9.8.2009
今日B仔爸返工, B仔媽就要自己湊B仔返婆婆屋企~ 晨早十點半就整咗瑤柱節瓜肉片湯飯俾B仔做早餐, 跟住天氣咁好, 咋咋臨洗咗兩機衫就出門後返婆婆家~
上車無幾耐B仔就開始有睡意, 但又要捉住小巴窗個條扶手棍, 又唔肯捱係B仔媽度, 之但係自己係度釣魚, 真係呢...... 最後當然爬咗係B仔媽度瞓到豬的一樣啦~ HAHA......
返到婆婆屋企度就半開合(眼睛), 婆婆第一時間塞個奶咀俾B仔, 唉............ 咁我又衰, 無同婆單聲嘗試同B仔戒, 之但係呢一嘢塞入咀就真係返返轉頭囉~~ 夜晚又係, B仔喪扭想瞓要奶咀, B仔媽又係唔俾, 公公又第一時間拎個奶咀俾B仔, 唉......... 睇黎, 有排都未戒得甩!!!
B仔唔午睡, 公公又午睡醒, 我地同埋公公婆婆去咗公園度行下~ 公園有個大型吹氣玩具, 俾小朋友入去彈下跳下, B仔睇人彈好開心, 但公公抱佢埋去彈時, 佢竟然驚, 縮腳, 係咁話唔玩唔玩........... =.=""""" 呢D咪叫做應驚時唔驚, 唔應驚時就走去驚囉~ 衝出大海又唔見B仔你話驚 =.=""""""
B仔係公園四圍跑~ 玩下大算盤, 搖下車仔... 邊跑邊叫"跑! 跑!", 真係搞笑~~
公公就係度練氣功咁做運動, HAHA... B仔跟住公公FING手, 真得意~~
玩到攰就坐低抖下~~
飲啖水先~~
嘩... 天氣真係超熱呀! 熱到B仔大汗搭細汗呀~ 一行四人濕晒兼臭晒~ HAHA... 玩咗一輪就返婆婆屋企!
返婆婆屋企前去買咗張枱仔俾B仔用, 希望佢肯用啦~
係咪天氣關係.. 所以你一家四口可以獨佔個playground? 點解婆婆咁順攤俾你放咗枱喺屋企?
回覆刪除[版主回覆08/11/2009 09:41:00]唔係呀, 有其他人架, 不過少囉~~
HAHA... 因為我買咗張摺枱, 有安全鎖~
B仔真係玩到勁濕喎!
回覆刪除[版主回覆08/11/2009 22:09:00]係呀~ 個頭好似啱啱洗完咁~
戒奶咀.. 真係好難...
回覆刪除其實難 就難在... d 老人家.. 郁下就塞奶咀囉~~中慣哂囉~
你係屋企..可以唔俾奶咀b仔.而佢又訓到嗎???
p.s.. 點解你一返到去. 一入門口.. 婆婆就塞奶咀呢.. 真係好奇怪! b仔又無喊.又無扭
[版主回覆08/11/2009 22:10:00]因為搭車時B仔瞓咗, 瞓到入屋, 聽到PIZZA叫, 佢又勁眼瞓, 隻眼半開合, 婆婆見佢想繼續瞓, 又驚佢醒, 9秒9塞個奶咀佢嘆囉~