1 Aug 2007
今日又到廣華產檢嘅日子, 11點去到, 又係坐滿人咁濟! 驗完小便要等量血壓, 連量血壓都要等成10分鐘! 不過今次唔駛等兩個幾鐘, 等咗個零鐘就見醫生!
今次姑娘禁完肚, 聽埋小寶寶心跳, 跟住輪到醫生又禁肚, 佢地仲要鬼咁大力, 禁到我好痛!
之後問醫生, 呢輪夜晚好多時都肚痛, 類似搞肚痛咁, 但個肚又無ke lee 咕嚕, 又唔係去toilet, 仲有下面間唔使赤赤下咁! 個後生女醫生嘅回應係: 你都35週啦~~ 就生係咁! (張醫生同政府嘅預產期相差1週)
次次問親嘢, 答咗等於無答咁 
......
跟住姑娘又串串地話: 你就咁同我地講(佢指bb頭圍size), 中間可能有差異, 你最好叫私家醫生俾份報告你, 下次產檢再帶黎! (張師奶當堂無言以對 ......)
買完錶, 去咗朗豪坊睇<Harry Porter>, 兩個字形容: 晒錢! 成套戲, 悶到爆炸~~ 決鬥嘅場面估唔到係咁簡單, 完場時嘅反應係: 下....... 套戲咁就完咗啦?! 
睇戲期間, 相信小寶寶已悶到熟睡中, 係臨尾至係咁踢, 應該係想同我講: 媽媽, 套戲咁悶, 快d走啦~~ 小寶寶想返屋企啦~~
睇完戲就咋咋臨返屋企買餸煮飯! 張先生今晚又做大廚! haha... 
其實個story唔係咁嫁,唔知係唔係Dproducer慳$,成日將D精采野cancel左!!
回覆刪除唉!D政府野係咁架啦! 我到而家7個月有多, 都未照過一次超聲波呀! 如果佢知你有在私家看醫生呀, 分分鐘更加唔同你照呀! 我又係因為私家同政府既預產期唔同, 同政府講, 佢都叫我比D報告比佢地睇架, 咪比左D 2D既相及照唐氏分報告比佢囉! 算啦! 鬼叫政府平好多咩, 將就下啦! 我成日都同自己咁講架!
回覆刪除政府產檢係咁架啦, 我仲次次都係見助產士, 無 e 生見tim!
回覆刪除張師奶, 我大姑拉話, 臨生前一個月, 你會覺得下面子宮,.陰部.會好似有野責住你下面咁.好痛架! 果時佢半夜實起幾次身~ 而且成日見肚屙~~~
回覆刪除個姑娘好過Dr. Cheung ar...個醫生搞咩呀!!!!! (唔緊要la,去到邊有張先生係你身邊ma) 小心DDDDD ar! 小B仔就出世~ 期待中!
回覆刪除我佗阿女時冇試過去私家醫生做檢查！其實係自己怕請假嫌麻煩！照超聲波 5 個月後就冇得做，醫生當時話胎大咗，照就睇唔到 d 乜野！仲話照得多可能對個胎唔係太好咁話！ ( 當時都覺得佢有 d 老點 ... ) 除咗頭兩次去醫院開 file 見醫生外，之後就喺健康院檢查，佢話身體狀況良好就會安排去健康院喎。我都唔係次次有醫生見，多數見姑娘咋！ 到臨生之前 4 至 5 個禮拜，就有尿頻出現！陰部赤赤痛就冇 ~
回覆刪除我都覺得Harry Potter 冇咁好睇~~~ 剪到支離破碎~~~~ 個張秋突然出現又突然消失... 唉
回覆刪除傻瓜頭, 我無睇過書呀! 不過書實詳細精采好多! penkwok, 唯有將就下~~ Karen, 廣華有助產士小組, 聽聞幾好架~~ 可惜我入唔到! 鼠鼠, 我依家就係好似你大姑奶所講咁囉~~ Lala, 個醫生唔係Dr.Cheung, 係政府個邊d醫生黎! 查實我次次去廣華產檢, 都無睇個醫生姓乜! 小女人, 真係間間醫院運作都唔同呀! 魚骨, 係啦~~
回覆刪除我間中也會覺得肚右下方或下面有小小赤赤痛，不過真的很間中出現。晚上我沒有感到肚痛，每晚去2-3次洗手間小便，不過自2-3個月開始已是這樣。
回覆刪除hello!! 幸福的張師奶 ..... 我到41週才生呀.....到預產期個個拜禮(即40週)我仲緊張...什麼動靜也沒有..最後要催生....haha.... 一大清早(自己行落)產房...好笑 ,我可能睇得電視多,生仔個時一定有人服侍 .已為好似皇帝咁..但原來唔係咁..護士話我..你又冇見紅又冇陣痛羊水又设有穿 ..自己行啦..咪浪費醫院(人力物力)阿姐及手術床推你落去la.... 過廣華ok 架..我個friend 2年前生了第一胎..服務及態度都ok .....E家第二胎..十月尾預產期又揾返廣華.. 你放心垃,,,,,,我也是在政府生順產...... O SORRY 太長氣LA.. 祝張氏一家幸福快樂...BB身體健康la...bye bye..
回覆刪除CEO, 之前幾個月都一晚去一次toilet, 但呢兩個禮拜開始一晚兩次! 黑珍珠媽媽, 謝謝你分享呀!
回覆刪除