15 Aug 2007
今日真係不宜產檢呀! 點解?! 10:40am準時去到廣華, 入到去多人到丫~~ 坐到爆晒, 好多孕婦都企咗係度等呢! 人丁之旺仲犀利過上次呀!!! 到12點零鐘至走得!
今次又係聽下心跳, 度下肚皮, 問下你有無嘢, 之後就閃人! 今次多咗樣, 就係要抽血, 話產前驗下有無貧血現象喎~~ 個姑娘手勢真係差呀! 抽完個針口忍忍痛! 去完廣華, 跟住下晝4點半至去張醫生度產檢, 呢段空檔期唔知做乜好, 於是去咗朗豪坊食糖水, 跟住睇<五星級大鼠>, 好好睇呀, 又好笑, 故事又好! 都幾有教育意義呢~~ 睇戲前半部份, 小寶寶不停咁郁, 後半部份可能體力勞動得濟, 瞓着咗! haha... 
......睇完戲就去張醫生度檢查, 等咗成個鐘, 五點幾左右, 肚仔好餓, 於是問姑娘仲有幾多個至到我, 一問之下, 佢話仲有好多個, 啱啱至睇完今朝個d 
事隔3星期, 又重咗7磅, 家陣體重175磅(今朝磅時173磅), 直迫張先生o既體重啦! 又俾張醫生笑! 唉.... 你估我想o既咩, 肚餓唔通唔食嘢咩~~ 
......... 唔通醫生今朝去咗接生?! 於是唯有同張先生去牛奶公司醫下肚先! 然後再拆返診所, 結果等咗成3個鐘至走得! 成個診所都坐滿晒人, 真係第一次見!但今次小寶寶size比上次又唔算大咗好多, 頭仔9.4cm, 肚圍10.5cm而大脾骨6.8cm, 頭仔同肚仔都增長咗0.5cm, 而大脾骨就增長得最少, 得0.1cm! 醫生估計小寶寶出世應該大約有七磅幾, 咁都安心d~~ (上次檢查張醫生估計佢起碼有8磅) 之前人人覺得佢係大隻b, 唔知係咪佢小氣呢?! 
好緊張呀, 已經36週, 我先得34週, 唔知bb幾時先出世啦...如果佢早左, 又驚佢唔足磅, 但又好想快d見到佢 肥d好d....起碼bb肥肥白白,最多生完努力減lor....我近來反而輕左3磅, 好擔心呀....
回覆刪除廣華等兩個鐘算好啦 我係威院睇---- 最快果次都差唔多等兩個鐘 星期一岩岩去完檢查 --- 可能星期五下打風---d人迫埋星期一 果日要分2parts做 照超聲波 -- 由上午九點五十分 等到 十一點先有得照 見醫生就由十一半等到中午一點四 足足係醫院攪左差唔多四個鐘先走得呀!!!!!!!!!
回覆刪除不過我個私家醫生都唔好得好多 每次都起碼要等2個鐘先有得睇呀!!!!!!!!!!
回覆刪除開頭,我都想谷肥ＢＢ,等佢出世有8 lbs,好似穩陣Ｄ健康D,但而家轉太啦,上次見人哋個blog D相,生7 lbs BB都好似唔細架wor ,相果8 lbs自己會唔會生得好辛若呢?
回覆刪除仲有呀,收到你上次sent比我嘅馬豆糕網址,唔該哂 ,我整咗la,不過失敗咗lu ,明天再整過....he he
回覆刪除嘩, 廣華真係咁多人呀! 三星期重7磅好似真係多左小小喎! 死啦! 我都好似開始好想食野咁呀, 要忍下先! 咁你而家差唔多足月嘞喎! 你呀b隨時生得嘞喎! 好期待呀! 其實真係唔使谷到個b咁大家, d bb出世就自自然然會肥架嘞! 7磅係最好架!
回覆刪除玻璃鞋, c+就36週, 而政府就37週! 小寶寶隨時都出得世, 我都想佢早d呀! 鄭太, 嘩......... 你仲勁, 要等成4個鐘! cindykam & penkwok, 我都無刻意谷小寶寶呀! 肚餓咪食, 點知自己同佢一齊吸收呀! haha... 一家人, 乜你原來都係睇張醫生架?!
回覆刪除36週，除時生得啦！我都33週啦，走佬袋執好，不過未有最新BB的體重詳細資料，下次覆診就知啦！ 廣華星期一睇係小人D架，我逢星期一睇，8月13日睇時竟然等左35mins就走得，超快！不過唔知點解，好多人都話廣華要等好耐，我每次睇都係1個鐘就走得。 上次驗完，我有貧血，要食鐵丸呢。 祝你同BB健康！
回覆刪除YY, 我次次都等起碼個幾鐘至走得! 我都祝你同bb健健康康呀!!!
回覆刪除嘩 ! 現在已經知道BB身形點樣喇, 犀利 ! 係咪就黎出世呀 ? 祝BB健健康康 !
回覆刪除我都係好怕去做產檢要等咁耐, 因為明知只係入去做d好例牌野哦... 依家已經知道bb出世時會有7磅幾咪好囉, 因為呢個係正常bb size啊! 太巨b生得好辛苦架!
