2007年8月7日 星期二

BB展

6 Aug 2007

張先生終於得閒陪我去last一日嘅BB展啦~~ (其實係我一早book定佢, 叫佢今日唔好有事辦!!!)

今日特登拎咗半日假, 同張先生逛BB展! 早幾日係報紙剪咗張免費入場卷, 所以買一張飛就入場!

仲諗住d人潮應該星期六日過晒, 但今日人唔算少呢~~ 但又唔叫做勁多!

入到會場, 睇嘢之餘仲要係咁填入會資料, 真係多會入到呢~~~~~ 遲下小寶寶出世識得背屋企地址出黎! haha......

行咗三個幾鐘, 結果只買咗NUK奶樽, 真係好第呀! 110蚊三個大肥樽或者兩個大一個細肥樽, 出面要55蚊一個呀!!! 跟住順便買埋個奶嘴俾小寶寶!

而其他嘢全部都係贈品.......

孕婦真係勁! 平時行3個字都喊晒口嗌攰, 今日行咗3個幾鐘都無停過無嗌攰, 犀利呀~~ (呢個犀利係張先生俾嘅) 

但一離開會場, 即刻無晒動力! 打回原形! 變咗軟腳孕婦, 即刻行唔郁! 咋咋臨搭車返屋企!


張貼者： 於

27 則留言:

  1. iris2007年8月7日凌晨4:00

    我都有去呀 --- 星期六一早去一次、星期一完場前去一次呀 !!! 去左兩次先買得晒D野!!

    回覆刪除
  2. chan2007年8月7日凌晨4:08

    好多贈品呀，因我和先生是用贈劵入場，沒有拿書仔，亦沒有入什麼會，因一早產檢時在健康院門口已入了不同的bb會，所以我沒有取任何贈品。 今日我去做產檢，幫你問了醫生為何下面會赤赤痛？她說這是正常的，可能是陰道收縮，情況就好似子宫收縮一樣，沒什麼大礙，你也可以放心。

    回覆刪除
  3. penny chan2007年8月7日凌晨4:55

    咦! 勁喎, 你有去喎, 我真係怕左d人呀, 勁辛苦呀!

    回覆刪除
  4. MrS. LeUnG to be2007年8月7日下午6:25

    你真係好犀利喎 ..... 雖然我冇去過 bb 展，但係好似聽講話有好多 sample 攞嫁喎 !! 係咪真嫁 ~~  你呢個媽媽真係唔話得啦 ..... 辛苦哂

    回覆刪除
  5. 妹梅2007年8月7日晚上9:06

    shopping喎 戰鬥力梗係高啦

    回覆刪除
  6. Szeman2007年8月7日晚上9:33

    Mrs Cheng, 你去咁多次呀~~ 勁呀! 你都好豐收喎~~ CEO媽媽, thank you! penkwok, 去湊熱鬧! 不過我諗第時未必會再去! 一家人, 謝謝你呀~~ 番薯菇, 見一年一度, 咪睇下有咩買囉~~ 妹梅, 我都估唔到戰鬥力咁強! haha...

    回覆刪除
  7. Cher2007年8月7日晚上9:48

    幾日唔見你, 以為你真係走左去生呢~~~哈哈!! 我都有去bb展呀!!

    回覆刪除
  8. Pauline2007年8月7日晚上11:03

    大肚林dum都行到3個鐘，真係勁~不過下次唔好啦！ 行咁耐始終對身體唔係咁好嘅~

    回覆刪除
  9. Szeman2007年8月7日晚上11:17

    陳太, ...... 我都想小寶寶早d出世呀! 小女人, 無下次啦~ 孕婦行一陣都行唔郁! 除非又有乜乜bb購物大特價啦~~

    回覆刪除
  10. sam2007年8月8日凌晨12:48

    我本來都想去架...可惜..當我想舍 陣, 發現已經完左 !

    回覆刪除
  11. judith2007年8月8日凌晨1:01

    哈哈~~ 好認同呀. 我都係呀, 行o左成日咁濟都唔覺倦, 一離開就好似漏晒氣咁無力走啦!!! 哈哈~~~ 我都係星期六同星期一臨close前再去, overall, 已經買o左80% 小pig o野.

    回覆刪除
  12. yanixa2007年8月8日凌晨2:25

    haha ~ 我去書展最主意掃贈品~~~XD  e+ 少好多lu ~ 

    回覆刪除
  13. Katharine2007年8月8日凌晨2:54

    看到這日誌後我給你一個字.... 勁 你真係一個超級媽媽... 我懷孕時都無能力行咁耐. 一多人悶熱我就想嘔. 奶樽買多o的都無問題. 因為用一段時間都要換.

