今個星期開始踏入37週(政府計已經38週添啦~~), 即係小寶寶隨時都可以出世啦~~ 爭在呢位大少想幾時至出黎見我地! haha...... 
呢排都成日問小寶寶: 你想幾時出世呀?! 出世時記住俾d signal我呀! 最好就係見紅嘅signal啦~~ 仲有要成日提小寶寶, 要等daddy係屋企至好作動呀! 每日就好似傻婆咁同小寶寶講呢堆嘢! 
37週嘅孕婦, 越黎越圓潤, 腳依然係豬腳, 肚圍keep住46寸, 磅數17x磅(屋企無磅, 又未到檢查日, 都唔知又重咗幾多~~
人做孕婦我做孕婦, 好奇怪, 好多孕婦都會凸肚臍, 但我偏偏就無凸! 以前成日諗, 第時大肚凸肚臍會係點嘅呢?! 點知........ 凸肚臍無我份! 
亦有樣好慶幸, 好多孕婦臨生前都會有便秘呢個煩惱, 而我又好好彩, 仲要好暢順! 成日覺得因為小寶寶唔鍾意與便便為伴, 所以...... 
好多孕婦都睇住佢地小寶寶嘅權頭仔腳仔係肚皮上游動, 但我偏偏就未見過! 最利害都係睇住個肚上下左右咁震動, 但見嘅次數唔多, 果然係溫柔嘅小寶寶呀! 小寶寶呀~~ 你係男仔黎架, 溫柔得濟會唔會唔多好呢?! 
呢排盤骨同恥骨都好痛! 尤其是恥骨, 瞓醒個下嘢真係差d痛到行唔到~~ 都幾奪命! 
仲有發現呢排腳汗越黎越勁, 點解呢?! 係咪因為同懷孕有關呢?! 
最近同貓貓傾計, 講開想小寶寶快d出世, 佢提議試下砌咗張床仔先, 因為幾位媽媽都係砌咗床仔之後兩三日, 佢地個小寶寶就出世啦~~ 同埋砌好床要放個公仔係床度, 唔好等張床吉咗响樹, 唔係咁好喎~~
唔通d小寶寶見佢地張床仔未砌好, 所以唔肯出世住?!
同張先生商量過, 叫佢執下間無人瞓嘅房, 拆咗張床, 方便放小寶寶d嘢, 但佢又擔心俾張老太話! 唔拆床又點執房?! 唔執房又點砌小寶寶張床?! 下星期一定要執下! 唔理張老太咁多~~
孕婦返多兩日工(即返埋禮拜五)就開始放產假啦~~ 唔知做乜, 呢排成日都好攰, 成日都唔夠瞓咁, 開始放假就可以瞓晏d啦~~ 希望小寶寶下個禮拜出世就好啦!!! 
你真係打算砌床啦? 快D砌好佢啦...
回覆刪除係架! D老人家話BB未出世唔可以拆野&砌野架! 我都想早D搬走D野放好張床仔, 成日覺得唔整左佢唔放心咁既! D老人家話你入左院生仔, BB出左世嘞咪砌床囉! 佢又唔知間屋有幾千尺(反話呀!), 唔掉咁D野邊有位放床仔喎! 我都無凸肚臍喎! 可能我地之前太凹了, 而家都係扯平左啫! 勁喎! 仲可以自己剪腳甲, 我早幾日32週時真係剪唔到叫我老公幫我剪了, 真係反晒手都剪唔到喎!
回覆刪除好緊張呢？baby隨時出來架啦，執好d野未？
回覆刪除真係好緊張呢~~~~~
回覆刪除拿~拿~拿~我要第一時間睇吓小寶寶個樣架~~ 張床等你老公快快切好佢啦~~如果要鑽釘的話,你最好吾好向屋企喇~~吾係迷信,係因為通常聽到哥D聲會吾多C服囉~~ ((等佢兩老未番之前攪掂好,就吾洗"哦"多次嘛~~)) 腳趾甲你都剪到!? 勁呀!!! 我44吋腰都吾得呀... ((點解你想見血呢??穿羊水吾好D咩? ))
回覆刪除都係時候要執好間房兼砌埋張床仔啦喎~唔駛等BB出咗世先砌咁趕呀嘛？！ ？ 我仲以為個個孕婦都會凸肚臍添~講到便秘...我佗到5、6個月已經出現啦..陰公！ 睇黎你已經準備好晒去迎接BB來臨噃~放鬆心情啦！放咗假就唔好單獨周圍逛啦...希望如你所願，BB下個星期順利(產)出世啦！
回覆刪除bb出世後先好砌呀!!!!
回覆刪除我都係返埋今個星期五就放產假,但我一早就砌左張床, 因為買左唔砌,有問題咪換唔到囉? 今日我37 weeks 3 days la~
回覆刪除好緊張,好緊張...........BB快Ｄ出世,唔駛等媽咪心掛掛啦,我2個月前已經砌咗張床仔lu,費時到時老公手忙腳亂
回覆刪除唔好咁心急啦!小寶寶可能要等你開始放產假時出來啦! 佢好鍚你呀! 等你冇壓力之下出來, 唔駛咁狼狽, 返緊工時入醫院! 我話最好你開始放假第二日就生得! 咁可以多d時間休息同照顧小寶寶ma!
