管 "家" 婆

呢輪返工都幾忙下呀~~~~~~~~~

至正就係靚女上司放假個日同半日可以忙裡偷閒一下! 但今日返到黎, 上晝都好d, 但係下晝就.................. 嘩! d嘢接住黎呀!

自從肥仔同事走咗之後, 我要接咗佢"彈"stationery黎做, 嘩... 有個store room亂到呢~~~~~ 唔關肥仔同事事, 係其他同事將d唔用/已過期的catalog、書仔呀....... 總之唔用既都放晒去! 仲要係亂咁放, 入去路都行唔到咁濟, 有無搞錯......... 有d仲放到發晒"mode", 真係痴線架~~~ 好心唔要就掉咗佢啦, 放係度"out"虫咩~~~~~~~~~~~~~~~ 如果話得事, 神早同佢地掉鬼晒佢呀!!! 無眼屎乾淨盲呀!!!

話說前日收到張invoice要老細簽名埋單, 但要吸個印for老細簽名, 個印不嬲放係肥仔同事個位附近, 丫... 點知個日搵咗全日都搵唔到個印, 聽聞細細粒同事用過, 但又放假, 到細細粒同事返工, 一問之下, 完來依家放咗係個長氣同事度!

於是咪走去問長氣同事借黎吸印啦~~ 佢真係好鬼煩, 同越黎越黑我憎! 吸個印遮, 又話個印其實不嬲都係佢地既, 又話肥仔同事拎咗去就無俾返佢地, 又問返我轉頭, 做乜我地section唔整返個印, 我心諗: 整黎做乜呀?! 同一個office, 同一個department, 雖然唔同section遮, 整多個黎把鬼咩! 一個印都有排你吸啦! 同埋呢d嘢又分得咁清, 又唔見你地用d文具自己訂返, 做乜唔自負盈規, 又要我服待埋你地!  

呢件長氣同事仲要明明係佢section d嘢, 都夠膽C話唔係佢地! 有無搞錯!

家陣好似個管"家"婆咁, 又要成日check住有咩stationery要訂, 連廁紙抺手紙都要訂, 見到個store room咁"震撼", 得閒真係搵日要執執佢, 搵返d "廢物" 既負責人認領兼處置佢呀!!!

魚蛋蝦仁蛋絲炒麵

28.7.2008

放工本來去沙田join B仔爸去睇戲, 點知收工打俾B仔爸, 佢話有嘢整緊仲未走得, 唯有改期睇戲返屋企啦~~

去咗百佳買餸, 熱C辣辣都唔多想食嘢, 唔食又唔得, 於是又黎炒麵, 一人一杯許記龜岭爽!

呢個就係是日晚餐 ~~ 魚蛋蝦仁蛋絲炒麵 + 有機油菜心苗

都係上次個個洋葱肥牛炒麵正d~~

姐仔今日last day啦~~ 真開心呀(你)! 走得啱, 走得合時呀~~  祝你早日搵到份高薪厚職兼唔洗OT, 唔忙兼"你想"既工呀! 最好近我啦! 可以繼續陪我食lunch呀~~ haha.......

第一次與涼粉B接觸

27.7.2008

牛精仔一早七點要食奶, 跟住同B仔媽繼續瞓瞓瞓, 瞓到十一點至起身, 正呀~~~ (係婆婆度八點就起身唔瞓架啦~~)

點零鐘左右就返娘家! 約咗鼠鼠姨姨俾嘢佢呢~~ 多謝鼠鼠姨姨送咗個honey繩俾B仔呀~~

B仔媽手多多摸咗涼粉B一下, 涼粉果然俾面, 同B仔媽姨姨打招呼呀~~ 跟住又捉B仔摸下涼粉弟弟, 唔知佢地有無交流呢?! hehe.......

嘩........ 好熱呀!  返到婆婆度已經成身汗呀!

抱住仲要係度發忟爭! 好啦~~ 去白白豬啦~~ 怕咗你!

四點左右B仔爸打黎話佢個度勁大風大雨呀~~ 大濟啦! B仔媽出門口時見咁熱, 唔覺會落雨, 無關晒屋企d窗呀~~

喪喊的一天

26.7.2008

今朝返工, 12點放即閃人返屯門湊B仔, B仔爸有嘢搞所以得我自己湊B仔呢~~

返到去同公公婆婆仲有太婆飲茶!