    回覆刪除
  14. SkyBlue2007年8月8日凌晨3:25

    嘩...你咁多贈品既...我都冇囉.

    回覆刪除
  15. 菜肉包2007年8月8日凌晨3:32

    Hello,你好 !呢個係我個blog,大家可以去睇睇嫁 http://hk.myblog.yahoo.com/mimi-7070/article?mid=84&prev=-1&next=82

    回覆刪除
  16. 张智玲2007年8月8日清晨6:28

    依加bb真幸福,真想變回bb時代~

    回覆刪除
  17. Anonymous2007年8月8日清晨6:58

    哈哈, 原來所有女人都一樣, shopping時永冇問題, 一行完, 就好似要死咁濟 咁你買晒野未呀???

    回覆刪除
  18. Carrie2007年8月8日上午9:43

    仔仔細個嘅時候, 我都好鍾意行架, 通常會行兩次﹔一次就一家大細, 一次就兩公婆, 方便掃貨呀。

    回覆刪除
  19. 天使媽媽2007年8月8日上午10:21

    我都係星期一去，但見吾到你呀！ 話時話，您好似冇出個樣，咁我見到你都吾知呀... 你收獲都好多，開心開心！ 我見好多孕媽媽都買好多野，原來你係其中一個，哈哈哈！  

    回覆刪除
  20. 27謝之家2007年8月8日晚上9:19

    Hi Hi..我都有去呀...但你可以攞到咁多贈品既....勁喎......你小寶寶就嚟見大家啦..........

    回覆刪除
  21. Pauline2007年8月8日晚上10:16

    我相信當日個展覽真係太精彩太吸引，你先會行到咁長時間嘅！以前佗住個女嗰陣，到放咗產假，都鐘意周圍行街買野！不過行半個鐘就要揾地方抖一抖。

    回覆刪除
  22. Szeman2007年8月8日晚上11:55

    食咩飯, 唔緊要啦~~ 或者等西田, 吉之島, 永安個d做大減價至去掃貨! Piglet & 玻璃鞋, 我都買得八八九九啦~~ 想買多一套床上用品俾小寶寶(買咗一套咋), 但未睇啱! yani, 依家d贈品少啦~~ 聽阿珊講早幾年佢去bb展, 仲多贈品呀! 栢賢媽媽, 我都覺得好勁! 可以行咁耐, haha...... 我依家買咗4個大肥樽同2個細肥樽咋~~ 因為諗住餵媽媽奶, 所以買住咁多先囉~~ 小叮媽, 我係咁填個d入會form, 填到手軟呀! 有d就玩遊戲拎嘅~~ 阿玲, 你都好幸福, 老公咁鍚你~~ 馬尾媽媽, 我都係鍾意行大減價嘅百貨公司! haha... 天使媽媽, 我個日2點行到5點幾呀! 你係咪呢段時間行呀?! 我都無見到Tobia小天使添~~ 小豬, 小寶寶好快就會黎見大家! 唔知佢似唔似我呢?! haha... 小女人, 係就係好多嘢睇, 但唔係樣樣都啱睇! 填form同排隊都"牙"咗d時間呀!

    回覆刪除
  23. Rosaria2007年8月9日凌晨12:57

    見到個個媽咪行bb展行得o禁開心，我都想去埋一分啊!

    回覆刪除
  24. Cannes2007年8月9日凌晨1:13

    真係好多贈品wor 我怕多人冇去呀......仲有一個月...緊張嗎??

    回覆刪除
  25. garfieldpookyhk2007年8月9日凌晨1:15

    哎呀 ...一時手快用錯login tim, 我係路人甲呀, 即係之前你留過言0既呢..唔知你仲記唔記得呢

    回覆刪除
  26. Szeman2007年8月9日凌晨1:58

    Winnie, 同老公努力! 跟住出年去bb展囉~~ Bebilam, 都唔係好緊張嘅~~ haha... 好期待! 路人甲, 記得你呀! (尤其是你張相呀!) 好耐唔見你喎~~

    回覆刪除
  27. 一一媽2007年8月9日凌晨2:47

    你而加要行多D喇 ~~~我哥時行得吾算多,所以生左我 15 個鍾頭呢....

    回覆刪除

訂閱： 張貼留言 (Atom)