3.8.2009
今日B仔婆婆幫B仔媽去學校交學費、雜費同埋買校服! B仔媽要返工, 唯有靠婆婆幫手!
聽婆婆講返, B仔入到學校又第一時間去玩車車, 玩到唔捨得走呀! 婆婆要引誘佢話去睇下隻雀仔做咩?!?! 至可以成功帶B仔離開學校呢~
開學之後唔知B仔會點呢?! 會唔會掛住坐車仔唔肯入課室呢?! 唔肯聽老師話離開部車仔, 會唔會扯大喉嚨喪喊呢?! 唔受老師控制, d老師會點泡制佢呢?! 唔知去廁所識唔識得自己去?! 會唔會射濕晒條褲架?!
唉... 9月1日開始返學, 好想請假湊佢返呀!!! 話晒B仔人生第一次返學丫麻~~~ 但...... 唉.............. 九月攞假, 確實超超超..... 有難度呀!!!!! 今年唔放, 都希望出年可以放到丫~ 話晒出年九月係真真正正去返學丫麻~~~ 確實勁想親自湊B仔去返學呀! 硬係覺得係一個遺憾黎! 到時真係攞唔到假, 就真係要靠B仔爸啦~~~~ B仔, 返學你要乖呀!!! 聽老師話呀!!!
遲下B仔媽要幫B仔買黑皮鞋同白波鞋啦~~ 又要破財啦~~
今日不用上班? 一連寫幾篇blog
回覆刪除[版主回覆08/05/2009 16:23:00]要呀~ HAHA...
開學真係好多野要買, 好多野要預備!
回覆刪除[版主回覆08/06/2009 16:40:00]係啦~ 黑皮鞋白波鞋我都仲未買呀~
B仔一定乖乖返學嘅!
回覆刪除[版主回覆08/07/2009 20:23:00]希望啦~
一定喪扭要玩車車都似...哈哈
回覆刪除係喇~我都覺得要親手帶返學接放工..感覺先好~
係喎..點解B仔未足2歲,, 都收讀N1既?
黑白鞋..去吉吉島買...抵玩D!嘻~~~~~~~~襯有折去買喇