18 Aug 2007
星期六, 又係無節目嘅日子! (大肚林dump去得邊~~)
又係張先生做大廚嘅日子, 佢好似越黎越鍾意煮飯仔咁呀! haha......
是晚靚湯靚餸有......
淮山慈實節瓜煲豬展湯、薯仔炆雞翼 (薯仔同雞翼都好好味今晚張老太同張老伯返咗黎~~ 問佢飲唔飲節瓜湯, 佢掉返轉問我瓜涼架喎?! 乜你飲得咩?! 
) 同埋薑汁炒芥蘭!
我只好回應一句, 節瓜唔係正氣嘅咩?! (因為媽咪同我講節瓜係正氣) 佢就話憑瓜都涼架啦~~ (又係佢講嘅永遠是對的咁!) 之但係是晚佢買咗個西瓜返黎俾我地食! 張先生成日話我坐月時張老太會識煲嘢我食, 但睇怕佢...... 真有點擔心! 好彩我都叫咗媽咪過黎幫我手!!!
..........
張老太返黎若得我係屋企, 佢通常都無乜嘢講, 跟住就返房, 但我發覺, 當張先生係度, 佢就會哦張先生, 好似今晚咁, 上個禮拜張老太買咗十幾個橙返黎, 返到黎見仲有成五六個係度, 就哦張先生做乜唔食?! 幾蚊一個架, 晒晒d嘢! ......... 張先生呢個時候, 就會借咗聾耳陳對耳大佬呀~~ 次次都買成籮生果返黎咁濟, 邊食得晒! 買成廿個奇異果返黎都試過, 一個禮拜邊食得晒?! 最終又咪爛咗! 
haha......
其實張老太對我地好好, 但始終唔係自己媽咪, 硬係覺得生活上夾唔黎! 佢一哦張先生我就覺得好煩, 因為我媽咪唔會咁哦我麻~~ 而我又未夠高深借到聾耳陳對耳, haha...... 又一次令我好想快d擁有自己的家! 希望小寶寶學爬之前擁有自己的家啦~~ 
我奶奶又係勁鍾意買生果, 跟本無可能食得晒, 而且通常d生果都唔靚(因為貪平! ) 相見好同住難真係非常正確, 好彩我地唔係一齊住, 如果唔係 ...... 希望你快d有自己嘅安樂窩啦!
回覆刪除咁大個肚, 乜都食得啦, 張老太真係搞笑~ 希望你地快D得償所願啦, 最好住得我近D, 得閒可以一齊去High Tea
回覆刪除同奶奶一齊住係咁ga喇.....一個字"忍"好多時就冇野ga喇...反而我奶奶盲冇咩野..係我老爺就麻煩d姐..不過我有時忍唔到..都會訂撞下佢地..但係轉過頭大家又冇事!不過小朋友出左世之後大家就會有好多唔同既湊仔意見ga喇...如果能夠既...當然自己有個安樂窩係最開心!
回覆刪除唔係臨生要食D 涼野嗎? 你奶奶都幾攪笑, 呢頭叫你唔好食瓜, 果頭又買西瓜俾你, 難道你只能遠觀而不能嚥下?
回覆刪除睇緊屋未呀?
回覆刪除你都差唔多生啦，照理涼野全部可以食啦！ 你奶奶邊「鼠」鄉下...? 點解d老人家都咁鐘意買好多生果 跟住又叫d仔呀女呀拎返屋企！我老爺奶奶又係一樣！ 張先生扮聾耳陳..！醒呀~ 我諗唔出聲就真係最穩陣！ (P.S.仲有3日就開始放產假啦！心情如何？)
回覆刪除我99都係一個煩人，我o地都成日借聾耳陳對耳，不過借得多，都係好煩， 真係冇可能住得埋一齊。
回覆刪除我都覺得同奶奶唔夾~婆媳關係都係如此~
回覆刪除我都贊成兩公婆應該有自己的屋企, 就算奶奶係好好, 好好, 生活習慣唔同都有可能形成衝突嫁!! 與其發生衝突之後先搬開住, 不如早一步搬出去嘛!!! 希望你快啲有自己的家啦!!
回覆刪除我99都係超煩人, 其實佢對我都好好, 可能佢生三個都係仔, 無個女同佢傾計, 所以佢好鍾意搵我同佢傾計, 而我叔仔老婆同佢唔岩, 所以只會搵我地兩公婆傾囉! 仲有, 佢永遠覺得自己d仔係低能既, 咩都唔識既, 成日有d野想插手入來幫手做, 唔理結婚好生仔好, 佢咩都想理, 但佢就唔知佢個套已經過時, 再唔係佢自己都唔識就去問其他人, 跟住咪自己驚餐死囉! 再唔係咪煩死你囉!
回覆刪除我完全明白你的感受. 始終都不是一起成長. 奶奶就是奶奶一定無自己媽媽好. 忍耐下啦! 好快你就會有自己的5星級的家.
