42蚊既三餸一湯

11.8.2009

 

又係時候煮下飯啦~~ 呢個禮拜既晚上都頗full呀, 今晚唔煮就真係... 成個禮拜都出街食架啦!!! 雖然B仔爸指明今個禮拜B仔媽要煮飯的話, 佢係唔會洗碗, 因為太攰, 咁B仔媽都明白既~~ (因為平時係一個煮一個洗架麻)

 

是日晚餐........... 呢餐大拿拿用咗42蚊呀! haha... 出街食起要一個double或triple呀!!!

 

焯菜心 (呢期d菜心好甜呀! 好味!)

 

甜梅菜蒸肉餅 (咸咗dd, 怕且係梅菜浸得唔夠耐~ 但撈飯一流呀!!!)

 

 

洋蔥炒蛋 (正!!! 買咗紫色皮個隻洋蔥, 好爽呀!!!)

 

 

夜香花滾豬潤廋肉 (正!!! 但豬潤滾得過咗龍, 變得唔好味~)