呢排成日發夢............... 其實自有咗以黎, 好多時瞓覺都係咁發, 但呢排d夢, 都係同生仔有關!
夢境一: 發夢時自己抱住個圓碌碌, 肥嘟嘟嘅BB, 但係就睇唔到個樣, 跟住急醒咗!
夢境二: 發夢擔心生唔出, 好緊張, 唔知點算, 擔心到差d想喊, 跟住又係急醒咗!
夢境三: 發夢穿水, 好似賴尿咁, 跟住個同事叫我坐係凳度, 佢幫我call白車, 跟住又係急醒咗!
尋晚發咗癲, 一晚去咗4次toilet, 仲抽咗兩次筋, 右腳抽完到左腳抽, 好彩張先生响樹, 即刻向佢求救咋~~
好似所有既孕婦都會咁架~
回覆刪除呵!!可能因為你好緊張bb嘅出世呀!! 我而家都開始發呢d類似嘅夢 ----- 雖然我的bb將會十月尾出世 ------ 與你的bb相差一個月呀!!!! --- 現在已經好緊張啦
回覆刪除我都成日發嫁
回覆刪除或許我們都很期待bb的來臨。
回覆刪除抽筋抽得咁密呀, 你有無食鈣片呀! 你缺鈣呀可能!
回覆刪除發夢既都係你最經常擔心哥d,係嘛?! 吾怕架~~只要你生哥日諗住: 痛都只係最多一日,之後既野就咩都吾好諗~~因為有小寶寶既出現嘛~~ 你叫張先生按摩多d你對腳啦~~
回覆刪除可能期待得濟, 日有所思, 夜有所夢呀~~ penkwok, 我好少抽筋, 有咗到依家加埋十次都唔知有無, 但唔知點解尋晚發癲一抽兩隻輪住抽, haha...
回覆刪除我就冇夢過仔仔, 反而馬尾爸有喎。我仲因為你呢篇blog, 引發起我出今晚篇 "微妙的緣份" 添呀。有時間就過嚟睇下吖。
回覆刪除哎吔改咗呀... 係 "微妙的預感" 先啱呀
回覆刪除你唔好咁緊張啦, 日有所思, 夜有所夢呀~~~
回覆刪除我近來去半夜廁所既次數反而少左!! 乜唔係越近生就越會壓住尿道而去得頻密咩?真奇怪!
回覆刪除放鬆d ~ bb 就黎係緊張d ga la ~ 好好享受等待的時間啦~
回覆刪除你呢d咪係日有所思，夜有所夢囉！ 放鬆吓，聽吓旋律輕鬆嘅音樂呀~ 至於夜晚尿急，你都差唔多生，尿頻都唔係乜野大問題。
回覆刪除我都會成日發夢自己穿咗水呀.... 可能真係有d緊張喇....希望到時順利喇~
回覆刪除我近來反而好少發夢, 可能因為我成日去厠所, 一晚成六七次以上, 加埋胃痛, 跟本瞓唔"林"....我諗要生完, 先可以發番個好夢 ....你都唔好太緊張啦, relax d啦....
回覆刪除唔好咁緊張啦
回覆刪除relax~! 放鬆d啦，睡前唔好想太多野，放d輕音樂輕鬆下咁睡得好d
回覆刪除唔好咁緊張呀~~ 放鬆D呀~
回覆刪除幸福張師奶 :放鬆d拉,唔好甘緊張!期待bb的來臨!!
回覆刪除多謝各位關心! 其實自己本身都唔算好緊張, 可能d潛意式係夢入面發出黎卦~~ haha...
回覆刪除我生之前成日發夢自己穿水架....但其實原來係急尿 ...
回覆刪除我生之前都成日抽筋O家！不過就好少要去夜尿尿！
回覆刪除你好似好緊張咁喎..放鬆D啦..個B會FEEL到你嘅心情架..
回覆刪除Relax 一啲啦。
回覆刪除