回覆刪除你記住休息多些呀! bb出世後,你就冇覺好瞓啦...我而嫁要飲coffee 提神呢...想屎呀!
回覆刪除好緊張...........,唔關我事... 齋睇blog~ 我都覺得好緊張呀! BB快Ｄ出世啦~ 張C奶!!!!記得小心D and take care le 期待期待期待
回覆刪除好緊張又好心急.....好想快d見到BB呢!! 幸福張師奶 ~ 你自己出入都要小心D呀!!
回覆刪除我當時差不多要生的時候，都好期待快啲見到bb，但一生完的幾日，又好懷念bb係肚入面的日子，真係奇怪， 好多媽咪都有呢種感受，所以呢！好好享受bb未出世在你肚仔入面的時間啦！
回覆刪除貓貓, 一於下個禮拜執房砌床! 大寶, 走佬袋執好啦! 諗d生仔過程時會緊張, 但唔諗時又無嘢! haha... penkwok, 張老太咪就係話等bb出咗世至好整間屋入面d嘢 ... 大佬呀! 整得切至得架~~ 唔係拆同砌咁簡單, 仲要執架麻~~ d男人又未必識點樣執到啱你心水喎!!! 二家姐, 見紅好過穿水, 穿水會搞到好呢hea, 聽聞會一陣腥味! 同埋見紅我可以有機會沖埋個靚涼洗埋個靚頭, 唔駛急住入院麻~~ 穿水就真係要咋咋臨"立"嘢走人! 小女人, 我都以為個個孕婦會凸肚臍, 不知幾期待自己個肚臍凸出黎, 好似好得意咁! 順便可以清潔下麻~~ Shampoo, 咁我同你個小寶寶嘅預產期應該差一兩日咋喎~~ Cindykam, 你兩個月前砌好啦~~ 好快喎! 你有無放隻公仔係床仔度呀??? YeRo, haha....... 我都有諗過返返下工作動! 都幾好架~~ 提早放產假之餘, 又夠晒近醫院! haha...... 小叮媽, coffee無益, 唔好飲咁多呀! Lala, 幾時到你呀! SaSa, 我都好想快d聽到你有bb嘅好消息呀! 晴晴媽, 我同事都係咁同我講呀! 當佢成日喊時, 你就想塞返佢入肚! haha...
回覆刪除好登你緊張呢! 37週應該砌床架喇, 要比張床仔散咁d味啊!
回覆刪除好戥你緊張呀! bb就出世, 唔知佢會似你定張先生呢?
回覆刪除我都係見紅先！真係沖埋涼洗埋個頭至出發呀！！不過，係正常見紅嘅情況囉~
回覆刪除HIHI... 我其實1-2個月之前已經keep住睇你個blog架啦, 你寫得好吸引同埋真係好似陪住你等bb出世lei... 但一直都無留言, 見你bb就出世, 想同你打個招呼先.. 另外, 祝你同bb都健健康康.. bb快高長大.. 祝你盡快減肥成功!!!
回覆刪除我覺得凸肚臍好似凸點 … 好肉酸喎 ~ 你有冇出現妊娠紋呀？ 早前你話個中醫教你飲葡萄乾水，有冇試過 我諗應該好味過白蓮鬚卦 ~
回覆刪除凸肚臍唔好呀~~咁醜...希望我唔凸啦~~~ 我都覺得見紅既singal最好呀~~~痛我又怕自己唔知原來生得, 穿水又"呢咁hea"!!
回覆刪除你真係好快就生BB喎!記住同我地分享你生BB的經歷呀!
回覆刪除如果你想快d生, 多d摸個肚, 我個醫生朋友話因為摸肚肚會刺激子宮收縮, 快d生既... 你就好啦, 凸肚 臍真係 好肉酸, 連著衫都俾人見到個 肚 臍, 好冇安全感. d人摸我個肚, 一摸到 肚 臍, 好似俾人非禮咁....
回覆刪除可能我無凸肚臍所以咁想凸下啦~~ 因為好似好得意, 同埋係大肚婆o既特徵麻~~ 平常人唔會無啦啦凸肚臍麻! 玻璃鞋, 等我星期一開始係咁摸個肚至得! 星期日張先生要返工就唔好摸, 等星期一先! haha..........
回覆刪除有呀,開頭我放咗隻豬係床度,而家越放越多嘢呀,走佬袋,bb床單(不過未鋪) 你係邊間醫院生呀? ,我係廣華,仲有係咪一入院就law哂D嘢去,我今曰上綢見有Ｄ媽咪話廣華好似入院未生之前只係可以帶紙巾同3包產婦巾咋, 其他要生完入左院先叫老公拿, 當然係最好分開出院既用品叫老公帶黎出院方便d Wor, 所以係分三個袋.......????????
回覆刪除