唔通小寶寶就出世?!

2 Aug 2007

呢排夜晚肚成日痛, 但我覺得唔係作動嘅痛, 似搞肚痛個d痛, 但係又唔係想去toilet, 加上下面又間唔使赤赤痛, 係廣華產檢時問醫生, 答咗等於無答, 於是打電問下大姨媽想當年做孕婦時有無咁嘅情況!

大姨媽話係會有咁嘅情況出現, 仲提醒我呢一兩個禮拜要留意住! 仲同我輸賭一餐飯, 賭小寶寶會係八月之星!

......

除咗以上徵狀, 呢排瞓覺真係攞命呀! 條腰骨同埋盤骨好似唔係自己咁呀! 痛到丫~~ 要按摩一陣至舒緩返! 今日盤骨更加痛, 坐係度一起身, 嘩... 成個盤骨痛到丫~~ 要行下至舒緩返~~

同埋一瞓覺就覺得自己似個大冬瓜, 企係度都唔覺個肚重呀! 一大字形瞓係度, 又或者側身瞓, 真係擇住唔識郁呀! 加上腰骨痛, 好不容易至轉到身呀~~ 十足十一個大冬瓜咁呀!

以上嘅種種徵兆, 搞到我同張先生都諗, 小寶寶好快就出世啦~~ 所以咋咋臨夜晚幫小寶寶洗衫仔!