吉之島購物日

19 Aug 2007

今日又係無所事事, 懇咗好耐去大埔吉之島(因為自己唔識點去), 終於張先生肯陪我去啦~~

去吉之島之前, 先去食個好好味嘅東江鹽焗雞飯先~~ 好耐無食過啦! 好懷念

 ~~ 真係好好....好味! 再加支忌廉! 都係個句, 想食乜好趁住生之前好食囉!

唔知係咁啱還是個斬雞師傳見我大肚呢?! 竟然俾咗成隻雞脾我喎~~

 就咁叫碟雞飯29蚊, 若叫雞脾飯要35蚊架~~ 大大碟雞飯竟然食到乾乾淨淨! 好滿足呢~~

食飽飽就逛吉之島, 買咗兩套睡衣打算坐月時着, 仲有買咗個麵包盒, 用黎裝小寶寶嘅乾淨奶樽! 跟住去超巿買咗d嘢食就返歸! 返到屋企至醒起唔記得行埋十蚊店! (以前行屯門吉之島, 最鍾意就係行十蚊店) .......