食千層馬拉糕先~~

嘩..... B仔, 你件衫個窿咁大既?!?!?! B仔媽隻手都塞得落喎~~ 果然夠晒通爽!

飲完茶, B仔公公婆婆話帶B仔去剪髮, 話成日髮尾濕晒! 去到髮型屋, 可能記得, 坐底就即喊, 一剪就喪喊! 一邊喊, 一邊啤住剪髮個個人, 喊下又啤下! 又係喊到成間鋪都嘈晒! 剪完B仔媽抱抱, 但見到婆婆要去婆婆度呢~

等B仔情緒平服B仔媽就湊佢返屋企!

返到屋企無幾耐, 嫲嫲黎咗睇B仔! 嫲嫲都未開聲, 一入屋見到就喪喊...................... 一齊落街又喊.................. 但一出大廈門口見到隻貓就收晒聲!

送咗嫲嫲搭車, 我地就去街巿買西瓜, 仲買咗個啖罐俾B仔呢~~ 個啖罐23蚊仲有八折! hoho..................... XD

等埋B仔爸我地一齊去惠康! B仔一見B仔爸唔知點解無啦啦勁喊! 於是B仔媽抱佢坐購物車, 當堂開心晒~~ 仲成日望住天花板大嗌!

食埋飯就返屋企, B仔瞓咗一陣就繼續玩...........

123笑~~

24.7.2008

今日又係做到無停手~~~ 真係人都癲! 這單未做完, 另一單又黎! 沒完沒了咁呀!

B仔爸今日返工, 所以B仔媽放工返咗娘家睇我個寶貝B仔!

食飽飯, 同B仔玩下先~~

B仔笑得咁甜o既?! 咪就係B仔媽撩緊佢玩, 逗緊佢笑囉~~

B仔媽: B仔, 1,2,3, 笑~~~~~~~~~

當時B仔媽一數完3就對住個寶貝傻笑, B仔就跟住笑, 真係搞笑! 好得意呀~~ haha...

跟住同B仔爸"生滋", B仔媽又數123笑, B仔又係度笑, B仔爸仲話咁叻識得一數到3就笑, 其實可能係B仔見到佢媽媽我係度傻笑, 佢又跟住一齊傻吧~~ haha......

發現咗一件事, 話說張地墊卷埋咗棟咗係度, B仔唔覺意推跌咗, 成張地墊瞓咗係度, 俾B仔發現中間有個"濃", 然後係度玩"捐山濃"呀~~~

玩咗一大輪B仔媽就返歸啦~~ 臨出門口時B仔話之我走, 婆婆就抱B仔係鐵閘, B仔媽抱佢出門口, 佢以為去街街, 俾返婆婆抱時, B仔扭計! 當然唔係唔捨得B仔媽啦~~ 唔知幾時B仔會識得唔捨得B仔媽呢?!

B仔早兩日收到郵差叔叔拎黎既包裹, 係姨姨(B仔媽細妹)由澳洲寄黎餅餅同埋三隻DVD呀~~ 多謝姨姨o既第一份禮物呀! hehe..............

早兩晚同B仔爸一齊睇返B仔細細個時既相, 以前真係好可愛, 都幾懷念B仔圓碌碌, 未識爬, 未識反抗, 任人"魚肉" 既時候呀! 家陣都得意, 但係已唔同以前個種得意, 對比返個樣, 真係牛精咗好多呀~~~

三個月大o既B仔, 一d都唔牛精, 仲好BB樣, 但十個月大o既B仔, 一副頑皮相, 想佢乖乖好似以前咁坐定定影相, 都幾難呀! 怕且一早閃走咗去倒蛋啦~~

簡便晚餐

23.7.2008

今日又係返工做到放工, 無停手呀!

天氣實在太熱, 又唔想出街食, 放工去咗大百佳買餸! 當然又係無乜嘢好買啦!

是日晚餐非常簡便呀~~

洋葱肥牛炒麵

有機芥蘭苗

忙忙忙! 煩煩煩! 愁愁愁呀!

