亞寶與亞畢

11 Aug 2007

今朝早返咗屯門同兩個朋友飲茶, 之後去咗剪髮, 越剪越短添~~ 無計啦! 為咗方便坐月時易打理! 剪埋今次唔剪住, 希望趁住產假期間留返長d頭髮啦!

剪完髮, 約咗幾個朋友上咗靚靚鍾太屋企家訪! 第一次見佢嘅兩個寶貝 -- 亞寶與亞畢! 佢地嘅事蹟聽就聽得多, 尤其是亞寶嘅事蹟, 真係多不勝數呀! haha...

第一次見面, 先介紹下先~~ 左邊個個係亞寶, 右邊個個係亞畢!

一入屋, 見到佢地兩個都咁大隻, 真係有少少歉呀! 尤其是亞畢, 沒想到佢真係咁大隻! 但大隻得黎佢又好乖! 好得人鍾意! d毛髮黑忟忟, 又柔順, 好靚女呢~~

而亞寶就八公一名, 人地去邊樹睇嘢, 佢就跟住去睇, 真搞笑! 佢亦好自我, 踩到人一d感覺都無, 直行直過話之你, 一見佢路過就要縮定腳, haha......

 睇見你食嘢, 個對眼神加表情真係超可愛, 好似好可憐咁, 求你俾d佢食! 好搞笑!

初初少人時都擔心亞寶會樸我, 因為見佢成日走黎我樹, 但黎一招: 指住佢講No

(低沉聲音個隻), 佢就寧咩塊面, 用眼神黎啤一啤你, 好無奈咁, 佢個樣都幾搞笑! 可能佢心諗: 平時只會媽媽至咁惡話我, 點解今日連個客人都會咁惡架~~

大夥兒食埋晚飯就回歸!!!