10 Aug 2007
今日返返下工, 臨近食完lunch時, 同事突然話3點半前會掛8號風球, 簡直就令人震驚, 亦好疑惑堅唔堅架?! 無啦啦又打風, 仲要掛得咁急?!點知不久之後, 連天文台都發佈咗3點半前好大機會掛8號, 大家聽到呢個消息都有點緊張, 幾時掛呢?! 幾時走得呢?! 
我地仲係度估, 香港金融巿場咁緊要, 實收巿至黎掛架啦~~ 大家都抱住唔會咁快掛o既心態呢! 
到自己section同事返到黎叫我走, 我至敢走呢~~ 跟住咋咋臨就閃人! haha...... 
有幾個同事都走黎叫我走先, 唔好等掛咗至走, 到時多人危險, 之旦係, 叫我走o既同事都唔係自己section話得事o既同事, 邊敢走丫~~ 
嘩......... 
由於未掛8號o既關係, 我搭車時都好唔算人多, 3點零鐘就返到屋企, 仲同張先生一齊去街巿買餸!是晚打風靚餸有:
去到街巿, 超多人呀! 買完餸, 跟住諗住去超巿買d嘢, 嘩嘩嘩......... 唔通打到黎?! d人驚無啖好食?! 超勁多人到丫! 排隊俾錢條龍真係見到都嚇親! 我同張先生閃都閃唔切呀!
薑葱蒸甘友(唔知係咪咁寫), 油菜心苗, 再加個青紅蘿蔔豬骨湯!
張先生越黎越有潛質做煮飯公啦~~ 佢家陣最拿手就係滾湯或煲湯! (因為我成日讚佢煲得好飲呢) 爭住黎做呀! 我當然由佢黎啦~~ haha...... 
跟手順便煮埋飯啦~~
好多謝關心孕婦o既好朋友: 大姨媽, 劉師奶同埋亞珊, 佢地見打風, 特登打個電叫我打風咋咋臨回歸, 慢慢行, 小心d! 真係謝謝你地o既關心呢~~ 
今次個柏布返轉頭又比佢吹到正喎！不過...香港市民就手忙腳亂咗d！個個迫車迫船咁趕返屋企，喺地鐵站巴士站排晒長龍，最慘係同平日放工差不多時間返到屋企！！呢半日假真係來得辛苦啊....
回覆刪除你就好la,同老公咁sweet玩煮飯仔,我老公彩我都傻 ,我依加大住個肚,佢都係十年先洗一次碗咋 ,莫講話煮反
回覆刪除好彩你可以早少少走咋. 如果唔係, 真係會勁迫人呀
回覆刪除小女人, 返到屋企睇新聞, 真係恐佈呀~~ cindykam, 咁你煮你洗呀?! 還是成日出街食呀?! 貓貓, 係呀! 真係迫扁我都似!
回覆刪除你就好啦! 有得早走, 我! 無一個人叫我早走呀! 我老細都無打電話比我關心下我叫我早d走, 我咪掛左先走囉! 我差d好似新聞o個孕婦喊住咁離開人群呀, 好在我行怏幾步, 比我落到月台排得前d, 不過平時25分鐘可以回到媽咪家, 而家要1.5小時囉! 以我個張生既技術, 我依然係支持出街食穩陣d!
回覆刪除penkwok, 你用咗咁耐時間至返到屋企呀...........
回覆刪除好彩你d同事好咋，如果唔係你返屋企都幾麻煩。唉! 可能係太耐無打風的關係，個個都好緊張，講真八號風球又點會掛多過一日呢? 四周圍的街市同超市都好似淪陷o禁，佢哋真係要多謝個風幫佢哋清晒d貨尾喇。
回覆刪除係囉~~ 實在太誇張啦! 萬一他朝一日打仗(雖然唔會發生), 你話d人會點?! 我諗我一係俾人炸c, 未炸c都餓c咗! 因為唔夠人搶糧食!
回覆刪除我好少出街食飯,多數係屋企煮飯,尤其依家有左BB,仲更加啦.......所以係自己煮,自己洗\........好鬼辛苦架
回覆刪除haha~ 個我我2:15pm以走得lu~ 3:05pm la..就返到屋企! 走個陣都冇咩人~ 正
回覆刪除cindykam, 咁你咪好辛苦?! 我之前成日咋c麻~~ 又話腳痛, 又話放工返黎好郁, 又呢樣個樣咁麻~~ hehe...
回覆刪除好彩你可以早走咋, 如果唔係要一個大肚婆要迫車迫地鐵, 真係太危險啦....
回覆刪除