回顧

二零零六年九月九日凌晨四點開始, 等到九月十日晨早B仔就出世!  想當年既呢一日, 真係仍然記憶尤新呀! 最記得B仔一出世, 第一眼望見B仔, 係一個全身粉紅色既BB黎架~~ (成日睇有線d BB都係紫色好恐佈)

時間過得好快, 啜一聲就張B仔已經一歲! 回顧呢12個月, B仔頭三個月樣子變化好大, 四個月大開始, 個樣都無乜點變, haha...

一歲啦~~ 識d乜?!

1. 仍然學緊行, 旁住就行到一段路, 無人旁住仍然未敢行!

2. 一個字 ~~ 曳

3. 唔止四圍爬, 仲四圍擒!

4. 勁鍾意拍嘢

5. 話開門識得望住個門口

6. 勁鍾意睇相, 邊睇邊篤

7. 問佢媽媽係邊, 爸爸係邊, 識得望返住我地或指住我地

8. 好似識得講"亞婆"

9. 鍾意車車, 終於唔止識玩車轆, 仲識將車仔拉後放手等部車自己郁, 不過唔係成日識咁玩, 多數邊爬邊推車仔

10. 識拎餅仔, 但成日都放唔到入口

11. 唔鍾意用手拎嘢食, 咬完一啖芝士就掉咗佢, 食完再拎返黎成

12. 勁鍾意掉嘢