回覆刪除我之前都係同奶奶住,同你o既想法一樣........始終都係自己mama好, 唔係話奶奶唔好,始終同自己mama相處了幾廿年了解哂啲脾性, 後來住咗一年,頂唔住搬走咗啦!!
回覆刪除真係十個有九個都同奶奶唔多夾! 我都算好架啦~~ 唔駛day day見到兩老! 只不過一個禮拜見佢地一晚!
回覆刪除張師奶，同奶奶住係咁麻煩，真係只有一個忍，冇其他方法，你同張先生一齊努力，比個提意你，住村屋都幾好，我而家都係住緊。其實你都就快生，你而家係乜都可以食，你有冇自己煲乜乜蓮鬚飲，可以解胎毒，對BB皮膚好好多，一定要煲呀，你去藥房同啲人講解胎毒嗰啲佢哋都知。
回覆刪除你就0黎生得. 都可以食涼野架喇 例如西瓜. 食多d. bb胎毒都少d!,第時個樣都滑d架 仲有..節瓜真係正氣架!唔係咩瓜都涼既
回覆刪除女巫媽媽, 我煲過一次白蓮鬚加蛋, 唔知係咪落得多得濟, 同埋糖落得唔多, 好難飲! haha..... 鼠鼠, 我無理佢呀! 依家自己想食乜就食乜, 生咗無得食麻~~ hehe...
回覆刪除我都好怕人地管住我的, 相處好同住難呀
回覆刪除我又係之前同奶奶住過幾個月, 佢對我都唔係唔好，但係同自己媽媽真係無得比…後來都搬左出去住了！！不過，要出黎住都幾麻煩，開支真係非常大！！ 而且…小寶寶快要出世，就更加要好好計劃下！因為有時奶奶對照顧bb既所有野都會好有意見，同埋會加好多以前既方式，又會成日話佢以前都係咁照顧佢個仔咁！！所以…為免有更多既唔開心，都係要計劃一下！！
回覆刪除我媽咪都話食節瓜沒有問題,都係話節瓜正氣,由我有了寶妹開始都係咁食節瓜.我都吾覺有什麼問題or涼喎!係呢,你開始左飲白蓮鬚未呀!我都吾知幾時才可以飲.我媽咪話我下個月先可以飲,都吾知係吾係的.我真係好想幫寶妹清吓d胎毒呀!
回覆刪除節瓜係寒嫁!!因我本身寒底,試過飲三日滾節瓜湯時,有日突然反胃,媽媽說因太寒啦!!所以她叫我下次要落薑,如果落薑就ok啦!! 雖然我奶奶對我ok!!不過都係小見為妙!! !!老公話這是千古不變的定律,始終生活習慣唔同,老人家較難習慣!!人老左,有時佢自已好煩佢都唔知!!新新抱係咁嫁啦!!最緊要張先生錫你呀!!
回覆刪除幸福張師奶 :聽你說張老太和張老伯回來,其實有D唔明,他們不是和你們住,?甘他們住邊度呀?
回覆刪除張先生同你有冇唸住住宿舍... 定會自己買樓呀! (因為... 我同何生都唸過le個問題呀) 但係有宿舍... 咁平.又冇理由唔住ga ma!
回覆刪除笨豬笨豬跳, 我飲過一次白蓮鬚煲雞蛋咋~~ 懶呀! haha...... 個中醫話生之前兩三個禮拜開始飲就得! 珊珊, 張老太同張老伯有第二間屋住緊架~~ 佢weekday就住返佢度, weekend就返黎瞓一晚, 睇下我地有無拆咗佢間屋掛, haha...... Lala, 我等緊呀! 所以..................... 都唔知點解咁難拎架!!!
回覆刪除努力d, 好快可以過真正的3人世界啦!!
回覆刪除但照你咁講, 就算你搬左, 張老太同張老伯都應該會0係weekend過黎瞓, 睇下個孫嗎!!! 咁搬左同冇搬都冇分別wor...
回覆刪除即係你地同老爺奶奶一齊住?
回覆刪除玻璃鞋, 唔同! 起碼有間自己o既屋, 裡面鍾意放咩自己話事, dump咩都唔駛得到兩老同意麻~~ 依家其本上成間屋我同張先生住, 但其實得間房係屬於自己囉~~ 其他嘢想換想dump未得張老太同意, 都咪駛指意dump得呀!!! BeRyL....kArRiE.....KuEn......, 我住緊個度係奶奶o既, 佢逢sat就返黎瞓一晚, 睇下佢間屋掛?!
回覆刪除我都好明白你嘅感受，雖然我唔係同我老爺奶奶一齊住，但我奶奶間唔中都會來瞓，因為佢有間房喺度，同埋佢成日攞d嘢嚟，之前又唔講，等人買晒餸，唉!我都食唔切o架! 我唔係日日都可以煮飯o架嘛! 我就好d，現在都睇化咗好多，同埋老爺同奶奶嘅嘢，我會交番俾佢個仔同佢哋deal，如果唔係吓吓揾我仲得了。
回覆刪除