22.7.2008

呢輪返工好多嘢做, 同埋心情都麻麻~~ 好驚呀, 有個同事走, 我要接佢部份嘢黎做呀! 但係今日吹咗成日都未肯俾個file黎睇下, 唉................. 仲有兩日佢就走啦, 點算?! 雖然尋日已講咗另一part, 但係聽完都一舊雲, 大濟囉~~

今日section開會, 當然有人歡喜有人愁~~ 走既就最開心啦! 之但係一走走四位同事, 仲要係資深o既, 新人又未到, 唯有我地啃啦! 我接收個壇嘢, 都頗惡啃架~~ 唉........ 真羨慕唔洗接嘢o既同事呀! 可以繼續享受人生~~~

放工時, 鼠鼠話今日係大暑(唔怪得之咁熱啦!), 叫我煲冬瓜湯! 於是去街巿買餸滾冬瓜粒魚肉丸湯, 清清地!

腐乳通菜

南瓜蒸排骨 (南瓜好甜呀, 好好味!)

煮下飯, 暫時忘記工作上既煩惱! 之但係, 一打呢篇blog, 又愁愁地! 放咗工, 都係唔好諗咁多, 煮到埋黎就食啦! (B仔媽一貫作風, hehe.....)

BB們十個月大gathering @ 維港灣會所

20.7.2008

上次BB們見面係四個月大時, 依家BB們十個月大啦~~ 個個BB都大個仔大個女咗, 高咗, 好多BB都好有份量呀, 好得意呀~~~~~~~~

係門口遇到曉妤, 曉妤對B仔..................... 隻銀鐲仔好有興趣呢~~

係咁捉住B仔隻手...................................................... 鐲仔呢~~ Haha........

去到第一時間同洛洛打個招呼先啦~~~ Cathy姨姨話要同B仔影相相呀!!!

兩位哥哥仔, 請問有咩睇呢?!?!?! 仲要睇得咁入神, haha........

洛洛, 係咪B仔嚇襯你呀?!?!?! 定係B仔"meet"你大脾呀?!?!?! 你表情咁痛苦既?!?!?! (B仔個樣有d無奈, hehe......)

B仔爸抱住哈哈影相呀~~ 哈哈, 你實在太...... 得意啦, 肥嘟嘟, B仔好似你咁有份量就好啦~~~ B仔爸都忍唔住要同你黎個合照呀! 不過你好似唔多耐煩喎~~~ (B仔媽本來想抱住你黎個合照, 但見你唔耐煩, 都係去同BB們玩玩具啦~~)

BB們係地墊度玩玩具! 發覺B仔識得搶人玩具呀! =.=""""" 真係失禮晒呀!!!

玩到咁上下唔知係咪悶, 坐唔定玩玩具啦, 係咁走佬呀!!! (爬離開地墊範圍) B仔爸係咁捉仔呀!!! 俾B仔爸捉多幾捉, 開始發爛咋添呀.........................

B仔媽唯有抱住B仔等佢冷靜一下, 睇下電視先! 班尼係度唱歌拍掌, B仔又跟住拍手掌呢~~~

之但係, 睇無兩秒又黎發癲唔耐煩............ 於是B仔媽同B仔爸抱B仔出去行下, 又黎冷靜一下, 順便參觀下個會所!

我地去咗睇人打壁球, B仔見到個波飛來飛去, 笑到卡卡聲呀! 好搞笑呀!

之後上咗去遊戲室度玩! B仔又自己爬上樓梯 (當然有B仔爸做背後的男人啦~~)

膽生毛呀~~ 要學人"sir"滑梯呀!!! 捉住唔俾佢"sir"就發爛咋呀!!!

之後玩搖搖玩具, 但坐無兩秒就自己擒返落黎走人!

跟住又走去玩其他嘢~~ B仔爸坐下抖下先~~

輪都輪到B仔同B仔媽合照先啦~~

係遊戲室都玩咗好耐, 係時候落返去join返BB們啦~~

BB們俾咩吸引住, 睇到眼都唔"斬" ?!?!?! 咪就係睇電視囉!!! hehe...

B仔同哈哈哥哥睇到好似中咗毒咁喎~~

B仔睇睇下電視又黎作反!!! 有無見到B仔用佢既小手指 "撩" 緊個字母 "L" 出黎呀!