回覆刪除咁快36周啦？你都唔好周圍去啦，放產假就係家休息下，練下便秘出力啦，隨時來架啦~
回覆刪除吉蒂, 係就生啦~~ 不過唔知邊日, 等小寶寶呢位大少話事! KatieMami, 所以都想唔去張醫生度產檢, 淨係去廣華算... 大寶, 你呢招"便秘出力"好似有點難度喎! 會唔會練練下咇咗小寶寶出黎架~~
回覆刪除隔多一星期就足月, 隨時生得啦
回覆刪除好期待啊,好想快D見到你既b~哈哈~
回覆刪除0甘我比你好小小, 果日響廣華由頭到尾都係等左1個半鐘左右, 不過入房見e生就得3分鐘0羅 同你一樣都係聽心跳, 度下個肚, 問我有冇腳腫(點知我答未呀, 比e生笑 ), 係呢, 我果日試過憑你post對腳去搵你 but搵唔到wor 又唔見人攞住朱古力蛋糕........
回覆刪除貓貓, 我都想小寶寶快d出世, 已經成日問緊佢架啦, 但佢無so我... 阿玲, 我都好期待~~ 路人甲, 我食咗早餐至去呀! 無帶朱古力蛋糕! hehe...... 我對豬腳, 唉... 依然咁豬呀!
回覆刪除
回覆刪除幸福張師奶 : Wah.等足成日wor!!! 好緊張呀! 好期待呀!
哈哈你好似我咁胎教日日哦住佢啦..
回覆刪除好快就生喇~~~好期待你既小寶寶既降臨呀!!!
回覆刪除好快就可以同小寶寶見面喇, 執好走佬袋未呀?
回覆刪除好期待你個bb出世呢...又多個媽媽交換心得啦...
回覆刪除好快到你啦.........
回覆刪除你會係私家生 / 政府？順產 / 剖腹？
回覆刪除吾知點解，我的心情都開始緊張！ 好想快d見你的bb呀~~~~~ 加油加油！
回覆刪除張師奶 你同ceo 應該會差不多時間. 你的BB發育得好好. 我生時BB頭圍10cm 對我來說已經好難生產. 因為我瘦底盤骨位都好細. 你有無問下醫生順產事宜. 你去牛奶公司食tea. 你去那一間診所呢! 我私人在栢嘉 政府在廣華. 最終選擇了在廣華生BB順產. 廣華的醫護人員很有經驗. 他們都做得好足. 所有檢驗都會在出院前知道結果. 如有什麼問題會立即通知媽媽. 你考慮下啦!
回覆刪除真係好快生得啦喎~咁你幾時放產假？仲有執定個走佬袋先呀！
回覆刪除珊珊 & 二家姐 & 小叮媽, 我都好期待呢~~ 貓貓, 我家陣成日都同小寶寶講, 你幾時出世, 不如早d啦~~ 唔知佢so唔so我! 仟仟媽, 執定啦! 到時生得話行就行! haha... 小豬媽, 係呀, 好快! 再快d就更加好! hehe... CEO媽媽, 我決定咗去廣華生, 希望可以順產, 唔駛俾人劏啦~~ 天使媽媽, 有時諗起生個時會點?! 都會有少少緊張呢~~ 但我諗到真係生時, 都唔得閒緊張囉! 栢賢媽媽, 我私家係嘉賓大廈睇! 我會去廣華生呀~~ 原來栢賢出世時頭仔成10cm架! 我都有問過廣華個醫生, 因為我都擔心佢頭大生唔出, 但醫生只係話: 你咁高大, 應該無問題! 我當堂 ...... 希望順到產啦!
回覆刪除小女人, 我返埋8月24日就放產假~~ 走佬袋執好啦! 到時話行就行, haha......
回覆刪除我都有朋友起8/17 剛起廣華生左bb呀! 不過, 佢就唔好彩喇, 痛左1x個hours之後, 最終都要緊急開刀, 佢而家仲起醫院休息緊; 而且佢間房有6張床, 得佢一個係hk人, 其他5個全部都係大6人... 我而家都唔知bb有幾lbs, 35w5d就有5.2lbs, 而家應該都有6.x喇掛 ? 醫生話我細粒又瘦, bb太大我就好難生, 如果可以6.xlbs出世就曼好喎. 我而家同alvin豬加埋先得118lbs咋. 仲有8日就到edd, 個人超緊張!!! 你而家都36w, 相信你既心情都好緊張喇. 大家一齊努力, 加油!!!
回覆刪除Little panda, 你都要加油呀!!!
回覆刪除加油!希望妳生個肥肥白白0既bb!
回覆刪除就快見到BB 喇...好緊張...食多D嘢 !!! 加油呀 !!!!
回覆刪除好緊張呀~~~就快見到你個小ｂ喇～～～
回覆刪除原來宜家已經咁高科技BBo係肚入面已經知道BB 既SIZE !! 真係唔講唔知!!!
回覆刪除要等咁耐至有得看医生..今年真係好多人生BB..我諗遲Dbb爭學位仲犀利呀
回覆刪除