快要比人吉手手同大脾仔啦!!!
回覆刪除[版主回覆09/15/2008 23:29:00]Hehe... 未知大痛當前麻~~
B仔咁叻仔...打完針仲識得咁快收聲!!! 真係抵錫呀!
回覆刪除B仔大個仔左呀.KV話B仔唔知係咪大左.成個拉高左(睇落瘦左D wor)
叫你俾多D野佢食呀!!! (我心唸.B仔都食左唔少野ga la wor)
[版主回覆09/15/2008 23:29:00]查實B仔食好多架啦~~ 一日起碼3/4餐奶, 1/2餐粥, 仲要係大半湯碗粥喎!
我估係佢活動量大, 消耗得快, 同埋長高咗, 所以咪un之之囉~~ 佢細細個到家陣都仲係中碼B咋~~
反斗奇兵隊員B仔 -----你好叻喎食咁大碗粥..!
回覆刪除fion yee: 通常交抵比BA BI揪一陣都會有野發生...哈哈爸周時都同我講唔知點解輪到佢揪既時候成日都有考驗....同埋實比媽咪鬧照顧不週.....
[版主回覆09/15/2008 23:26:00]B仔: Fion ee, 如果唔食晒碗粥, 媽媽唔俾入會呀(反斗奇兵)
haha................... 所以話呢~~ 湊仔係女人天職呀!