"撩" 咗出黎就掉咗佢, B仔媽就同佢"吸"返好, B仔就再"撩"再掉, B仔媽同B仔不斷重覆呢個動作........... =.=""" (係屋企, B仔都係鍾意又"撩"又掉d字母墊架)

快樂既時間過得特別快, 影完大合照就係時候say goodbye! 唔知BB們幾時再見面呢?!

謝謝Fion姨姨arrange今次gathering, 真係好成功呀! 仲有Karen姨姨帶咗地墊黎俾BB們墊住黎玩呀!!!

跟住我地返婆婆屋企, 天氣好熱呀, 要沖返個靚涼先~~ 多謝Fion姨姨送咗頂沖涼帽俾B仔呀! 之但係................ 都係反抗呀!!! 無哈哈咁乖呀!!! B仔媽要眼明手快至影到呢張靚靚露點相咋~~

笠咗上頭唔夠三秒, 就一嘢俾B仔扯甩咗啦~~~

白白豬完就玩玩具!

B仔: Pizza, 你唔好阻住我睇電視啦~~

B仔: 好啦, 我地一齊玩玩具啦~~

後記:

經過尋日同今日既活動, 發覺B仔係一個好自我既人, 一不稱心, 就發脾氣, "dum"晒地, 好爛個隻, 直至達到目的/合佢心意至肯收聲!

唉.......... 點算?! 咁細過就咁, 再大d咁點算?! 開始俾公公婆婆寵壞啦~~ B仔媽應該點樣令到B仔唔好咁易發脾氣?! 唔好咁野蠻?! 各位媽媽們有無suggestion???

 

My Gym識堂~~

19.7.2008

尋日放工去街巿買定南瓜同瘦肉, 今朝一早煲咗南瓜肉碎粥俾B仔做早餐! (當然晨咁早六點已食咗餐奶)

食完晨咁早第一支奶, 瞓到八點就起身, B仔媽當然唔願起身啦, 但係......... B仔晨咁早整咗一大篤俾我嘆, 真係精神為之一振, 臭到醒晒, 要進行清潔B仔工程! 搞掂就食住粥仔等B仔爸放工返黎!

南瓜肉碎粥, 都幾正架~~

下晝三點去到紅磡都會個間My Gym玩, 約埋Tanya同曉妤第一次試堂, 大拿拿一百蚊架~~~~~~

一開始圍圈唱歌仔做動作, 但B仔超勁唔合作, 想爬黎爬去, 但人人係度唱歌做動作, 無理由由得B仔係度爬架麻, B仔媽咪捉住佢做運動囉, 點知就係咁反抗, 喊到唔肯收聲......... B仔媽同B仔爸真係無佢乎, 唯有抱B仔係一邊由佢自由發揮!

到人地唱完歌仔, 就開始自由活動......

我地抱咗B仔去波波池玩, 超勁開心呀!!! 跟住Tanya都一齊黎玩!

玩下單桿.......

B仔真係一隻牛黎架~~ 好大力! B仔媽都係輕輕托佢PAT PAT之麻, 佢都能夠自己捉住支棍喎~~

玩千秋, fing下fing下又係笑到卡卡聲, 勁開心...

捐山"濃", 左轉右轉都影响唔到B仔呢~~

趁墟呀~~~~~~ 唔好執輸..... hehe......

成堆BB堆埋一齊玩玩具, so happy呢~~~ 曉妤做乜無厘神氣咁呀?!

放B仔入個"濃"度, 佢都無有怕, 仲要膽生毛呀~~ 雖然 "i" 住遮, 竟然夠膽唔扶嘢企响樹喎!

從來無教過B仔爬樓梯, 唔知係咪本能, 佢竟然可以由地下爬到上頂, 勁呀! 未識行都咁有膽色, 識行時就真係大濟囉~~

當然唔止咁少嘢玩啦~~ 因為錄video多過影相呢~~

一小時好快就過去! 跟住去咗旺角食嘢就返屋企!

明天同B仔班朋友仔gathering~~ 好期待呀!!! 上次見已是佢地四個月大時, 今回個個都識爬識玩, 唔知佢地會唔會好開心呢! hehe........